Антили (анг. Antilles, фр. Antilles, шп. Antillas, хол. Antillen) е голема група на острови помеѓу Атлантски Океан, Мексикански Залив и Карипско Море.
Антилите се делат на две групи: Големи Антили (Куба, Јамајка, Хиспаниола, Порторико) и југоисточно од нив, Мали Антили. Големите и Малите Антили заедно со Бахамите го сочинуваат Карипскиот Архипелаг.
Географски, Антилите се дел од американскиот континент. Геолошки, Големите Антили се дел од американскиот континентален бедем, додека пак Малите Антили се острови од вулканско и корално потекло.