Макариј Велики

Макариј Велики
Икона од Макариј Велики
Роден(а)	300 Египет
Починал(а)	391 Египет
Почитуван(а) во	Римокатоличка црква Православие Древноисточни цркви
Главно светилиште	Манастир Свети Макариј Велики
Слава	15 јануари (западна) 19 јануари (Православие) 27 Парамат (= 4 април) (Древноисточни цркви)

Макариј Велики е христијански светец.

Макариј е еден од помладите современици на Свети Антониј Велики. Татко му бил свештеник. Од послушност кон родителите, тој се оженил, но наскоро му починала жената и тој се оддалечил во пустината, каде што поминал цели 60 години. Според христијанските извори, кога го прашувале зошто e толку сув и кога јаде, тој одговорил: “Од стравот Божји”. Неговото смирение ги зачудувало и луѓето и демоните. Еднаш демонот му рекол: “Има само едно во што јас не можам да те надвладеам; тоа не e постот, бидејќи јас никогаш ништо не јадам; тоа не e бдението бидејќи јас никогаш и не спијам”. “Туку што e тоа” - запрашал Макариј. “Твоето смирение” - одговорил демонот. На својот ученик Пафнутиј честопати Макариј му говорел: “Не осудувај никого и ќе бидеш спасен”.

Православната црква неговиот ден го чествува на 19 јануари.