ЖС „Градско“
ЖС „Градско“ | |
---|---|
Поглед на стар објект на железничката станица (сликан од воз) | |
Општи информации | |
Место | Градско Општина Градско Македонија |
Сопственик | Македонски железници |
Линии | Велес — Гевгелија |
Историја | |
Отворена | 1871 |
Железничка станица „Градско“ — железничка станица на железничкиот коридор 10 во селото Градско, во југоисточниот дел на Македонија. Железничката станица била изградена во 1871 година и претставувала една од најголемите и најубавите архитектонски градби на железнички станици во Македонија.
Претставува трета железничка станица од Велес, од кој е оддалечена 27,4 километри, додека од главната железничка станица во Скопје е оддалечена 78,3 километри. Низ станицата редовно поминуваат домашните возови на линијата Скопје - Гевгелија, како и меѓународните возови на линиите Скопје - Солун и Белград - Солун.
Историја[уреди | уреди извор]
Самата железничка станица била изградена во 1871 година и претставувала вистински архитектонски бисер во тоа време. Поседувала подземни премини кои воделе директно до самите перони, кои функционирале сè до минатиот век, за сега да бидат покриени со лимени плочи.
На 26 февруари 1916 година, во време на Првата светска војна, започнала изградбата на теснолиниската пруга од железничката станица „Градско“ до селото Дреново во должина од 20,1 километар за потребите на Македонскиот фронт. Подоцна оваа теснолиниска железничка линија била продолжена до Прилеп и до Битола.
Во текот на 2015 година била најавена обнова на железничката станица во Градско, како дел од поголемиот проект за обнова на железничките станици долж коридорите 10 и 10д.[1]
Галерија[уреди | уреди извор]
-
Стар објект на железничката станица во Градско
-
Стара железничка станица
-
Стара железничка станица
-
Станицата за време на Првата светска војна
Наводи[уреди | уреди извор]
- ↑ Блажевска, Светлана (2 ноември 2014). „Градени во турско, сега ќе добијат европски лик“. Вечер. Скопје: Вечер Прес. Архивирано од изворникот на 2014-11-04. Посетено на 22 август 2015.
Надворешни врски[уреди | уреди извор]
- ЖС „Градско“ на Ризницата ?
Оваа статија за железничка станица во Македонија е никулец. Можете да помогнете со тоа што ќе ја проширите. |