Форе

	Форе; Fårö
	Остров
	Карпести столбови на Форе
Земја	Шведска
Округ	Готланд
Општина	Готланд
Место	Балтичко Море
- координати	57°56′N 19°09′E / 57.933° СГШ; 19.150° ИГД
Површина	113,30 км2
	Форе во крајниот североисточен дел на карта на Готланд Форе во крајниот североисточен дел на карта на Готланд

57°56′N 19°09′E / 57.933° СГШ; 19.150° ИГД

Форе (шведски: Fårö) — мал остров во Балтичкото Море, северно од островот Готланд во југоисточниот дел на Шведска. Ова е втор остров по големина во покраината. Населението брои помалку од 600 жители, но местото сепак ужива популарност како летувалиште. На островот нема банки, пошти, здравствени установи и полиција. Има свој дијалект, кој се смета за најстариот јазик во Шведска.^[2]

Географија

Островот е одделен од Готланд со проток, преку кој одат два траекта. Има вкупна површина од 111,35 км², од кои 9,7 км² се водни површини или мали островчиња.

На островите Форе и Готланд има карпести столбови наречени „рауци“ образувани од одрони во текот на Леденото доба. Вакви образби можат да се најдат само на овие два острова.

Во филмската уметност

Шведскиот режисер Ингмар Бергман провел дел од животот во Форе, каде и починал. Тука се снимени неколку негови филмови, меѓу кои: „Низ нејасно стакло“ (1961), „Персона“ (1966), „Часот на волкот“ (1968), „Срам“ (1968), „Страст“ (1969) и „Сцени од еден брак“ (1972).^[2] Секој јуни се одржува „Бергманов фестивал“ во чест на режисерот.

Филмот „Жртва“ на Андреј Тарковски бил предвиден да се снима на Форе, но војската одбила да даде дозвола и затоа филмот е сниман во Нер, југоисточен Готланд.

Туризам

На островот секоја година во септември се одржува настанот „Форевски вечери“ (Fårönatta) кога рестораните и баровите работат цела ноќ, на тезги се нудат ракотворби a црквата одржува полноќна миса.^[2]

Реони

Светилник

На североисточниот крај на островот се наоѓа светилникот (Fårö Fyr). Висок е 30 м, а изграден е во 1847 г.

Лангхамар

Лангхамар е полуостров во северозападниот дел на Форе. Се одликува со карпести плажи и карпести монолитни образби наречени „рауци“. На полуостровот е сместен истоимениот природен резерват Лангхамар. Дејството на филмот „Низ нејасно стакло“ на Ингмар Бергман се случува во Лангхамар.^[2]

Дигерхувуд

Природниот резерват Дигерхувуд во себе содржи и рибарско село. Местото не е погодно за пливање поради наглата длабочина (до 80 м) и силните струи. Меѓутоа од истата причина резерватот е популарен за нуркање и спортски риболов.

Судерсанд

Долгата песоклива плажа Судерсанд се наоѓа североисточниот дел на Форе, веднаш до Сундерсандското одморалиште, каде се изнајмуваат бунгалови.

Наводи

↑ „Статистички годишник 2011“ (PDF). Централна статистичка служба. стр. 12. Архивирано од изворникот (PDF) на 2012-01-13. Посетено на 5 јули 2011. (шведски)
↑ ^2,0 ^2,1 ^2,2 ^2,3 Пергамент, Даниел (7 октомври 2007). „Маѓепсаниот остров - дом на Бергман“. New York Times. (англиски)

Надворешни врски

Туристичко здружение на Готланд — Форе (англиски)
„Форе“ - Нордиска семејна книга (шведски)

Галерија

Карпестите облици наречени „рауци“
Светилникот на Форе
Црквата на Форе

57°56′N 19°09′E / 57.933° СГШ; 19.150° ИГД / 57.933; 19.150{{#coordinates:}}: не може да има повеќе од една главна ознака по страница

[scb-1] „Статистички годишник 2011“ (PDF). Централна статистичка служба. стр. 12. Архивирано од изворникот (PDF) на 2012-01-13. Посетено на 5 јули 2011. (шведски)

[travel.nytimes.com-2] 2,0 ^2,1 ^2,2 ^2,3 Пергамент, Даниел (7 октомври 2007). „Маѓепсаниот остров - дом на Бергман“. New York Times. (англиски)

[1]

[2]