Турнеја „Minut Srca Mog“

Од Википедија — слободната енциклопедија
Minut Srca Mog Tour
Tour by Јелена Розга
Податотека:RozgaTourCover.jpeg
Промоционален постер за концертот во Загреб во Арена Загреб, декември 2022
МестоЕвропа
Associated album
Почеток17 декември 2022 (2022-12-17)
No. of shows13
Јелена Розга хронологија

Турнејата „Minut Srca Mog“ (претходно позната и како Турнејата Розга) е третата концертна турнеја на хрватската поп пејачка Јелена Розга во промоција на нејзиниот трет компилациски албум Minut Srca Mog (македонски: Минут Срца Мог) (2022). Турнејата била објавена на 20 мај 2022 со прв концерт во Загребачката Арена во Загреб, Хрватска на 17 декември 2022. Турнејата била исто така објавена да ги посети останатите гоелми градови во други балкански држави, како Сплит, Белград, Скопје, Сараево и Љубљана. Подготовките за турнејата започнале во 2022 и Розга ја објавила како својот најголем продукциски проект во нејзината кариера. Жига Сотлар бил главниот кореограф на шоуто а модното дуо eNVy room служело како главен моден дизајнер за изгледот на пејачката.

Тричасовните концерти кои исто така биле поделени на три концепциски дела и вклучувале три промени на костумите се состоеле од песни кои ја опфаќале соло кариерата на пејачката и песни кои ги снимила како главна пејачка на поп бендот Магазин. Почетните концерти исто така добиле ѕвездени рецензии од музичките критичари кои ја пофалиле вокалната енергија, продукцијата и кореографијата кои ги истакнале како нејзините најдобри во 27-годишната музичка кариера. Двата почетни концерти на турнејата биле распродадени кратко по нивното објавување.

Позадина[уреди | уреди извор]

Главна статија: Minut Srca Mog

Јелена Розга првпат ја објавила својата работа на акустичен албум за време на интервјуа во 2019 после успехот на акустичната мешавина на три од нејзините песни „Oprosti mala“, „Opijum“ и „S druge strane mjeseca“ на Јутјуб каналот на народни радио.[1] Во 2022, објавила дека албумот се ближел кон крајот и на 15 септември истата година, потврдила дека насловот на третиот компилациски албум и прв акустичен албум ќе биде Minut Srca Mog како референца на нејзиниот сингл со Магазин од 1996 „Minut srca tvog“ („Минута на твоето срце“). Првата акустична преработка на песната „Zar je ljubav spala na to“ со Матија Цвек и во продукција на Срѓан Секуловиќ - Сканси, била издадена истиот ден заедно со музичко видео.[2] На 21 октомври 2022, „Grizem“, оригинално снимена за вториот студиски албум на Розга, насловен Bižuterija (2011), била издадена како втор сингнл од албумот заедно со визуелно видео режирано од Дарио Радусин.[3] На 14 ноември, Minut Srca Mog (Минута на моето срце) била издадена на Јутјуб и другите стриминг платформи; албумот содржи 19 песни снимени за време на ерата кога пејачката била главен вокалист на групата Магазин и нејзината соло кариера како и преработка на песната „Rano“ од хрватската пејачка Минеа од нејзиниот албум Mino zakona. Сите песни, со исклучок на првиот сингл биле вклучени во оригинална форма, отсвирени и испеани во живо со додавање на инструменти како жици, француски хармоники и медитерански мандолини.[4] Истиот ден, пејачката имала промотивен ден во Загрепскиот Хотел Еспланада, на којшто присуствувале нејзините блиски соработници, пријатели и роднини. Исто така, таа извела неколку од песните на албумот придружена од страна на 20 музичари на сцената. Изјавила дека перформансот бил само „загревање“ за отворачкото шоу на турнејата во Загреб.[5]

Продукција[уреди | уреди извор]

За време на концертите Розга била придружена на сцената од 12 танчари предводени од словенечкиот кореограф Жига Сотлар. Визуелниот дел од концертот бил поддржан од повеќе од 400. квадратни метри ЛЕД екрани, преку 300 светлосни тела и повеќе од 500 илјaди вати звук. Ласери, пиротехника и анимација исто така ги придружувале песните.[6]

