Кетен

Кетен
Градско собрание Градско собрание
Кетен
Управа
Земја	Германија
Покраина	Саксонија-Анхалт
Округ	Анхалт-Битерфелд
Градоначалник	Курт-Јирген Цандер (СДП)
Основни податоци
Површина	78 км2
Надм. височина	80 м
Население	25.116 (31 декември 2022)
- Густина	322 жит/км2
Други информации
Часовен појас	CET/CEST (UTC+1/+2)
Рег. табл.	ABI
Пошт. бр.	06366
Повик. бр.	03496
Портал	www.koethen-anhalt.de
Местоположба на град Кетен во рамките на округот Анхалт-Битерфелд
Карта
Координати	51°45′0″N 11°55′0″E

Кетен (германски: Köthen) — град во Германија. Главен град е на округот Анхалт-Битерфелд во Саксонија-Анхалт, околу 30 километри северно од Хале.

Кетен е местото на главниот кампус и административен центар на регионалниот технички универзитет Hochschule Anhalt, кој е посебно силен во информатичката технологија. Градот се наоѓа во центарот на железничките линии Магдебург-Лајпциг, Десау-Кетен и Кетен-Ашерслебен.

Кетен се наоѓа на плодна површина со богата црна почва, погодна за одгледување на шеќерна репа. Индустријата ги вклучува технолошко инженерство, производство на кранови, како и хемиска, печатарска и прехранбена.

Историја

Црква Свети Јован во Кетен.

Благодарение на плодната почва во областа, околината на Кетен е необично богата со археолошки откритија. Најраните знаци на човечко населување е во раното Камено доба, околу 250.000 години п.н.е., а докази за секој нареден период може да се најдат во збирките на локалниот Праисториски музеј.

Првото документирано спомнување на „Cothene“ потекнува од 1115; до 1194 веќе бил познат како пазарен град, станувајќи седиште на принцовите Анхалт. Кетен бил основан во 1200. Околу два века (1603–1847) бил главен град на независното кнежевство (од 1806, војводство) Анхалт-Кетен.

Градот долго бил познат на ентузијастите за класична музика како место на потеклото на најдобрите секуларни дела на Јохан Себастијан Бах, меѓу кои се Бранденбуршки концерти и Добро темпиран клавир. Бах работел во Кетен од 1717 до 1723, како капелмајстор за принцот Леополд фон Анхалт-Кетен. Исто така, е родно место на композиторот Карл Фридрих Абел, кој, заедно со Јохан Кристијан Бах, ги основал популарните „Концерти Бах-Абел“ во Лондон, првиот претплатнички концерт во Англија.

Замокот Кетен бил потполно обновен, освен мала странично крило, бомбардирано во 1944. Неговата Сала на огледала, каде музиката на Бах често е изведувана е популарна атракција. Може да биде видена на ДВД изведена на барокниот оркестар Фрајбург, снимајќи ги Брандебуршките концерти. Од 1967, биеналето Фестивал Бах се одржува во Кетен, во различни сали на замокот, како и во локалните цркви. Друг концерт бил одржан во 2008 во комплексот на замокот.

Самуел Ханеман, основач на хомеопатија, се практикувала во Кетен од 1821 до 1834, и во текот на овој период тој ги објавил поголемиот дел од неговите најдобри дела. Во 1855, неговиот ученик Артур Луце отворил дворска хомеопатска клиника. Домот на Ханеман е отворен за туристи и вклучува вистина работна хомеопатска ординација. Градот станал национален центар за хомеопатија, место на конгреси и седиште на новата европска хомеопатска библиотека.

Главни знаменитости

• Црква Свети Јован (1400), со фонт дизајнира од Бертел Торвалдсен; крипта со саркофаг на актуелните принцови, оргули од Фридрих Ладегаст
• Црква Свети Агнус (1699), каде работел Јохан Себастијан Бах. „Тајната вечера“ е насликана од Лукас Кранах Младиот (1565); оргули од Вилхелм Рилман
• Католичка црква Света Богородица (1830), изградена од Готфрид Бандхауер, е една од најпознатите верски градби на 19. век во Северна Гермаија; оргули од Антон Фајт (1872–1929); крипта со саркофаг на последниот актуелен војвода Анхалт-Кетен
• Палата на актуелните принцови (1597), сега музеј во Версај-стил, Сала на огледала (1722), како и соба, каде Јохан Себастијан Бах создал некои дела
• Музеј за орнитологија Наумна
• Историски музеј за градот и округот
• Праисториски музеј
• Домови на Ајхендорф и Ханеман