Игра на тронови (ТВ серија)

Од Википедија — слободната енциклопедија
Прејди на прегледникот Прејди на пребарувањето
Игра на тронови
Game of Thrones title card.jpg
Жанр
Создадена од
Заснована на Шаблон:Based on
Улоги види Список на ликови од Игра на тонови
Композитор(и) Рамин Џавади
Земја на потекло САД
Првичен јазик англиски
Бр. на сезони 6
Бр. на епизоди 60 (список на епизоди)
Продукција
Извршен продуцент(и)
Продуцент(и)
Местоположба
  • Северна Ирска
  • Хрватска
  • Исланд
  • Мароко
  • Малта
  • Шпанија
  • Шкотска
  • САД
  • Канада[1][2][3][4]
Уредници
  • Орал Нореј Оти
  • Франсес Паркер
  • Мартин Николсон
  • Кети Веиланд
  • Криспин Грин
  • Тим Портер
Времетраење 50–65 минути
Прикажување
Првична мрежа HBO
Сликов формат
Звучен формат Dolby Digital 5.1
Првично прикажување април 17 2011 (2011-04-17)
Надворешни врски
Мрежна страница hbo.com/game-of-thrones
Продукциска
мрежна страница
makinggameofthrones.com

Игра на тронови е американска фантастична телевизиска серија, создадена за HBO од Дејвид Бениоф и Д. Б. Веис. Оваа серија е адаптација на Песна за мраз и оган, серија на романи напишани од Џорџ Р. Р. Мартин, од кои првата е насловена како Игра на тронови. Снимањето се одвивало во студио во Белфаст, и на други места во Северна Ирска, Хрватска, Исланд, Мароко, Шпанија, Малта, Шкотска, како и во САД. Премиерата била на HBO, на 7 април 2011 во САД. Прикажувањето на петтата сезона заврши на 14 јуни 2015 година, а во тек е снимањето на шестата сезона.[5]

Дејството на серијата се одвива на измислените континенти Вестерос и Есос. Едната сижејна линија зборува за војната меѓу неколку благороднички семејства за Железниот престол на Седумте кралства; другата линија за воздигнувањето на протераниот потомок на претходно владејачката династија; третата сижејна линија - враќањето на древните, одамна изумрени суштества, Белите талкачи.

Игра на тронови постигна рекорден број на гледачи, како и особено голем број ангажирани фанови. Серијата е критички признаена, иако честата појава на голотија, насилство и сексуални сцени носат негативни критики. Серијата доби повеќе награди и номинации, вклучувајќи ја наградата Еми за првите пет сезони, наградата Златен глобус, како и наградата Хуго и Пибоди. Питер Динклиџ освои Еми награда за најдобар спореден глумец во драмска серија, и Златен глобус за најдобар спореден глумец во драмска серија, мини серија или ТВ филм, за неговата улога како Тирион Ланистер.

Содржина[уреди | уреди извор]

Поврзано: Песна за мраз и оган
Моќ и сила се централна тема во Игра на тронови, а голем број од оружјата се специјално направени за серијата. Некои од нив се прикажани на оваа изложба

Серијата Игра на тронови грубо ја следи приказната од Песна за мраз и оган.[6] Дејствието се одвива во измислените Седум кралства на Вестерос, а серијата ги прикажува борбите на водечките семејства за контрола на Железниот престол. Како што тече приказната, се појавува дополнителна закана од далечниот Север и од источниот континент Есос.[2] Првата сезона е верна адаптација на истоимениот роман. Понатамошните сезони се веќе се оддалечуваат од изворниот материјал. Според Дејвид Бениоф, серијата е „адаптација во целина, која ја следи мапата што Џорџ ја поставил, ги прикажува главните точки, но не и сите попатни станици“.[7]