Објавување и промоција[уреди | уреди извор]

На 20 мај 2022, Јелена Розга се појавила на „Living Room acoustic“ емисијата на народни радио каде што извела мешавина од нејзините песни и дала кратко интервју во коешто ја објавила својата претстојна турнеја. Открила дека турнејата ќе започне со концерт во Загребачка Арена во Загреб, Хрватска на 17 декември 2022.[7][8] Покрај тоа, исто така го споменала издавањето на нов сингл кратко после нејзиниот настап на Fusion World Music Festival на 19 јули 2022.[9] За време на подоцнежно интервју, Розга открила дека вториот концерт на турнејата во Спаладиум Арената во нејзиниот домашен град Сплит, која се одржала дванаесет години по првиот распродаден концерт во истото место, ќе биде „спектакл“ со добро избран тим, светлечко шоу, звучен систем и прекрасна сцена со танчери и инструменталисти.[10]

Концертот во Белград, Србија бил објавен во септември и е закажан за 7 април 2023.[11] За време на интервју на 3 ноември 2022, Розга открила дека концертот ќе биде „најголемото продукциско шоу“ во нејзината кариера. Исто така открила дека за кореографијата ќе се погрижи словенечкиот кореограф Жига Сотлар.[12] Покрај тоа, Розга искористила многу од нејзините балетски танчерски знаења кои ги научила за време на балетските часови од детството..[13] Турнејата исто така имала предвидено посети на големи градови во Балкански земји, како Скопје во Северна Македонија, Сараево во Босна и Херцеговина и Љубљана Словенија.[9]

Првичниот наслов на турнејата била Турнеја Розга, но по издавањето на компилацискиот албум Minut Srca Mog, турнејата била наречена Турнеја „Minut Srca Mog“.

Мода[уреди | уреди извор]

На првиот концерт на турнејата, којшто се случил за време на вториот ден од Fusion Music Festival, Розга се појавила облечена во вемп стил. Била облечена во црн топ којшто го октривал нејзиниот абдомен и широки црни пантолони.[14] Нејзиниот стил добил пофалби од печатот и модните критичари кои рекле дека промената во нејзината обична облека била видлива и дека успеала да ги искористи алиштата за да даде акцент на своето тело.[14][15] За вториот настап на шоуто, пејачката ги сменила алиштата трипати и сите биле во склад со песните коишто ги пеела. Носела дизајни од модното дуо eNVy room; ова вклучило црвен комбинезон со кратко кожно здолниште, црн фустан и бел костим во светки.[16] Нејзините костими биле наречени „импресивни“ од новинар којшто пишувал за хрватскиот T-portal.[17]

Синопсис[уреди | уреди извор]

Концертите од турнејата биле поделени во три дела, а за секој од нив пејачката имала посебен аутфит. Сет листата на концертот се отворила со група од 20 танчери коишто марширале на сцената на почетните акорди на „Ne Tiče Me Se“, што проследило со Розга која се појавила на сцена како ја пее песната. Ова било проследено со настап на „Nirvana“ за којашто пејачката извела кореографија заедно со нејзините танчери.[16] По краток говор и пауза, пејачката ја пеела песната „Bižuterija“, којашто претставувала пресвртна точка во нејзината музичка кариера. Во подоцнежниот дел од концертот, пејачката ги изведувала песните „'Ko Me Zove“, „Opijum“, „Suze Biserne“, „S Druge Strane Mjeseca“, „Ako Poludim“, „Jel' Zbog Nje“, „Kad Bi Bio Blizu“, „Dani Su Bez Broja“ и „ Ginem“, најголемиот дел од нив снимени за времето во групата Магазин. Друг сплет на песните од бендот ги вклучувал „Ti Si Želja Mog Života“ и „Ljube se Dobri, Loši, Zli“, двете песни снимени кога Љиљана Николовска била главна пејачка на бендот.[16]

