Региони во Нов Зеланд

Регион (анг. region) — формален поим за првостепената единица локална самоуправа во Нов Зеланд. Земјата има 16 региони. Дванаесет ги управува избран регионален совет, додека четири се управувани од територијални единици (второстепена локална власт) кои исто така ги извршуваат должностите на регионален совет и затоа се нарекуваат унитарни управи. Ова правило има еден исклучок, градот Нелсон кој е управуван од поединечна територијална управа на неговиот регион (Тасман). Советот на Четемските Острови често се смета за унитарна власт, иако официјално спаѓа под регионот Кантербери. Некои регионални граници ги следал границите на територијалните управи, но има и многу исклучоци. на пример, јужната граница на регионот Окленд напола го сече округот Френклин.

Должности

Регионалните власти се главно одговорни за управа со животната околина (вода, фрлање на контаминати и нега за крајбрежјето), реките и езерата (контрола на поплави и одводи), земјиште; регионален транспорт (јавен), биосигурност или справување со штетници; додека територијалните управи се одговорни за: надзор врз користење на земјиштето на локално ниво (урбано и рурално планирање); инфраструктура (вода, канализација, одлевања и ѓубре; локални патишта; библиотеки; паркови и резервати), како и развој на локалната заедница. Регионалната и територијалната управа се финансираат од давачките за земјиште. Честопати двете администрации меѓусебно соработуваат во проекти кои се надополнуваат.

Региони

	Регион	Регионален совет	Админ. центар	Остров	Површина (км²)^[1]	Население^[2]	ISO 3166-2
1	Нортленд	Регионален совет на Нортленд	Фангареи	Северен	13.941	179,100	`NZ-NTL`
2	Окленд	Оклендски совет	Окленд	Северен	5.600	1,695,900	`NZ-AUK`
3	Ваикато	Околина Ваикато	Хамилтон	Северен	25.598	468,800	`NZ-WKO`
4	Залив Пленти	Регионален совет на Заливот Пленти	Факатане	Северен	12.447	305,700	`NZ-BOP`
5	Гизборн ⁽¹⁾	Регионален совет на Гизборн	Гизборн	Северен	8.351	49,100	`NZ-GIS`
6	Хоков Залив	Регионален совет на Хоковиот Залив	Нејпиер	Северен	14.164	165,900	`NZ-HKB`
7	Таранаки	Регионален совет на Таранаки	Стратфорд	Северен	7.273	119,600	`NZ-TKI`
8	Манавату-Вангануи	Регионален совет Хорајзонс	Палмерстон Норт	Северен	22.215	243,700	`NZ-MWT`
9	Велингтон	Регионален совет на Велингтон	Велингтон	Северен	8.124	521,500	`NZ-WGN`
10	Тасман ⁽¹⁾	Окружен совет на Тасман	Ричмонд	Јужен	9.786	52,100	`NZ-TAS`
11	Нелсон ⁽¹⁾	Градски совет на Нелсон	Нелсон	Јужен	445	51,900	`NZ-NSN`
12	Марлборо ⁽¹⁾	Окружен совет на Марлборо	Бленем	Јужен	12.484	46,600	`NZ-MBH`
13	Западно Крајбрежје	Регионален совет на Западното Крајбрежје	Грејмут	Јужен	23.336	32,600	`NZ-WTC`
14	Кантербери	Регионален совет на Кантербери	Крајстчерч	Јужен	45.346	624,000	`NZ-CAN`
15	Отаго	Регионален совет на Отаго	Данидн	Јужен	31.990	229,200	`NZ-OTA`
16	Саутленд	Регионален совет на Саутленд	Инверкаргил	Јужен	34.347	99,100	`NZ-STL`
⁽¹⁾ Овие региони се унитарни управни единици.

Области вон регионалните граници

Нов Зеланд има број острови кои не спаѓаат во регионалните граници. Четемските Острови не се регион, иако нивниот совет оперира како регион. На Кермадек и подантарктичките острови живеат само мал број на конзерватори. Министерот за конзервација ја има власта на регионален совет во тие предели.

Раководство

Советите се бираат со јавно гласање секои три години.

Поврзано

Наводи

↑ Густина на живеење: Табела 1 Архивирано на 28 ноември 2007 г., Статистики за живеалишта, Статистика Нов Зеланд. проверено на 25 јануари 2009 (англиски) Површината се смета според границите утврдени во 2001 г. Не се вбројани водни површини поголеми од 15 хектари.
↑ „Проценки на населението во управните единици: Состојба на 30 јуни 2018 г. (провизорно)“. Статистика Нов Зеланд. 23 октомври 2018. Посетено на 23 октомври 2018. За градски подрачја, „Проценки на населението во управните единици (UA, AU), по возраст и пол, на 30 јуни 1996, 2001, 2006-18 г. (по граници од 2017 г.)“. Статистика Нов Зеланд. 23 октомври 2018. Посетено на 23 октомври 2018.

Надворешни врски

Карта (англиски)
Населенија и зафатнини (англиски)

[1] Густина на живеење: Табела 1 Архивирано на 28 ноември 2007 г., Статистики за живеалишта, Статистика Нов Зеланд. проверено на 25 јануари 2009 (англиски) Површината се смета според границите утврдени во 2001 г. Не се вбројани водни површини поголеми од 15 хектари.

[NZ_population_data-2] „Проценки на населението во управните единици: Состојба на 30 јуни 2018 г. (провизорно)“. Статистика Нов Зеланд. 23 октомври 2018. Посетено на 23 октомври 2018. За градски подрачја, „Проценки на населението во управните единици (UA, AU), по возраст и пол, на 30 јуни 1996, 2001, 2006-18 г. (по граници од 2017 г.)“. Статистика Нов Зеланд. 23 октомври 2018. Посетено на 23 октомври 2018.

[1]

[2]

п р у Административна поделба на Нов Зеланд
Државно ниво	Кралство Нов Зеланд
Државно ниво	Нов Зеланд					Токелау	Кукови Острови	Ниуе	Росова Зависност
Региони	12 неунитарни региони	4 унитарни региони	Четемски Острови	Кермадек	Подантарктички Острови
Територијални единици	16 градови и 57 окрузи	4 унитарни региони	Четемски Острови	Кермадек	Подантарктички Острови
Белешки	Некои окрузи се протегаат низ повеќе од еден регион	Тука регионалните и територијалните единици се споени во едно	Специјална територијална единица	Места вон регионалните единици; овие, плус Четемските Острови и Соландеровите Острови, од Оддалечените острови		Земји под управа на Нов Зеланд	Држави во слободно здружение со Нов Зеланд		Нов Зеланд се повикува на правото на оваа територија, но разрешувањето е замрзнато со Антарктичкиот договор