Црква „Св. Петка и Св. Недела“ - Тетово

Предлошка:Инфокутија за црква на Македонската Православна Црква Црквата Света Петка и Света Недела е црква во стариот дел на Тетово, во населбата Колтук. Црквата се наоѓа во дворот на храмот „Св. Никола“ веднаш до Споменикот на стреланите тетовци од 1944 година. Изградена е со средства на православни верници, пред сè, од стариот дел на Тетово, но и од целиот град. На 26 ноември 2000 година се положил и осветил камен темелник на празникот "Свети Јован Златоуст". При ископот на темелите биле пронајдени остатоци со димензии 3х2 на постара црква која потекнувала од 14 век. Точниот податок за постоењето и градбата на таа капела се сврзува со изградбата на помала црква посветена на Света Богородица, која се наоѓала преку реката Пена. Црква е посветена на две светици, бидејќи во Тетово немало црква посветена на св. Недела, а стариот храм бил посветен на св. Петка. Поради воените дејства во Тетово во 2001, изградбата била стопирана, но во 2007 година комплетно е завршена и осветена.