За време на вториот дел од концертот, таа извела некои од поскорешните песни во нејзината кариера, вклучувајќи ги „Dobitna Kombinacija“, „Okus Mentola“, „Daj Šta Daš“, „Moje Proljeće“, „Razmažena“, „Moderna Žena“, „Solo Igračica“, „Roba s Greškom“ и „Cirkus“.[16][17][18] За време на последниот дел од концертот, таа била придружена на сцената од Матија Цвек за настапот на акустичната верзија на „Zar je ljubav spala na to“. Последниот дел од концертот ги вклучил „Samo se ljubit' isplati“, „Minut' Srca Mog“ и „Opijum“, којашто била изведена како последна, за време на завршниот дел од концертот.[16]

Критички прием[уреди | уреди извор]

Настапот на пејачката на Fusion Festival бил наречен „прекрасен“ од страна на Ана Самарџиќ од RTL и како „подигнувач на веќе високата енергија“ од Матеа Сушац за Gloria.[15][19] Настапот во Загребачката Арена добил ѕвездени рецензии; Ивала Лулиќ која пишувала за вебсајтот Glazba.hr го нарекла „шоу на скала на светски изведувачи“. Таа исто така го нарекла концертот „не само концерт, туку вистинско искуство“ и ја пофалила автентичноста на високо испланираниот тричасовен перформанс. Завршила со рецензијата со забелешката: „Јелена Розга имаше беспрекорно шоу, настап којшто не беше ништо пократок од спектакл преполн со вокална моќ и емоции... концертот беше дефинирачкиот момент којшто оддава почит на нејзината 27-годишна карира и иднина којашто никогаш не изгледала посветла“.[16] Друг новинар за T-portal којшто пишувал рецензија за истиот концерт, го нарекол „спектакуларенc и потврда дека „пејачката припаѓа на еден од најтестните кругови на најголемите ѕвезди во регионот. Новинарот исто така го пофалил Милош Шаровиќ за поставувањето на сцената.[17] Анѓела Пармаќ и Анте Перичиќ, коишто пишувале рецензија на концертот за Novi list, забележале дека пејачката имала „безгрешен избор на песни, прекрасна сцена и неверојатна енергија“ којашто „целосно ја зачудила“ публиката.[20]

Бојана Кркељиќ од Нова ги пофалила сите аспекти на Белградското шоу на Розга, вклучувајќи ја „демонстрацијата на прекрасни вокални способности и енергија на којашто многу би ѝ позавиделе, перфектна кореографија, беспрекорна сценографија и најсовремени аудио-визуелни ефекти.“[21] Концертот којшто пејачката го одржала на 10 февруари 2024 во Скопје бил „исполнување на една од нејзините најголеми животни желби“. Нејзиниот концерт добил критички пофалби од македонскиот печај, вклучувајќи и новинар од Република којшто ги пофалил нејзинит вокални и танчерски способности и промената во аутфитите за време на концертот. Розга завршила со концертот, велејќи: „Љубовта и енергијата коишто ги добив вечер не можат да бидат опишани со зборови. Многу сум благодарна на сите затоа што имав можеби еден од најемоционалните концерти. Ти благодарам Скопје, си поминав прекрасно“.[6] Според новинар од македонскиот весник Црно и Бело, концертот на Розга бил „спектакуларен“, „по светски стандарди“, нејзините дванаесет танчари ја извеле кореографијата како едно.[22][23] Според новинарите, концертот бил многу добро прифатен од страна на фановите на пејачката, а атмосферата вклучувала „музичко цунами и хорско пеење, кренати раце и насмеани лица, но и фактот што по три часа никој не сакал да си замине дома“.[6] Концертот во Скопје бил посетен од страна на претходниот премиер на државата Димитар Ковачевски.[24]

Комерцијален успех[уреди | уреди извор]

Во ноември 2022, било објавено дека првиот концерт на пејачката во Загребачката Арена бил распродаден, речиси месец дена пред неговиот закажан датум и бил посетен од повеќе од 20,000 луѓе.[25][26]

