Национален парк Абел Тасман

Национален парк Абел Тасман
Abel Tasman National Park
Национален парк Абел Тасман; Abel Tasman National Park
	МСЗП — Категорија II (национален парк)
	Карта на Нов Зеланд
Место	Тасман
Најблизок град	Мотуека
Површина	225 км2
Воспоставен(а)	1942
Управно тело	Служба за заштита на природата

Националниот парк Абел Тасман (англ. Abel Tasman National Park) е национален парк насеверниот крај на Јужниот Остров на Нов Зеланд. Основан е во 1942 г. и зафаќа површина од само 225,3 км². Со тоа ова е најмалот национален парк во земјата.^[1] Паркот се состои од шумски ридести предели северно од долините на реките Такака и Ривака, и на север се граничи со водите на Златниот Залив и Тасмановиот Залив. Паркот е именуван по холандскиот истражувач Абел Тасман, кој во 1642 г. бил првиот Европеец кој го открил Нов Зеланд.

Националниот парк Абел Тасман се е протега повеќе од средниот висок водостој на блиското крајбрежје. Помеѓу средниот висок водостој и средните ниски извори, плажите се сметаат за пејзажен резерват, и зафаќаат вкупна површина од 7,74 км² (околу 70 км во должина).

Одговорен управен орган за паркот е Службата за заштита на природата. Пејзажниот резерват пак, е под управа на генералниот директор на регионалниот совет на Тасман на функционерот т.н. „конзерватор“ при службата заштита на природата одговорен за Нелсон и Марлборо. Активностите во соседните крајбрежни води се надлежност на регионалниот совет. Овие подрачја имаат свои засебни регулативи.

Абел Тасмановата крајбрежна патека (Abel Tasman Coast Track) е популарна планинарска патека која се протега долж крајбрежјето. Постои и внатрешна, копнена патека наречена Абел Тасманова внатрешна патека (Abel Tasman Inland Track), но таа е послабо посетена. Други значајни активности во паркот се кајакарството, кампувањето и посетувањето на природни знаменитости.

Најблиското населено место е гратчето Мотуека кое се наоѓа 20 километри јужно.

Во 2008 кон паркот се придодадени 7,9 км², вклучувајќи и земја дотогаш во приватна сопственост.^[2]