Филип Вишњиќ

Од Википедија — слободната енциклопедија
Прејди на прегледникот Прејди на пребарувањето

Филип Вишњиќ (1767- 1834) - српски пејач на епски песни.

Животопис[уреди | уреди извор]

Филип Вишњиќ се родил околу 1767 година во селото Меѓаши, во близината на Зворник, Босна. Вишњиќ ослепел уште во младоста како последица на сипаници, а потоа скитал низ босанскиот пашалак (патувајќи дури до Скадар), просејќи и свирејќи на гусла. Во 1809 година се преселил во Србија, заедно со српската војска која тогаш се повлекла преку Дрина и до 1813 година живеел во српските логори околу Дрина. Во 1813 година, откако Турците повторно ја покориле Србија, Вишњиќ пребегнал во Срем заедно со неговото семејство и се населил во селото Грк. Таму, тој имал солиден имот (коњ и кочија), синот го испратил на училиште, а каде и да се појавел, луѓето му давале подароци како надомест за неговото пеење. Во 1815 година, него го посетил Вук Караџиќ и од него запишал повеќе јуначки песни, како: „Битката на Мишар“, „Почетокот на буната против дахиите“, „Смртта на Марко Крале“, „Битката на Чокешина“, „Кнезот Иван Кнежевиќ“ итн. Според тврдењето на Караџиќ, поголемиот дел од новите песни, посветени на српските востанија, Вишњиќ ги измислил самиот. Вишњиќ умрел во 1834 година, во селото Грк, иако во 1833 година, Караџиќ напишал дека Вишњиќ умрел неколку години претходно.[1]

Наводи[уреди | уреди извор]

  1. В.Ђ., „Поговор - О врстама епских песама“, во: Војислав Ђурић, Антологија српских народних јуначких песама. Београд: Српска књижевна задруга, 2012, стр. 488-489.