Концерт во Скопје[уреди | уреди извор]

Промоцијата за концертот во Скопје на пејачката започнала во јануари 2024 година. Таа прво се појавила на дружба во скопскиот мол каде што поминала време во разговори со фановите, потпишување на автограми и со малечки деца. Потоа дала интервјуа за македонските телевизии Канал 5, Ексклузив и Бекстејџ во коишто опишала дека таа ментално ја подготвувала турнејата речиси 10 години во нејзината глава и имала замисла за деталите на шоуто.[27][28][29]

На 10 февуари 2024, Розга го одржала својот прв солистички концерт во Скопје во рамки на турнејата. За време на својот концерт таа се расплакала и изјавила дека ѝ била една од најголемите желби да има свој концерт во градот. Нејзиниот концерт добил пофалби од страна на новинар за списанието Република кој ги пофалил нејзините вокални и танчерски способности како и промените во облеката за време на концертот. На крајот од концертот Розга го изјавила следново: „Оваа љубов, оваа енергија што ги почувствував вечерва не можат да се опишат со зборови. Навистина им благодарам на сите затоа што го имав досега можеби еден од најемотивните концерти. Скопје благодарам, си поминав преубаво“.[6] Според новинарот, концертот исто така бил многу добро прифатен од страна на фановите: „Дека публиката уживаше и имаше можност да ја види Јелена Розга во сосема поразлично издание доволно зборуваат и коментарите по концертот, но и атмосферата во салата. Од првиот до последниот такт вистинско ‚музичко цунами‘ и хорско пеење, кренати раце и насмеани лица, но и фактот дека и по речиси три часа ретко кој сакаше да си замине дома.“[6] На концертот во Скопје присуствувал и поранешниот премиер на државата Димитар Ковачевски.[30] Во интервју веднаш после концертот, Розга изјавила дека навистина „се чувствувала како да лета“ за време на концертот. Една од најпрепознатливите песни на пејачката на концертот била „Dani su bez broja“.[31]

Сет листа[уреди | уреди извор]

Речиси секоја нумера имала посебна кореографија. Следниот список песни е репрезентативен на концертот во Арената Загреб одржан на 17 декември 2022.[16][17][18]

  1. „Ne tiče me se“
  2. „Nirvana“
  3. „Daj šta daš“
  4. „Ako poludim“
  5. „Bižuterija“
  6. „Dobitna kombinacija“
  7. „Okus mentola“
  8. „Tsunami“
  9. „Oprosti mala“
  10. „'Ko me zove“
  11. „Opijum“
  12. „S druge strane Mjeseca“
  13. „Prorok“
  14. „Ti si želja mog života“
  15. „Nebo boje moje ljubavi “
  16. „Ljube se dobri, loši, zli“
  17. „Suze biserne“
  18. „Jel' zbog nje“
  19. „Kad bi bio blizu“
  20. „Da li znaš da te ne volim“
  21. „Dani su bez broja“
  22. „Minus i plus“
  23. „Kraljica“
  24. „Moderna žena“
  25. „Solo igračica“
  26. „Roba s greškom“
  27. „Cirkus“
  28. „Moje proljeće“
  29. „Ne pijem, ne pušim“
  30. „Razmažena“
  31. „Ginem“
  32. „Zar je ljubav spala na to“
  33. „Samo se ljubit' isplati“
  34. „Minut' srca tvog“
    Крај на шоуто
  35. „Opijum“

Концерти[уреди | уреди извор]

Список на концерти со прикажани датуми, градови, држави, места, број на билети и целосните приходи
Датум Град Држава Место
Европа[26][32][33][34][35][36][37]
23 јули 2022[б 1] Сплит Хрватска Стадион Парк Младежи
17 декември 2022 Загреб Арена Загреб
28 јануари 2023 Ново Место Словенија Дворана Мароф
18 февруари 2023 Франкфурт Германија Флинш Клуб
7 април 2023 Белград Србија Штарк Арена
1 мај 2023 Херцег Нови Црна Гора Портонови Плоштад Марина
5 мај 2023 Виена Австрија Трестор Клуб
8 мај 2023 Будва Црна Гора Клуб Каскада
27 јули 2023 Топ Хил
26 август 2023 Радомље Словенија Шпортни Парк Радомље
28 октомври 2023 Нови Сад Србија Спенс
11 ноември 2023 Гросварсдорф Австрија Куга Гросњарасдорф
10 февруари 2024 Скопје Северна Македонија Арена Борис Трајковски
8 март 2024 Задар Хрватска Вишњик
2 ноемвеи 2024 Сараево Босна и Херцеговина Сала зетра

