Мара Исаја

Од Википедија — слободната енциклопедија
Прејди на прегледникот Прејди на пребарувањето
Мара Исаја
Роден 1923
Плоешт, Романија
Починал 23 октомври 2006
Скопје
Националност Македонец
Занимање глумец
Роднини Јон Исаја (брат)

Мара Исаја (родена во 1923 во Плоешт - починала на 23 октомври 2006 во Скопје) — македонска театарска, филмска и телевизиска глумица[1].

Животопис[уреди | уреди извор]

Исаја е родена во Плоешт, Романија, во 1923 година, како дете на македонски печалбар од Тетово[2]. На само 16 години се запишала на Конзерваториум за драмски уметности во Букурешт, а паралелно учела и гимназија. Како една од најдобрите студентки, дипломирала на 18 години. Првиот актерски ангажман го добила во елитниот Народен театар во Букурешт, во кој членувала до 1951 година, кога заедно со семејството дошла во Македонија. Во Македонскиот народен театар е вработена од 1954 година, а во 1964 година, заедно со една поголема група на истакнати актери од МНТ премина во тогашниот Младинско-детски, денес Драмски театар, каде што најзиниот раскошен актерски талент дошол до полн израз[2]. Упорна, професионална и фанатично работлива, во текот на следните три децении, Исаја одиграла редица различни театарски и филмски улоги. Таа останала запаметена по антологиската претстава „Столови“ од Јонеско, кога остварила бравурозна улога, заедно со својот брат Јон Исаја, во 1980 година. Тоа била првата претстава од Јонеско, поставена на театарска сцена во Македонија. Добитник е на наградата „13 Ноември“, а во 2005 на фестивалот „Војдан Чернодрински“ од Прилеп ѝ била доделена наградата за животно дело. Починала на 23 октомври 2006 во Скопје[3].

Филмографија[уреди | уреди извор]

Толкувала големи улоги на радиото и на телевизијата, а за своите успешни настапи во македонските играни филмови „Мементо“ и „Планината на гневот“ е наградена на Филмскиот фестивал во Ниш, Србија.

Наводи[уреди | уреди извор]

  1. Ivan Ivanovski (1997). Osnovopoložnici na akterskata umetnost vo Makedonija. MM.
  2. 2,0 2,1 "Мара Исаја беше една од најкултивираните глумици во Македонија". Утрински Весник. среда, 25 октомври 2006. Посетено на 2011-01-02. Проверете ги датумските вредности во: |date= (help)
  3. "Култура и спорт: Македонските новинари и фотографи добија награди на ОН". Ѕetimes. 25/10/2006. Посетено на 2011-01-02. Проверете ги датумските вредности во: |date= (help)

Надворешни врски[уреди | уреди извор]