Густав Влахов

Од Википедија — слободната енциклопедија
Прејди на прегледникот Прејди на пребарувањето
Густав Влахов
Gustav Vlahov.jpg
Роден 18 септември 1912
Истанбул, Турција
Починал 16 јануари 1991
Белград, Југославија

Густав Влахов (18 септември 1912 во Истанбул, Турција16 јануари 1991 во Белград, Југославија) — македонски комунист, револуционер, политички работник, дипломат[1] и носител на „Партизанска споменица 1941“.

Животопис[уреди | уреди извор]

Густав Влахов е син на македонскиот револуционер Димитар Влахов, кој имаше големо влијание Густав рано да се вклучи во револуционерното движење. Тој на рани години престојува во различни градови и држави (Варна, Софија, Приштина, Одеса, Киев, Женева и Софија). Основното училиште го завршува во Варна (1919–1923), средното во Виена (1932), а потоа живее во Париз и станува член на КПФ (1933–1934). Преку Лондон и Ленинград, стигнува во Москва (1935), каде што се запишува на Военохемиската академија. По едномесечниот притвор на татко му (1938), тој е исклучен од Воената академија и се запишува и по две години го завршува Хемиско-технолошкиот факултет и се вработува како инженер-технолог во московска фабрика. Член е на КПЈ од 1933 година.[2]

Втора светска војна[уреди | уреди извор]

Во текот на Втората светска војна Густав Влахов се пријавува за доброволец и учествува во редовите на Црвената армија при одбраната на Москва, вршејќи разни одговорни воени должности.[2]

На 5 октомври 1944 г. тргнува со татко му од Москва во Крајова, каде што преговараат Тито и Трпешев и речиси два месеца се наоѓа во Титовата близина. По краткиот престој во Белград, на 17 ноември тргнува за Скопје. Во Македонија осум месеци врши одговорни функции: директор на првата Партиска школа на КПМ во Скопје, член на Агитпроп и инструктор на ЦК на КПМ за скопската партиска организација и директор на Централата за распределба на земјоделски производи.[2]

Активности после Втората светска војна[уреди | уреди извор]

По ослободувањето врши одговорни должности во Македонија и во федералните органи на СФРЈ. Југословенски амбасадор е во Пакистан од 1957 до 1961 година, во Костарика од 1959 до 1964 година, во Мексико од 1961 до 1966 година, кога бил акредитиран и во Хондурас 1962-1965 година и во Панама 1963-1969 година, како и во Австрија 1973-1977 година.[2]

Во 1945 година, веднаш позавршувањето на Втората светска војна, оформен е првиот фудбалски оддел во скопското спортско здружение, под претседателство на Густав Влахов. Фудбалската секција е одвоена на 16 август 1948 година и формиран е Фудбалскиот сојуз на Македонија, на 14 август 1949 година, како дел од Фудбалскиот сојуз на Југославија.[3]

Автор е на неколку дела кои даваат осврт на периодот пред, за и по Втората светска војна, меѓу кои „Спомени на татко ми“[4] и „На пресвртница: како ја видов и доживеав 1948“.[5]

Наводи[уреди | уреди извор]

  1. Личности од Македонија. Скопје: МИ-АН. 2002. стр. 60. ISBN 9989-613-28-1. На |first= му недостасува |last= (help)
  2. 2,0 2,1 2,2 2,3 „ВЛАХОВ, Густав Димитров“. Македонска Енциклопедија. 2018-10-23.
  3. ФФМ (09 мај 2014). „Времеплов“. Проверете ги датумските вредности во: |date= (help)
  4. Vlahov, Gustav (1968). Spomeni na tatko mi.
  5. Влахов, Густав Д. (1990). На пресвртница: како ја видов и доживеав 1948. Студентски збор.

Надворешни врски[уреди | уреди извор]