Податоци за приходи[уреди | уреди извор]

Место Град Продадени билети
Стадион Парк Младежи Сплит 15,000[38]
Арена Загреб Загреб 20,000[26]
Дворана Мароф Ново Место 1,200
Топ Хил Будва 5,500
Шпортни Парк Радомље Радомље 3,100

Откажани концерти[уреди | уреди извор]

Список на откажани концерти, со датум, град, држава, место и причина за откажувањето
Датум Град Држава Место Причина
11 февруари 2023 Сплит Хрватска Спаладиум Арена Затворање на арената[39]

Наводи[уреди | уреди извор]

  1. ↑ Мориќ, Данијела-Ана (14 декември 2019). „Jelena Rozga: 'Nedostaje mi ljubav, fali mi zagrljaj, fali mi topla riječ, da mi netko kaže da me voli, da mu pripadam'“ [Јелена Розга: Ми недостасува љубов, прегратка, топол збор, некој кој ќе ми каже дека ме сака, некому кому можа да припаѓам] (хрватски). T-portal. Посетено на 10 февруари 2024.
  2. ↑ „'Meni je ovo ostvarenje sna': Pogledajte kako izgleda i zvuči Jelena Rozga u zagrljaju Matije Cveka“ [‚Ова е остварување на мојот сон‘: Погледнете како изгледа и звучи Јелена Розга во Прегратката на Матија Цвек]. Јутарњи (хрватски). 15 септември 2022. Посетено на 12 февруари 2024.
  3. ↑ С., Л. (22 октомври 2022). „Rozga uoči objavljivanja singla pokazala vitku liniju“ [Розга во очи на објавувањето на синглот ја покажала витката линија]. Нови лист (хрватски). Посетено на 12 февруари 2024.
  4. ↑ (in sr) Kec Na Jedanaest - Jelena Rozga - Novi album i veliki koncert u Beogradu. К1 Телевизија. 15 септември 2022. https://www.youtube.com/watch?v=bsviod1Ltks&ab_channel=K1Televizija. Retrieved 12 февруари 2024. 
  5. ↑ Ќосиќ, Морана; Живковиќ, Николина (14 ноември 2022). „Jelena Rozga predstavila novi album 'Minut srca mog': Ovo je ostvarenje mog sna, hvala vam!“ [Јелена Розга го Претстави Новиот Албум 'Минута на моето срце': Ова е остварување на мојот сон, Ви благодарам!] (хрватски). 24sata. Посетено на 12 февруари 2024.
  6. ↑ 6,0 6,1 6,2 6,3 6,4 „Розга се расплака на концертот во Скопје: Сонував за еден ваков концерт“. Република. 11 февруари 2024. Посетено на 13 февруари 2024.
  7. ↑ (in hr) Jelena Rozga - narodni Living room acoustic [cijela emisija]. народни. 19 мај 2022. https://www.youtube.com/watch?v=Fy3im3ilP38&ab_channel=narodni. Retrieved 13 февруари 2024. 
  8. ↑ Пепелко Фарски, Изабела (19 мај 2022). „Jelena Rozga najavila koncert u zagrebačkoj Areni: 'Za sve godine ljubavi, jedva čekam!'“ [Јелена Розга Најави Концерт во Загребачката Арена: „За сите години љубов, едвај чекам!“] (хрватски). 24sata. Посетено на 13 февруари 2024.
  9. ↑ 9,0 9,1 „Jelena Rozga progovorila o velikoj promjeni u svom životu: 'Dvadeset i nešto godina mi je trebalo za to'“ [Jelena Rozga Speaks About a Major Change in Her Life: "I Needed Twenty Something Years to Do That"]. Večernji list (хрватски). 20 May 2022. Посетено на 20 May 2022.
