Залив Пленти

Од Википедија — слободната енциклопедија
Прејди на: содржини, барај
Залив Пленти
Bay of Plenty
регион
Position of Bay of Plenty.png
Земја Нов Зеланд
Остров Северен Остров
Седиште Факатане
Управа
 • Претседавач Даг Лидер
Површина
 • Вкупна 12.231 км2
Часовен појас NZST (UTC+12)
 • Лете (DST) NZDT (UTC+13)
ISO 3166 NZ-BOP
Мреж. место boprc.govt.nz

Залив Пленти (англиски: Bay of Plenty, маорски: Te Moana-a-Toi = „залив на изобилството“), е регион на Северниот Остров на Нов Зеланд сместен околу истоимениот залив. Најголемиот град е Тауранга, во неговиот западен крај. Наречен е по истоимениот залив на чии брегови излегува.

Самиот залив[уреди | уреди извор]

Заливот се протега од основата на заливот Коромандел на запад, па сѐ до 'ртот Ранавеј на исток. Регионот го граничат планинските венци Каимаи и Мамаку на запад и оди навнатре до ретко население шумовити предели околу Роторуа, Каверау и Мурупара. Во заливот има неколку острови, меѓу кои Мајоров Остров/Тухуа, Мотити, Китски Остров и активниот вулкан Факаари/Бел Остров.

Заливот бил именуван од Џејмс Кук во ноември 1769. Му го дал името „Залив на Изобилството“ заради обилните количества храна кои ги нашол посетувајќи крајбрежни маорски села.

Регионот[уреди | уреди извор]

Регионот според податок од 2006 брои 262.900 жители, кое би нараснало на 277,900 до 2011 год. Два града се доминантни: Тауранга (111,500) и Роторуа (54,800). Другиу градовиво регионот се Те Пуке, Каверау, Катикати и Опотики. Главни стопански гранки во регионот се земјоделството и туризмот, со тоа што прилично популарна атракција е геотермичкиот регион околу Роторуа.

Регионот е шумовит, кои дрва се користат за дрвната индустрија, а друга голема гранка е земјоделството. Климата на крајбрежните предели е речиси тропска, влажна и топла во најголемиот дел од годината, но повнатре околу Роторуа просечната температура е за 2 С° пониска. Важни култури се кивито, јаболкото, авокадото и дрвената граѓа. Како и низ цел Нов Зеланд, овчарството е често, но сѐ повеќе и говедарството е во подем.

Заради потребата од пренесување на дрвени трупци до пристаништето во Тауранга се забележува развој во транспортната мрежа. Железничка линија постои помеѓу Таурнга и регионот Ваикато, па сѐ до источните заливи. Линијата служи само за товарни возови.

Демографија[уреди | уреди извор]

Во пописот од 2006 севкупното население на регионот Залив Пленти изнесувало 257,379.

Од нив, 28% се изјасниле како маори. 23% биле под 15 годишна ворзаст, а 3.9% биле невработени.

Најголеми населени места[уреди | уреди извор]


Наводи[уреди | уреди извор]