Дија

Од Википедија — слободната енциклопедија
Прејди на прегледникот Прејди на пребарувањето
Дија
Dyje, Thaya
Břeclav, Dyje.JPG
Земји Чешка,  Австрија
Слив
Главен изворкај Паненска Росичка
410 м
УстиеМорава
148 м
48°37′01″ СГШ; 16°56′25″ ИГД / 48.6170° СГШ; 16.9402° ИГД / 48.6170; 16.9402Координати: 48°37′01″ СГШ; 16°56′25″ ИГД / 48.6170° СГШ; 16.9402° ИГД / 48.6170; 16.9402
ТечениеМораваДунавЦрно Море
Сливна повр.13 419 км2
Физички особености
Должина224 км [1]
Проток

Дија (чешки: Dyje) или Таја (германски: Thaya) — река во Средна Европа, најдолга десна притока на Морава. Долга е вкупно 224 км,[1] протегајќи се од запад кон исток на пограничното подрачје помеѓу Долна Австрија и Јужна Моравија (Чешка), иако границата на највеќето места не минува по самата река. Настанува од две помали реки, наречени Германска Дија (Deutsche Thaya) и Моравска Дија (Moravská Dyje, Mährische Thaya) кои потоа се среќаваат кај гратчето Рабс.

Името Дија значи „тромава“. Недалеку од Знојмо се наоѓа истоименото селце Дије, наречено по реката.

Географија[уреди | уреди извор]

Во горното течение, реката минува низ длабоки клисури во Националниот парк Подији и минува покрај повеќе замоци и дворци. Тука има изградено неколку брани.

Дија ги собира водите од западната половина на Моравија и соседните краишта на Долна Австрија. Нејзини најголеми притоки се Свратка и Јихлава кои се среќаваат во средната акумулација од хидросистемот „Нове Млини“.

Населени места[уреди | уреди извор]

Поважни населени места по течението на Дија (по низводен редослед) се:

Брани[уреди | уреди извор]

Акумулацијата „Знојмо“.

Сите брани на Дија се наоѓаат во Чешка и служат за наводнување, производство на електрична енергија и заштита од поплави.

Брана Моќност Вид
„Вранов“ 18,9 MW обична
„Знојмо“ 1,4 MW проточна
„Нове Млини I“ (горна) проточна
„Нове Млини II“ (средна) проточна
„Нове Млини III“ (долна) 2,4 MW проточна

Поврзано[уреди | уреди извор]

Наводи[уреди | уреди извор]

Надворешни врски[уреди | уреди извор]