  10. ↑ „Jelena Rozga o zdravlju: Ne krijem da imam problema, neki dan mi je bilo loše“ [Јелена Розга за здравјето: Не кријам дека имам проблеми, пред некој ден ми беше лошо]. Index Magazine (хрватски). 28 јули 2022. Посетено на 13 февруари 2024.
  11. ↑ „Potvrđeno: Veliki koncert Jelene Rozge u Beogradu!“ [Потврдено: Голем Концерт на Јелена Розга во Белград!]. Република (српски). 13 септември 2022. Посетено на 13 февруари 2024.
  12. ↑ Н., Д. (3 ноември 2022). „Jelena Rozga priprema show karijere: "Nikad nisam radila nešto ovako produkcijski veliko"“ [Јелена Розга го спрема шоуто на кариерата: „Никогаш немам работено на нешто олку продукциски големо“]. Далмација Њус (хрватски). Посетено на 13 февруари 2024.
  13. ↑ Yu Showbizz - Jelena Rozga: "Beč mi je prekrasan, jer sam napravila dosta lijepih koncerata...". YU Planet. 17 јули 2023. https://www.youtube.com/watch?v=UsF4nZzP0oo&ab_channel=YUPlanet. 
  14. ↑ 14,0 14,1 „Nikad Atraktivnija Jelena Rozga u Crnom Izdanju: Pokorila Fusion festival golim trbuhom i dubokim dekolteom“ [Никогаш Поатрактивната Јелена Розга во Црно Издание: Го Покори Фјужн фестивал со голиот стомак и длабокото деколте] (хрватски). Стори. 24 јули 2022. Посетено на 13 февруари 2024.
  15. ↑ 15,0 15,1 15,2 Сушац, Матеа (22 јули 2022). „Kraljica Fusiona: Jelena Rozga ukrala svu pažnju u seksipilnom izdanju“ [Кралица на Фјужн: Јелена Розга Го Украде Сето Внимание во Сексапилно Издание]. Глорија. Посетено на 13 февруари 2024.
  16. ↑ 16,0 16,1 16,2 16,3 16,4 16,5 16,6 Лулиќ, Ивана (18 декември 2022). „Jelena Rozga u Areni Zagreb: Show na razini izvođačica svjetskog kalibra“ [Јелена Розга во Арената Загреб: Шоу на Рамниште на Изведувачи од Светски Калибар] (хрватски). Glazba.hr. Посетено на 13 февруари 2024.
  17. ↑ 17,0 17,1 17,2 17,3 Д., М. (18 декември 2022). „Jelena Rozga napravila je spektakl u zagrebačkoj Areni: 'Moj san je sinoć postao java'“ [Јелена Розга Направи Спектакл во Загребачката Арена: ‚Мојот сон стана јаве вчера‘] (хрватски). T-portal. Посетено на 12 февруари 2024.
  18. ↑ 18,0 18,1 „Jelena Rozga oduševila pred prepunom zagrebačkom Arenom, a dovela je i posebnog gosta“ [Јелена Розга Воодушеви Пред Преполната Загребачка Арена, а го Доведе и Посебниот Гостин]. Вечерњи лист (хрватски). 18 декември 2022. Посетено на 12 февруари 2024.
  19. ↑ Самарџиќ, Ана (24 јули 2022). „Kraljica Fusion festivala: Jelena Rozga u seksipilnom izdanju ukrala je svu pažnju“ [Кралицата на Фјужн фестивал: Јелена Розга во сексапилно издание го украде цело внимание] (хрватски). RTL. Посетено на 13 февруари 2024.
  20. ↑ Пармаќ, Анѓела; Перичиќ, Анте (19 декември 2022). „Jelena Rozga spektakularnim koncertom dokazala da su ona i Arena dobitna kombinacija“ [Јелена Розга со спектакуларен концерт докажа дека таа и Арената се добитна комбинација]. Нови лист (хрватски). Посетено на 13 февруари 2024.
