Црква „Св. Ѓорѓи“ - Отуње

Од Википедија — слободната енциклопедија
Прејди на прегледникот Прејди на пребарувањето
Coat of arms of the Macedonian Orthodox Church.png
Macedonian cross.svg
Св. Ѓорѓи
Македонска православна црква
Епархија Полошко-кумановска
Архијерејско намесништво Тетовско
Парохија Втора тетовска
Местоположба
Населено место Тетово
Општина Тетово
Држава Македонија
Општи податоци
Покровител Свети Георги
Изградба 1860
Архитектонски опис
Портал „МПЦ“

Свети Ѓорѓи е главна селска црква во тетовското село Отуње. Градена е во 1860 година, додека обновена е во 1994 година.[1]

Настани од 2001[уреди | уреди извор]

За време на воениот конфликт во Тетовско во 2001, црквата во Отуње не била поштедена од налетот на албанските банди.[2] На вратата пред влезот во црквата била скршена мермерната плоча со година на градба на црквата и било пукано е со оружје на таванскиот дел со видни оштетувања на плафонот. Електричната инсталација била целосно оштетена и бил одземен струјомерот. Сите четири столба внатре биле оштетени, а на двата столба веднаш до влезната врата во црквата биле оштетени лежиштата за икони. Уништени биле и дрвените седишта за седење на стари и изнемоштени лица при Светите богослужби. Целосно биле уништени два шандани за свеќи, аналогијата со намена за поставување на икони, купелот за крштевање на деца. Најголеми и непоправливи штети и вандалски уништувања биле направени на самиот свето-црковен ентериер на црквата. Многу од иконите биле уништени (сечени со секири, пукано со куршуми или кршени). Во трпезаријата биле скршени сите прозорци, растурен бил сиот прибор за јадење и недостасувал ТВ приемник.[3]

Наводи[уреди | уреди извор]

  1. Ефтоски, Гојко (сабота, 22 август 2009). „Повратниците го заживуваат Отуње“ (македонски). Утрински Весник. конс. 2011-01-11. 
  2. Осквернавени црквите во Сетоле и во Отуње“, Дневник (посет. 11 јануари 2011 г). (на македонски)
  3. „Оштетувања на црквата "Свети Ѓорѓи" во село Отуње - комплетен извештај“ (македонски). Тетовско Архиерејско намесништво. конс. 2011-01-11.