Крисенсио Самервил

Од Википедија — слободната енциклопедија
Крисенсио Самервил
Лични податоци
Роден на 30 октомври 2001(2001-10-30) (22 г.)
Роден во Ротердам, Холандија
Држава Холандија Холандија
Висина &100000000000001740000001,74 м
Позиција напаѓач
Клупски податоци
Сегашен клуб Лидс Јунајтед Лидс Јунајтед
Број 10
Младинска кариера
Фејенорд Фејенорд
Кариера*
Години Клуб Наст. (Гол.)
2018-2020 Фејенорд Фејенорд 0 (0)
2018-2019 →Дордрехт Дордрехт 18 (5)
2019-2020 →АДО Ден Хаг АДО Ден Хаг 21 (2)
2020- Лидс Јунајтед Лидс Јунајтед 71 (21)
Репрезентација ‡
2016-2017 Холандија Холандија 16 4 (1)
2017-2018 Холандија Холандија 17 16 (1)
2018 Холандија Холандија 18 4 (1)
2019-2021 Холандија Холандија 19 5 (6)
2021- Холандија Холандија 21 8 (2)
*Настапи и голови само на првенствени натпревари, според податок од 17 јануари 2012
‡ Настапи и голови за репрезентација, според податок од 17 јануари 2012

Крисенсио Јилберт Силверио Сиро Самервил (роден на 30 октомври 2001 година, во Ротердам) — холандски фудбалер, напаѓач на Лидс Јунајтед.

Технички карактеристики[уреди | уреди извор]

Напаѓачко лево крило, кое може да варира на сите позиции во напаѓачкиот фронт.[1] Поседува одлична брзина, опремен и со добра индивидуална техника, тој е многу опасен кога има отворен простор.[1]

Клупска кариера[уреди | уреди извор]

Почетоци и раните години од кариерата[уреди | уреди извор]

Роден во Ротердам од Афро-суринамски родители, Самервил ги направил првите фудбалски чекори во клубот РВВВ Нордерквартиер пред да се приклучи на академијата на Фејенорд во 2008 година.[2][3] Во март 2018 година, тој го потпишал својот прв професионален договор со Фејенорд; договор кој траел до летото 2021 година.[4]

На 12 декември 2018 година, тој бил позајмен на Дордехт до крајот на сезоната 2018–2019.[5] Тој го направил своето деби во втората холандска лига за Дордрехт на 13 јануари 2019 година, во натпреварот против Ден Бош, влегувајќи како замена во 70-тата минута на местото на Усама Замури.[6] Сезоната ја завршил со 18 настапи и 5 гола, постигнувајќи го првиот погодок во кариерата на 29 јануари.[7]

Во август 2019 година, тој бил позајмен на АДО Ден Хаг,[8] клуб со кој дебитирал во Ередивиси на 31 август 2019 во победата со 1-0 над ВВВ Венло.[9] На 26 октомври 2019 година, тој го постигна својот прв гол за АДО Ден Хаг на 26 октомври 2019 година во победата со 2–0 над Витесе, со што стана најмладиот стрелец за клубот во Ередивиси.[10] За време на својата дебитантска сезона во најсилната холандска лига, Самервил импресионирал забележувајќи два гола и три асистенции во 21 настап за АДО Ден Хаг, што било оценето како сосема солидна статистика за така млад фудбалер.[11]

Самервил се вратил во Фејенорд пред почетокот на сезоната 2020–2021, но ја одбил понудата за продолжување на договорот со клубот.[12]

Лидс Јунајтед[уреди | уреди извор]

На 16 септември 2020 година, Самервил потпишал тригодишен договор со англискиот клуб Лидс Јунајтед.[13] Во првата година во Англија, тој играл само за резервниот тим на Лидс во Премиер лигата 2, добивајќи само еден повик во првиот тим за натпреварот на домашен терен против Манчестер Јунајтед во кој останал неискористена замена.

Своето деби за клубот од Западен Јоркшир го направил на 17 септември 2021 година, во натпреварот против Њукасл Јунајтед во Премиер лигата, влегувајќи од клупата на местото на Рафиња.[14] После само 9 одиграни натпревари во сезоната 2021-2022, Самервил конечно добил поголема во улога во тимот наредната година, кога исто така му бил доделен и дресот со бројот 10. На 23 октомври 2022 година, Самервил го постигнал својот прв гол во Премиер лигата во поразот со 2–3 од Фулам на Еланд Роуд.[15] На 29 октомври, тој го постигнал победничкиот гол во 89-тата минута во успехот со 2-1 над Ливерпул, со што ја донел првата победа на неговиот клуб на Енфилд уште од април 2001 година, истовремено прекинувајќи ја серијата на црвените од 29 натпревари во лигата без пораз на домашен терен.[16] Иако сезоната завршила со испаѓање на Лидс од Премиер лигата, Самервил имал добра сезона на индивидуален план постигнувајќи 4 гола во 28 настапи.

