Грб на Перу

Од Википедија — слободната енциклопедија
Грб на Перу
Варијанти

Грб на Перу
Подробно
Усвоен25 февруари 1825
Челенкадаб, граѓанска круна
Штитштит поделен на три дела
Држачипо две знамиња од двете страни
Претходни варијанти21 октомври 1820

Државниот грб на Перу е официјалниот грб на оваа јужноамериканска држава. Сегашниот грб на Перу е усвоен на 25 февруари 1825 година. Денес постојат четири варијанти на грбот: стандарден грб, државен грб, големиот печат и морнарички грб.

Опис[уреди | уреди извор]

Државен грб на Перу

Централниот елемент на државниот грб е штитот кој има златни граници и е поделен на три дела, од кои горните два дела се во сина и бела боја, а долниот најголем дел е во црвена боја. Во горниот лев дел има приказ на викуња, националното животно на Перу и таа ја претставува фауната во државата. Во горниот десен дел има приказ на кининово дрво што ја симболизира флората во Перу. Во долниот црвен дел има приказ на рог на изобилството полно со златни пари кои се преливаат на црвената подлога и ова ги симболизира минералните ресурси на земјата. Штитот е поставен на четири вкрстени перуански знамиња, по две од лева и десна страна, од кои предните се помали од задните. Над грбот има граѓанска круна т.е. венец од дабови гранки. Овој грб се појавува на военото знаме на Перу и на јавните згради со целосното име на државата.

Грб на Перу

Грбот на Перу е сличен со државниот грб на државата кој е опишан погоре. Грбот е составен од истиот штит кој се појавува на државниот грб. За разлика од државниот, овој грб нема знамиња, туку како поддржувач на истиот се појавува венец од палма и лавор споени со црвена и бела лента. Овој грб се појавува на државната инсигнија, државното знаме, перуанската валута, поштенски марки и слично.

Голем печат на државата

Големиот печат на државата е всушност државниот грб. За разлика од државниот грб, во оваа верзија над грбот има испишано „Република Перу“ ("REPÚBLICA DEL PERÚ") во полукружна форма. Овој грб се користи на официјалните документи.

Морнарички грб на Перу

Морнаричкиот грб на Перу е составен од две вкрстени сидра каде во средината е државниот штит. Над грбот има испишано „Морнарица на Перу“ ("Marina de Guerra del Peru"). Овој грб се користи во перуанската морнарица и нивните документи.

Историја[уреди | уреди извор]

Прва верзија[уреди | уреди извор]

Прва верзија на грбот на Перу.

Првата верзија на грбот на Перу бил создаден од генералот Хосе де Сан Мартин и официјално бил објавен на 21 октомври 1820. Овој грб има штит на кој има приказ на изгрев на сонце над планините Анди со поглед од морето. Штитот го држи лаворов венец поврзани со златна лента. Позади штитот се наоѓаат знамиња на јужноамериканските држави и дрво од банана. Штитот и венецот го држат лама и кондор. Под грбот има барокен држач и лента со геслото „Сонцето на Перу е преродено“.

Втора верзија[уреди | уреди извор]

Втора верзија на грбот на Перу.

Втората верзија на грбот на Перу е од 25 февруари 1825 година кога Симон Боливар и Конгресот ги објавиле симболите на Перу. Овој грб е многу сличен со денешниот грб и бил дизајниран од Хосе Грегорио Паредес и Франсиско Хавиер Кортес. За разлика од денешниот грб, оваа втора верзија има нееднаква поделба на штитот и штитот има подруга форма.

Поврзан0[уреди | уреди извор]