Дејствието на серијата и ликовите се поттикнати од историски настани во Европа.[8] Главната инспирација е англиската Војна на розите[9] (1455–85) која се одвивала меѓу династиите Ланкастер и Јорк, отсликани во судирите меѓу династиите Ланистер и Старк. Поголемиот дел од Вестерос со замоците и витешките турнири потсетуваат на средниот век од Западна Европа. Кралицата Серси Ланистер потсетува на Изабела, наречена „волчицата од Франција“ (1295–1358), жената на Едвард II.[8] Впрочем, таа и нејзиното семејство, онака како што се прикажани во серијата романи на Морис Друон, Проколнати кралеви, во голема мера го инспирирале Мартин.[10] Останатите историски инспирации за некои од елементите во серијата се: Ѕидот на Хадријан (големиот Ѕид), легендите за Атлантида (древната Валирија), византискиот „Грчки оган“ („дивиот оган“), исландската сага за Викинзите (семејството Грејџој) и монголските хорди (племето Дотраки), како и елементи од Стогодишната војна (1337–1453) и италијанската ренесанса (околу 1400–1500).[8] Големата популарност на серијата во најголем дел се припишува на вештината на Мартин да ги вткае сите овие елементи во еднородна целина, која е веродостојна во рамките на една алтернативна историја.[8]

Дејвид Бениоф предложил серијата да се рекламира како „Сопранови во Средната Земја“ укажувајќи на мрачните настани и фантастичниот свет во кој се случуваат тие.[11] Во 2012 година спроведена е студија според која серијата се наоѓа на второ место од 40 телевизиски американски драмски серии, според бројот на убиства, просечно 14 во една епизода.[12][13]

Епизоди[уреди | уреди извор]

Сезона Епизоди Почеток Крај
1 (2011) 10 17 април 2011 19 јуни 2011
2 (2012) 10 1 април 2012 3 јуни 2012
3 (2013) 10 31 март 2013 9 јуни 2013
4 (2014) 10 6 април 2014 15 јуни 2014
5 (2015) 10 12 април 2015 14 јуни 2015
6 (2016) 10 24 април 2016 26 јуни 2016
7 (2017) 07 16 јули 2017 27 август 2017

Ликови[уреди | уреди извор]

Питер Динклиџ (Тирион Ланистер)

Серијата е карактеристична по посебно големиот број ликови. Во текот на снимањето на третата сезона, забележано е дека учествувале дури 257 глумци кои играат главни или споредни улоги.[14][15] Во 2014 година, неколку договори на актерите биле повторно напишани за да се вклучи и седмата сезона, како и зголемен хонорар, со што влегуваат меѓу најскапо платените телевизиски глумци.[16] Следуваат оние кои се сметаат за дел од главните ликови.[17]

Лорд Едард „Нед“ Старк (Шон Бин) е глава на куќата Старк чии членови учествуваат во најголем број на настаните низ серијата. Со својата сопруга Кетлин (Мишел Ферли) имаат пет деца: најстариот син Роб (Ричард Маден), ќерките Санса (Софи Тарнер) и Арја (Мејзи Вилијамс) и синовите Брен (Ајзак Хемстед-Рајт) и Рикон (Арт Паркинсон). Вонбрачниот син на Нед е Џон Сноу (Кит Харингтон), кој со својот пријател Семвел Тарли (Џон Бредли) е во служба во Ноќната стража, која е под команда на Џор Мормонт (Џејмс Козмо). Љубовта на Џон е црвенокосата Игрит (Роуз Лесли).

Долгогодишниот пријател на Нед е кралот Роберт Баратеон (Марк Еди) кој е оженет со кралицата Серси од семејството Ланистер (Лина Хеди), а пак таа е во тајна врска со својот брат Џејми (Николај Костер-Валдау). Тие имаат три деца, од кои најстар е Џофри (Џек Глисон), наследникот на Железниот престол. Со нив живее и нивниот помлад брат, џуџето Тирион (Питер Динклиџ) со својата љубовница Шеј (Сибел Кекили) и телохранителот Брон (Џером Флин). На чело на семејството Ланистер се наоѓа лордот Тајвин (Чарлс Денс).

