Фолтин

Од Википедија — слободната енциклопедија
Прејди на прегледникот Прејди на пребарувањето
Фолтин (Foltin)
ПотеклоБитола, Република Македонија
ЖанровиАлтернативен рок, Џез, Фанк, Боса Нова, Амбиентална, Електро
Период на активност1997–сега
ИздавачиKic-Skopje, Lithium-records, Messechina-music
Мреж. местоfoltin.com.mk

Фолтин (Foltin) е македонска музичка група.

Творештво[уреди | уреди извор]

„Фолтин“ е една од најпознатите групи од Битола, Македонија, која постои од 1997 година.[1][2] Групата учествувала на многу музички и театарски фестивали во Македонија, Хрватска, Италија, Австрија, Словенија, Србија, Босна и Херцеговина, Албанија, Бугарија, Франција, Унгарија, и неколку пати биле наградени за нивната работа.
Музиката на „Фолтин“ обично се опишува како надреална, старасна и жива, со жешка танцувачка атмосфера, која ја постигнуваат со брзите македонски ритми. Иако групата користи стандардни музички елементи, пристапот во градењето на атмосферата е непредвидлив и оригинален. Музичкиот јазик на „Фолтин“ е имагинарна смеса или фонетска имитација на јазици, како што се: шпански, француски, португалски, романски, таканаречен „спонтан eсперанто“ итн. „Фолтин“ себеси се опишуваат како псевдоемигрантско кабаре, и често нивните концерти се претвораат во вистински перформанси. Но, тоа не е воопшто чудно имајќи го предвид фактот дека членовите на групата работеле на музика за театарски претстави.
Групата „Фолтин“ се одликува со богата концертна активност, а од многубројните настапи треба да се издвојат: настапот на брод на реката Сена, двата настапи во затвори во Франција, концертот во едне клуб на Пигал, во Париз, концерт на брод на Охридското Езеро итн. Од просторите на поранешна СФРЈ, групата најмногу настапувала во Словенија, каде вообичаено ги започнувала и завршувала своите турнеи во овој регион.[3]
На 21 ноември 2014 година, во Универзалната сала во Скопје, „Фолтин“ одржале концерт како дел од фестивалот „Скопје креатива“.[4] На 10 декември 2016 година, групата настапила на завршната вечер на 18. издание на „Таксират“, во „Метрополис арената“.[5] Во текот на 2016 година, групата одржала околу 40 концерти, а покрај тоа работела и на музиката за неколку македонски документарни филмови и за еден игран филм.[6]

Членови на групата[уреди | уреди извор]

Членови на „Фолтин“ се:[7]

Дискографија[уреди | уреди извор]

  • Outre-Mer (1997)
  • Archimed (2000)
  • Donkey Hot (2003)
  • Lo-Lee-Taa-Too (2005)
  • Penelope X (заеднички проект со Никола Коџобашија и Гоце Стефковски) (2011)
  • Оваа Трансплантирана машина за чукање досега не типкала љубовно писмо (2008)
  • Антитело (2012).[8]
  • Пијан славеј (2015)

Наводи[уреди | уреди извор]

  1. My Space article about Foltin band
  2. Article about Foltin’s album Lo-Lee-Taa-Too on All About Jazz site
  3. Бојана Симоновиќ, „ФОЛТИН - Семејство со заедничка музичка фантазија“, Betty магазин, година IV, број 37, март 2017, стр. 10-12.
  4. „Фолтин вечерва во Универзална сала“, Дневник, година XVIII, број 5623, петок, 21 ноември 2014, стр. 23.
  5. „Со рекордна посетеност заврши „Таксират 18“!“, Слободен печат, година IV, број 940, вторник, 13 декември 2016, стр. 17.
  6. Бојана Симоновиќ, „ФОЛТИН - Семејство со заедничка музичка фантазија“, Betty магазин, година IV, број 37, март 2017, стр. 10-12.
  7. Бојана Симоновиќ, „ФОЛТИН - Семејство со заедничка музичка фантазија“, Betty магазин, година IV, број 37, март 2017, стр. 10-12.
  8. „Фолтин го промовира албумот Антитело“, Дневник, година XVI, број 5034, петок, 7 декември 2012, стр. 27.

Надворешни врски[уреди | уреди извор]