Споменикот на Скендербег претставува спомен-обележје на албанскиот средновековен водач Ѓерѓ Кастриот во Скопје. Споменикот е висок 5,5 m и тежи 2,7 тони.[1][2][2] Споменикот беше откриен на 28 ноември 2006 година, а по тој повод беше организирана и свеченост, на која присуствуваа високи претставници од земјата и странство.[3]
Непосредно пред споменикот, над булеварот Гоце Делчев и веднаш до мостот кој ги поврзува Даут-пашиниот амам и црквата „Св. Димитрија“ со остатокот од чаршијата, на 17 јануари 2012 година беше поставен камен-телник за изградба на плоштадот „Скендербег“.[4]