Кусороб

Кусороб
Кусороб; Μεσορόπη
	Поглед на селото
	Кусороб
	Местоположба во областа Кусороб Местоположба на Кусороб во Кавалскиот округ и областа Источна Македонија и Тракија
	Координати: 40°52′N 24°5′E / 40.867°N 24.083°E
Земја	Грција
Област	Источна Македонија и Тракија
Округ	Кавала
Општина	Кушница
Општ. единица	Пиери
Надм. вис.	310 м
Население (2021)
• Вкупно	467
Час. појас	EET (UTC+2)
• Лето (ЛСВ)	EEST (UTC+3)

Кусороб или Косруп (грчки: Μεσορόπη, Месоропи) — село во Правишко, Егејска Македонија, денес во општината Кушница на Кавалскиот округ во областа Источна Македонија и Тракија, Грција. Населението брои 467 жители (2021).

Географија и местоположба

Селото се наоѓа во југозападните падини на планината Кушница, околу 20 км југоисточно од гратчето Правишта, на надморска височина од 310 м.^[2]

Историја

Во Отоманското Царство

Во XIX век Кусороб било грчко село во Правишката каза на Драмскиот санџак. Во 1889 г. хрватскиот етнограф Стефан Верковиќ („Топографическо-этнографическій очеркъ Македоніи“) напишал за Кусороб:

„

Косруп, христијанско село; една црква, едно училиште. Дел од населението се занимава со земјоделство, а другиот со ткаенини од кожа (мутафчилак). Жителите се Грци. Од градот е на растојание од 4 часа.^[3]

“

Според податоците на Васил К’нчов („Македонија. Етнографија и статистика“) од 1900 г., во селото Кусороб имало 780 жители Грци.^[4] По податоци на егзархискиот секретар Димитар Мишев („La Macédoine et sa Population Chrétienne“) во 1905 г. во Кусороб или Косруп (Koussorob, Kosroup) имало 755 Грци.^[5]

Во Грција

За време на Првата балканска војна селото е окупирано од Бугарија, но по Втората балканска војна во 1913 г. е припоено кон Грција согласно Букурешкиот договор. Таа година селото броело 1.478 жители, кои поради војните во 1920 г. се намалиле на 866 лица.^[2]

Во 1923 г. во селото биле населени десеттина бегалски семејства (вкупно 47 бегалци).^[2]

Во 1941 г. селото е окупирано од бугарски единици, кои во него завеле 1.456 жители.^[2]

Стопанство

Обработливите површини на селото се мошне ограничени поради својата местоположба. Главни земјоделски производи се тутун и пченица. Во минатото, сточарството било поразвиено, но денес нема посебно значење.^[2]

Население

Еве преглед на населението во сите пописни години, од 1940 г. до денес:

Година	1940	1951	1961	1971	1981	1991	2001	2011	2021
Население	1.400	1.309	1.207	802	735	648	610	456	467

Извор за 1940-1991 г.: Т. Симовски, Населените места во Егејска Македонија

Самоуправа и политика

Во 1919 година, селото станало самостојна општина, чиј атар зафаќал површина од 28 квадратни километри.^[2] Општината Кусороб била приклучена во општината Пиери во 1997 година, која била укината во 2011 година и станала дел од поголемата општина Кушница.

Селото припаѓа на општинската единица Пиери со седиште во селото Моштијан, која припаѓа на поголемата општина Кушница, во округот Кавала. Воедно, селото е дел од општинскиот оддел Кусороб, во кој е единствено село.

Општествени установи

Полициска станица

Културни и природни знаменитости

Мостови

Махмуд-агин мост — стар камен мост во источниот дел на селото
Клоторски мост — стар камен мост на реката Лаџа кај селото

Личности

Родени во Косоруб

Димитриос Хаѕулас — андартски капетан
Панкратиј Ксулогис (р. 1944) — грчки духовник

Наводи

↑ „Попис на населението од 2021 г. Трајно население“. Државен завод за статистика на Грција.
↑ ^2,0 ^2,1 ^2,2 ^2,3 ^2,4 ^2,5 Симовски, Тодор (1998). Населените места во Егејска Македонија : географски, етнички и стопански одлики. I дел. Скопје: Институт за национална историја. стр. 228.
↑ Верковичъ, Стефанъ (1889). Топографическо-этнографическій очеркъ Македоніи (PDF). С. Петербургъ: Военная Типографія (въ зданіи Главнаго Штаба). стр. 50.
↑ Кѫнчовъ, Василъ (1900). Македония. Етнография и статистика. София: Българското книжовно дружество. стр. 201. ISBN 954430424X.
↑ Brancoff, D. M (1905). La Macédoine et sa Population Chrétienne : Avec deux cartes etnographiques (PDF). Paris: Librarie Plon, Plon-Nourrit et Cie, Imprimeurs-Éditeurs. стр. 232–233. no-break space character во |pages= во положба 4 (help)

Надворешни врски

Кусороб на Ризницата ^?

[census21-1] „Попис на населението од 2021 г. Трајно население“. Државен завод за статистика на Грција.

[:0-2] 2,0 ^2,1 ^2,2 ^2,3 ^2,4 ^2,5 Симовски, Тодор (1998). Населените места во Егејска Македонија : географски, етнички и стопански одлики. I дел. Скопје: Институт за национална историја. стр. 228.

[3] Верковичъ, Стефанъ (1889). Топографическо-этнографическій очеркъ Македоніи (PDF). С. Петербургъ: Военная Типографія (въ зданіи Главнаго Штаба). стр. 50.

[4] Кѫнчовъ, Василъ (1900). Македония. Етнография и статистика. София: Българското книжовно дружество. стр. 201. ISBN 954430424X.

[5] Brancoff, D. M (1905). La Macédoine et sa Population Chrétienne : Avec deux cartes etnographiques (PDF). Paris: Librarie Plon, Plon-Nourrit et Cie, Imprimeurs-Éditeurs. стр. 232–233. no-break space character во |pages= во положба 4 (help)

[1]

[2]

[3]

[4]

[5]