Лужички јазици

Лужички јазици
вендски јазици, лужичкосрпски јазици
Географска распространетост:	Лужица
Класификација:	индоевропски словенски западнословенски лужички јазици
Гранки:	горнолужички јазик долнолужички јазик
ISO 639-2 и 639-5:	wen
[[File: Лужичко говорно подрачје во Германија.|300px]]

Лужичките јазици (Serbsce, Serbski) се мала група словенски јазици, дел од подгрупата на западнословенски јазици. Овие јазици се мајчини јазици на Лужичките Срби, автохтоно словенско население во областа Лужица во Источна Германија. Низ историјата, јазиците биле познати како вендски јазици или лужичкосрпски јазици. Овие јазици се слични со останатите западнословенски јазици, односно со полскиот, чешкиот, словачкиот и кашупскиот.

Денес има два стандардни лужички јазици: горнолужички јазик и долнолужички јазик. Горнолужичкиот го зборуваат околу 40.000 луѓе во Саксонија, додека долнолужичкиот е зборуван од околу 10.000 луѓе во Бранденбург. Оваа област каде се зборуваат овие јазици е позната како Лужица.

Во Германија, горнолужичкиот и долнолужичкиот се признати и заштитени малцински јазици. Двата јазика во Лужица се официјални, заедно со германскиот. Центар на горнолужичкорпската култура е Бауцен. Во градот горнолужичкиот е доста застапен во секојдневната комуникација и се користи на сообраќајните знаци. Како центар на долнолужичката култура се смета Котбус. Како и во Бауцен, така и во Котбус има двојазични сообраќајни знаци.

Поврзано

• Лужица
• Горнолужички јазик
• Долнолужички јазик
• Лужички Срби

Надворешни врски

• Лужичкосрпски јазици
• Информациона страница за лужичкосрпските јазици