Членови на кралскиот Мал совет го сочинуваат Питер „Малопрст“ Бејлиш (Ејдан Џилен) и Варис (Конлет Хил). Право на престолот има и братот на Роберт Станис (Стивен Дилејн), кого го советуваат свештеничката Мелисандра (Керис ван Хаутен) и бившиот шверцер сер Давос Сиворт (Лијам Канингхем). Богатото семејство Тирел го претставува амбициозната Мерџори Тирел (Натали Дормер).

Од другата страна на морето, прогонети живеат братот и сестрата Визерис (Хери Лојд) и Денерис Таргеријан (Емилија Кларк), деца на поранешниот владетел на Седумте Кралства. Денерис е мажена за Кал Дрого (Џејсон Момоа) кој го предводи номадскиот народ Дотраки. Во нејзината свита се наоѓа протераниот витез сер Џора Мормонт (Ијан Глен).[18]


Продукција[уреди | уреди извор]

Д.Б. Веис и Дејвид Бениоф, ги напишаа најголемиот број епизоди, а режираа некои од нив

Снимањето на серијата започнало во јануари 2007 година[19] кога се откупени правата. Буџетот на серијата изнесувал 50-60 милиони американски долари,[20][21] а за снимање на премиерната епизода, потрошени се од 5 до 10 милиони долари.[22] Првата сезона е снимана во Северна Ирска и Малта, додека понатамошните сезони се снимаат и во Дубровник.

За снимање на втората сезона, буџетот е зголемен за 25%, а најголем дел од парите се потрошени за да се прикаже веродостојно граѓанската војна и борбата за престолот околу кој се одвиваат најголем дел од настаните.[23]


Популарност[уреди | уреди извор]

Малта, местото каде е снимена свадбата Дотраки, сезона 1

Серијата важи за една од најочекуваните телевизиски настани во 2011 година.[24][25]

Серијата доби одлични критики како од критичарите, така и од фановите. Пофалбите одат за прекрасната режија, изборот на глумци, веродостојно создадениот свет, уверливите ликови, како и одличната глума на децата глумци.[25][26]

Веб-страницата Метакритик на серијата ѝ дава оценка 79 од 100 можни, а корисниците ја оцениле со 8,9 од 10 можни.[27]

Серијата се нашла на бројни листи како „најдобра за 2011 година“, вклучувајќи ги и листите на Вашингтон пост и Тајмс.[28][29]


Галерија[уреди | уреди извор]

Фотографии на главните глумци[уреди | уреди извор]


Наводи[уреди | уреди извор]

