Медена земја

Од Википедија — слободната енциклопедија
Прејди на прегледникот Прејди на пребарувањето
„Медена земја“
Honeyland (2019 film).jpg
Постер на филмот
РежисерТамара Котевска
Љубомир Стефанов
ПродуцентАтанас Георгиев
МузикаФолтин
КинематографијаФејми Даут
Самир Љума
МонтажаАтанас Георгиев
Студио
  • Trice Films
  • Apolo Media[1]
ДистрибутерDogwoof
Премиера28 јануари 2019 (2019-01-28) (Санденс)
Времетраење87 минути
ДржаваМакедонија
Бруто заработка$1,140,879[2][3]

Медена земја (англиски: Honeyland) е македонски документарен филм во режија на Тамара Котевска и Љубомир Стефанов. Филмот го прикажува животот на Хатиџе Муратова, последната пчеларка во Македонија, која живее во селото Бекирлија, и промените кои нејзиниот живот ќе ги претрпи по пристигнувањето на една номадска фамилија во соседната куќа. Оригиналниот план на режисерите бил да снимат краток документарец поддржан од владата на Северна Македонија чија главна цел ќе биде да го сними регионот околу реката Брегалница во централна Македонија. Кога продукцискиот тим стигнал на местото на снимање, тие дознале за Хатиџе и нејзиниот живот и филмот го сменил текот. Документарецот бил премиерно прикажан на филмскиот фестивал „Санденс“ на 28 јануари 2019 година.

Снимањето на Медена земја траело три години при што бил снимен материјал во траење од 400 часа. Филмот обработува неколку еколошки теми, како што се: климатските промени, загуба на биоразновидност и експлоатација на природните ресурси. Две идеологии се спротивставени преку главните ликови во филмот, имено балансот на луѓето со екосистемот кои се прикажани преку Хатиџе и потрошуваштвото и потрошувачката на ресури прикажани преку нејзините новодојдени соседи. За време на снимањето, режисерите најмногу внимание посветиле на визуелното претставување на настание и не користеле никаква аудио трака. Документарецот, исто така, ги прикажува односите на Хатиџе со нејзината мајка, која е болна, и со нејзините соседи.

Улоги[уреди | уреди извор]

  • Хатиџе Муратова
  • Назифе Муратова
  • Хусеин Сам
  • Љутвие Сам

Критички осврт[уреди | уреди извор]

Филмот Медена земја добил универзално признание од современите филмски критичари кои доделиле пофалби до вниманието кое режисерите им го дале на деталите и до пораката за зачувување на природата која ја пренесуваат кај гледачите. Документарецот освоил многу награди на европските и американските филмски фестивали и бил единствениот филм на фестивалот „Санденс“ во 2019 кој освоил три награди. Исто така, филмот бил номиниран на 92-та церемонија на Оскарите во категориите за најдобар интернационален филм и за најдобар документарен филм.[4][5] Со ова постигнување, тој е единствениот документарен филм во историјата кој добил две номинации во уште една категорија, освен таа за документарни филмови. Исто така, тој е вториот македонски филм, по Пред дождот на Милчо Манчевски од 1994 година, кој бил номиниран за наградата „Оскар“. До 2020 година, филмот има заработено 768 010 американски долари.

Филмот оставрил забележителен успех на филмските фестивали во: Хонгконг, Полска, Индија, Шпанија, Израел, грција, Бразил, Русија, Австралија итн. Исто така, „Медена земја“ се нашла на првото место на списокот на најдобрите филмови во 2019 година, објавен од „Њујорк тајмс“, а Кружокот на њујоршките филмски критичари (The New York Film Critics Circle) го прогласил за најдобар документарен филм во 2019 година.[6]

По проекцијата на филмот во Њујорк, американската актерка и продуцентка Сара Џесика Паркер на својот инстаграм-профил напишала: „Импресивна, интимна приказна што те остава без здив е приказната за пчеларката Атиџе Муратова, жена која нема да ја заборавам.“ Притоа, на својот профил, таа објавила и фотографија од филмот, изјавувајќи дека „со право овој документарен филм ги доби сите награди и признанија.“[7]

Наводи[уреди | уреди извор]

  1. 'Honeyland': Sundance Review | Reviews | Screendaily
  2. „Honeyland (2019)“. Box Office Mojo. 16 April 2020. Посетено на 21 February 2020.
  3. „Honeyland (2019)“. The Numbers. 26 July 2019. Посетено на 21 February 2020.
  4. Magleshov, Vasko. „„Медена земја" – македонски кандидат за „Оскар". Makfax. Посетено на 27 August 2019.
  5. Holdsworth, Nick. „Oscars: North Macedonia Selects 'Honeyland' for Best International Feature Category“. The Hollywood Reporter. Посетено на 27 August 2019.
  6. Ѓорѓи Јаневски, „Медено резиме“, Економија и бизнис, година 21, број 257/257, јануари 2020, стр. 112.
  7. „Медена земја е најдобриот македонски амбасадор“, Слободен печат, година VII, број 1783, стр. 17.

Надворешни врски[уреди | уреди извор]