Куќа на Пешиновци (Вевчани)
| Куќа на Пешиновци | |
|---|---|
 Куќата во 2023 година | |
 | |
| Општи податоци | |
| Статус | Споменик на културата |
| Вид | куќа |
| Стил | староградски |
| Град | Вевчани, Струшко |
| Земја |  Македонија |
| Координати | 41°14′24.8″N 20°35′35.9″E / 41.240222°N 20.593306°E |
| Завршена | 1927 |
| Технички податоци | |
| Катови | 3[1] |
Куќа на Пешиновци — староградска куќа во струшкото село Вевчани, прогласена за значајно културно наследство на Македонија.[2]
Историја
[уреди | уреди извор]
Куќата е изградена во 1927 година пред старата Куќа на Плушковци од XVIII–XIX век, со која образува архитектонски комплекс.[3]
Била прогласена за значајно културно наследство на Македонија со решение од 30 декември 2011 година од страна на Управата за заштита на културното наследство.[4]
Архитектура
[уреди | уреди извор]Градбата е висока куќа со приземје и два ката. Содржи двовисински трем и двоен средиштен чардак со изразито издеференциран зимски стан во меѓукатот и летен стан на катот.[1]
Приземјето и првиот кат се изработени од камен, зарамнети со дрвени кушаци во сува ѕидарија. Над прозорците на првиот кат има украси од тули. Вториот кат на исток и запад е од камен, а останатите ѕидови се од полна тула. Над дрвените прозорци има сводесто украсување од тули. Меѓукатната конструкција е изведена со греди од костеново дрво. Покривот е повеќеводен, исто така е од костенови греди, со ќарамиди врз платно од даски. Дрвените покривни конструктивни греди, кои ја образуваат стреата, завршуваат со украси. Внатрешните врати, подови, како и меѓукатното столбиште се од костеново дрво.[3]
Галерија
[уреди | уреди извор]
Поврзано
[уреди | уреди извор]Наводи
[уреди | уреди извор]- 1 2 „Архитектура / Куќата на Пешиновци“. vevchani-info.mk. Архивирано од изворникот 2016-08-22. Посетено на 10 февруари 2023.
- ↑ Список на заштитени добра. Состојба до 31.12.2012. Скопје: Управа за заштита на културното наследство.
- 1 2 „Куќа на Пешиновци“. Управа за заштита на културното наследство. Архивирано од изворникот на 2017-11-07. Посетено на 1 ноември 2017.
- ↑ „Национален регистар на културното наследство“ (PDF). Управа за заштита на културното наследство. ноември 2024. Посетено на 1 септември 2025.
Надворешни врски
[уреди | уреди извор]
Куќа на Пешиновци (Вевчани) на Ризницата ?
| ||||||||