  1. Roberts, Josh. „Where HBO's hit 'Game of Thrones' was filmed“, „USA Today“, 1 април 2012 (посет. 8 март 2013 г).
  2. 2,0 2,1 Martin, George R. R. (16 јули 2010). „From HBO“. Not a Blog. http://grrm.livejournal.com/164794.html. посет. 14 март 2013 г. 
  3. Schwartz, Terri (28 јануари 2013). „'Game of Thrones' casts a bear and shoots in Los Angeles for major Season 3 scene“. Zap2it. http://blog.zap2it.com/frominsidethebox/2013/01/game-of-thrones-casts-a-bear-and-shoots-in-los-angeles-for-major-season-3-scene.html. посет. 8 март 2013 г. 
  4. Jeremy, Nolais. „Game of Thrones casts Calgary wolf with Jon Snow“, „MetroNews.ca“, 14 мај 2015 (посет. 18 јули 2015 г).
  5. Goldman, Eric (8 април 2014). „Game of Thrones Renewed for Season 5 and Season 6“. IGN. http://ign.com/articles/2014/04/08/game-of-thrones-renewed-for-season-5-and-season-6. посет. 8 април 2014 г. 
  6. Martin, George R. R. (18 јануари 2007). „HBO options Ice & Fire“. GeorgeRRMartin.com. http://www.georgerrmartin.com/hbo-options-ice-fire/. посет. 31 март 2013 г. 
  7. Hibberd, James (17 март 2015). „Game of Thrones showrunners answer burning season 5 questions“. Entertainment Weekly. http://www.ew.com/article/2015/03/17/game-thrones-showrunners. посет. 18 март 2015 г. 
  8. 8,0 8,1 8,2 8,3 Holland, Tom. „'Game of Thrones is more brutally realistic than most historical novels'“, 24 март 2013 (посет. 24 март 2013 г).
  9. Orr, David. „Dragons Ascendant: George R. R. Martin and the Rise of Fantasy“, 12 август 2011 (посет. 24 март 2013 г). „Martin's books are essentially the War of the Roses with magic“
  10. Milne, Ben. „Game of Thrones: The cult French novel that inspired George RR Martin“, BBC News Magazine, 4 април 2014 (посет. 6 април 2014 г).
  11. Kachka, Boris. „Dungeon Master: David Benioff“, „New York“, 18 мај 2008 (посет. 13 март 2013 г).
  12. O'Connell, Michael. „'Game of Thrones' Topped by 'Spartacus: Vengeance' as TV's Deadliest Series“, „The Hollywood Reporter“, 22 мај 2012 (посет. 23 мај 2012 г).
  13. „2011 Fall TV Body Count Study Results: Summary, Background & Methodology“. Funeralwise. 21 мај 2012. http://www.funeralwise.com/tv-body-count-study-results. посет. 23 мај 2012 г. 
  14. Hibberd, James. „'Game of Thrones' scoop: Season 3 character list revealed -- EXCLUSIVE“, „Entertainment Weekly“, 29 мај 2012 (посет. 5 март 2013 г).
  15. „Season 3: By the Numbers“. Making Game of Thrones. 2 ноември 2012. http://www.makinggameofthrones.com/production-diary/2012/11/2/season-3-by-the-numbers.html. посет. 3 ноември 2012 г. 
  16. 'Game of Thrones' Cast Signs for Season 7 with Big Raises“, „The Hollywood Reporter“, 30 октомври 2014 (посет. 31 октомври 2014 г).
  17. HBO (via ComingSoon.net). "More Details on the Return of Game of Thrones". Соопштение за печат.  посет. 13 март 2013 г
  18. „Game of Thrones: Cast“. HBO. http://www.hbo.com/game-of-thrones/cast-and-crew#/. посет. 18 мај 2015 г. 
  19. HBO turns ‘Fire’ into fantasy series | Variety
  20. 'Game Of Thrones': By The Numbers - The Hollywood Reporter
  21. A Network Gets Its Bite Back | EW.com, Приступљено 7. 4. 2013.
  22. 3 YEARS (30. 11. 2010.). „HBO: 'Game of Thrones' dailies 'look fantastic' - Live Feed“. Hollywoodreporter.com. http://www.hollywoodreporter.com/blogs/live-feed/hbo-game-thrones-dailies-fantastic-52924. посет. 3. 6. 2014. г. 
  23. Ray, Amber (14. 3. 2012.). „This Week's Cover: 'Game of Thrones,' the battle to make season 2 epic | PopWatch | EW.com“. Popwatch.ew.com. http://popwatch.ew.com/2012/03/14/game-of-thrones-ew-cover-2/. посет. 3. 6. 2014. г. 
  24. Vacation Robo-Post: TV to Look Forward to in 2011 | TIME.com
  25. 25,0 25,1 Roush Review: Grim Thrones Is a Crowning Achievement - Today's News: Our Take | TVGuide.com
  26. Game of Thrones Review | TV Reviews and News | EW.com
  27. Game of Thrones - Season 1 Reviews, Ratings, Credits, and More - Metacritic
  28. Thrones lands on tons of top TV shows of 2011 lists - WinterIsComing.net
  29. Barney: The Top 10 (or 11) TV shows of 2011 - San Jose Mercury News

Надворешни врски[уреди | уреди извор]

Wikiquote-logo.svg
Викицитат има збирка цитати поврзани со:

Грешка во Lua во package.lua, ред 80: module 'Module:Portal/images/t' not found