ЖС „Стоби“

Од Википедија — слободната енциклопедија
Прејди на: содржини, барај
ЖС „Стоби“
Интересна архитектура во „Стоби“ 6.JPG
Поглед на стар објект на железничката станица (сликан од воз)
Местоположба Стоби
Општина Градско
Македонија Македонија
Сопственик Македонски железници
Линии ВелесГевгелија
Перони 1
Местоположба
Стоби се наоѓа во Republic of Macedonia
Стоби
Стоби (Republic of Macedonia)

Железничка станица „Стоби“железничка станица на железничкиот коридор 10, близу археолошкото наоѓалиште Стоби, во јужниот дел на Македонија.

Железничката станица поседува само еден перон.

Претставува четврта железничка станица од Велес, од кој е оддалечена 31,9 километри, додека од главната железничка станица во Скопје е оддалечена 82,8 километри. Низ станицата редовно поминуваат домашните возови на линијата Скопје - Гевгелија, како и меѓународните возови на линиите Скопје - Солун и Белград - Солун.

Конзервација[уреди | уреди извор]

Во текот на 2015 година, било најавено дека објектот на старата железничка станица „Стоби“ ќе стане музејски простор, односно да стане Центар за посетители, со што би се подобрила туристичката понуда на самиот локалитет. Сличен ваков проект веќе постоел уште пред десет години, но сепак ништо не се направило.[1]

Железничката станица ќе стане музеј во кој ќе биде сместен лапидариум и дел од пронајдените експонати. Предвидено е проектот да има две фази, а најпрвин ќе се започне со санација на зградата, замена на покривната конструкција и на фасадата. На долниот кат е предвидено да бидат поставени витрини за експонатите, додека на горниот кат е предвидена мала конференциска сала, место за образување и прикажување филмови. Во задниот дел на зградата, свртен кон самиот локалитет е планиран отворен простор со трем каде ќе биде сместен лапидариум со камени споменици, скулптури и натписи. Проектот ќе се одвива под водство на Националната установа „Стоби“.[2]

Во средишниот дел на просторот е предвидена кафетерија, свртена кон локалитетот. Проектот е одобрен и за 2015 година е финансиран со 1,8 милиони денари за реализација на првата фаза, а негово целосно завршување се очекува во 2016 година.[2]

Галерија[уреди | уреди извор]

Наводи[уреди | уреди извор]

  1. "Скапана" железничка станица - музеј на Стоби“, „Вечер“, Вечер Прес, 4 август 2005 г. (посет. 22 август 2015 г). (на македонски)
  2. 2,0 2,1 Старата железничка станица во Стоби ќе биде музејски простор“, „Утрински весник“, МПМ Македонија, 17 март 2015 г. (посет. 22 август 2015 г). (на македонски)

Надворешни врски[уреди | уреди извор]