Репрезентативна кариера[уреди | уреди извор]

Самервил играл речиси за сите младински репрезентации на Холандија од под 16 до под 21 година.

Со репрезентацијата под 17 години го освоил Европското првенство за играчи во споменатата возраст во 2018 година, постигнувајќи и еден погодок на турнирот.[17]

Во 2023 година, бил избран во составот на холандската репрезентација под 21 година која настапила на Европското првенство во Романија и Грузија. Тој ги одиграл сите три натпревари за својата земја, но холанѓаните со три нерешени исходи не успеале да ја минат групата, завршувајќи ја истата на третото место зад домаќинот Грузија и Португалија.

Статистика на кариерата[уреди | уреди извор]

Клупска статистика[уреди | уреди извор]

Статистиката е ажурирана на 12 април 2024.

Сезона Клуб Првенство Национален куп Континентален куп Останати купови Вкупно
Лига Наст Гол Лига Наст Гол Лига Наст Гол Лига Наст Гол Наст Гол
јан.-јун. 2019 Холандија Дордехт ЕР 18 5 КХ 0 0 - - - - - - 18 5
2019-2020 Холандија АДО Ден Хаг ЕД 21 2 КХ 1 0 - - - - - - 22 2
2021-2022 Англија Лидс Јунајтед ПЛ 6 0 ФАКуп+ЛК 1+2 0 - - - - - - 9 0
2022-2023 ПЛ 28 4 ФАКуп+ЛК 2+1 0 - - - - - - 31 4
2022-2023 ФЛЧ 35 15 ФАКуп+ЛК 0+1 0 - - - - - - 21 11
Вкупно Лидс Јунајтед 69 19 6 0 - - - - 75 19
Вкупно во кариерата 108 26 7 0 - - - - 115 26

Наводи[уреди | уреди извор]

  1. ↑ 1,0 1,1 Phil Hay. „Summerville's rise to take Leeds' No 10 shirt (then throw it away in delirious celebration)“ (англиски). The Athletic. Посетено на 2022-11-07.
  2. ↑ Предлошка:Worldfootball.net
  3. ↑ Beck, Tim (4 December 2018). „Wie is Feyenoord-dilemma Crysencio Summerville?“. Elfvoetbal.nl (холандски). Посетено на 25 September 2020.
  4. ↑ „Eerste profcontract voor Crysencio Summerville“. www.feyenoord.nl (холандски). Feyenoord. 27 March 2018. Посетено на 25 September 2020.
  5. ↑ „Toptalent van Feyenoord naar FC Dordrecht“ [Top talent from Feyenoord to FC Dordrecht] (Dutch). FC Dordrecht. 12 December 2018.CS1-одржување: непрепознаен јазик (link)
  6. ↑ „Game Report by Soccerway“. Soccerway. 13 January 2019.
  7. ↑ „FC Dordrecht laat zege uit handen glippen“ [FC Dordrechts lets win slip] (Dutch). FC Dordrecht. 29 December 2018.CS1-одржување: непрепознаен јазик (link)
  8. ↑ „Crysencio Summerville op huurbasis naar ADO Den Haag“ (холандски). ADO Den Haag. 30 August 2019. Посетено на 26 September 2020.
  9. ↑ „ADO Den Haag 1 VVV Venlo 0“. Eurosport. 9 September 2020.
  10. ↑ „Summerville jongste ADO-doelpuntenmaker ooit: 'Drie punten zijn belangrijker'“ [Summerville youngest ADO goal scorer ever: "Three points are more important"] (Dutch). Omroep West. 26 October 2019.CS1-одржување: непрепознаен јазик (link)
  11. ↑ „ADO Den Haag neemt weer afscheid van lichtpuntje Summerville“ [ADO Den Haag says goodbye to the bright spot of Summerville]. Voetbal International. 5 May 2020. Посетено на 26 September 2020.
  12. ↑ Krabbendam, Martijn (17 August 2020). „Summerville mist perspectief bij Feyenoord en tekent niet bij“ [Summerville lacks perspective at Feyenoord and does not sign up]. Voetbal International. Посетено на 26 September 2020.
  13. ↑ Sobot, Lee (16 September 2020). „Leeds United sign winger Crysencio Summerville from Feyenoord“. Yorkshire Evening Post (англиски). Посетено на 26 September 2020.
  14. ↑ Magowan, Alistair (17 September 2021). „Newcastle 1–1 Leeds – Saint-Maximin equaliser earns point“. BBC Sport.
  15. ↑ Dawkes, Phil (23 October 2022). „Leeds 2–3 Fulham“. BBC Sport.
  16. ↑ Rose, Gary (29 October 2022). „Liverpool 1–2 Leeds“. BBC Sport.
  17. ↑ „Italy U17 v Netherlands U17 game report“. UEFA. 20 May 2018.

Надворешни врски[уреди | уреди извор]

Портал „Биографија“
Портал „Фудбал“
Портал „Холандија“
Преземено од „https://mk.wikipedia.org/w/index.php?title=Крисенсио_Самервил&oldid=5190246“