  21. ↑ Кркелиќ, Бојана (12 мај 2023). „Još jedan spektakl u najavi: Jelena Rozga zakazala koncert u Novom Sadu“ [Уште еден спектакл во најава: Јелена Розга Закажа Концерт во Нови Сад]. Nova.rs (српски). Посетено на 13 февруари 2024.
  22. ↑ „Јелена Розга спектакуларна во Скопје, се расплака на концертот пред македонската публика“. CrnoBelo.com. 11 февруари 2024. Посетено на 6 март 2024.
  23. ↑ Извадоци од концертот во Скопје
  24. ↑ „Екс премиерот Ковачевски вечерва на концертот на Јелена Розга“. 4news.mk. 10 февруари 2024. Посетено на 13 февруари 2024.
  25. ↑ Г., Л. (17 ноември 2022). „Jelena Rozga može zadovoljno trljati ruke: Mjesec dana prije zagrebačkog koncerta prodana i posljednja karta!“ [Јелена Розга Може Задоволно да ги Протрие Рацете: Месец дена пред Загребачкиот Концерт е Продадена и Последната Карта!]. Јутарњи лист (хрватски). Посетено на 13 февруари 2024.
  26. ↑ 26,0 26,1 26,2 „Jelena Rozga u Areni Zagreb“ [Јелена Розга во Арената Загреб]. Glazba.hr. 17 декември 2022. Посетено на 13 февруари 2024.
  27. ↑ (in mk) Здраво Македонијо - 18.01.2024 - Јелена Розга. Канал 5 Телевизија. 18 јануари 2024. https://www.youtube.com/watch?v=irXFPoTr1SM&ab_channel=%D0%9A%D0%B0%D0%BD%D0%B0%D0%BB5%D0%A2%D0%B5%D0%BB%D0%B5%D0%B2%D0%B8%D0%B7%D0%B8%D1%98%D0%B0. Retrieved 12 февруари 2024. 
  28. ↑ Јелена Розга - Ексклузив. Ексклузив. 21 јануари 2024. https://www.youtube.com/watch?v=Q7qV6R8UcEA. Retrieved 12 февруари 2024. 
  29. ↑ Jelena Rozga: Jas Sum Primer Deka Covek Moze Da Bide Normalen. Бекстејџ Медиа. 17 јануари 2024. https://www.youtube.com/watch?v=dU-Rwa7Y700&ab_channel=BackstageMedia. 
  30. ↑ „Екс премиерот Ковачевски вечерва на концертот на Јелена Розга“. 4news.mk. 10 февруари 2024. Посетено на 11 февруари 2024.
  31. ↑ Spektakularen Koncert na Jelena Rozga vo Skopje. Backstage Media. 13 февруари 2024. https://www.youtube.com/watch?v=xJ1a5PXluLI&ab_channel=BackstageMedia. 
  32. ↑ „Jelena Rozga :: Štark Arena“ [Јелена Розга :: Штарк Арена]. Штарк Арена. 8 април 2023. Посетено на 13 февруари 2024.
  33. ↑ Б., Л. (8 април 2023). „Jelena Rozga 'zapalila' Beograd: U dupkom punoj Štark Areni iznenadila plesnim umijećem, orili se najveći hitovi“ [Јелена Розга го ‚запали Белград‘: Во преполната Штарк Арена изненади со танчерската уметност, се вртеа најголемите хитови]. Јутарњи.хр. Посетено на 13 февруари 2024.
  34. ↑ Божиновиќ, Даница (15 мај 2023). „Još jedan spektakl u najavi: Jelena Rozga zakazala koncert u Novom Sadu!“ [Уште еден спекакл во најава: Јелена Розга Закажа Концерт во Нови Сад!]. 24Sedam.rs (српски). Посетено на 13 февруари 2024.
  35. ↑ „Jelena Rozga - Gigs Tix Srbija“ [Јелена Розга - Гигс Тикс Србија]. Gigstix.com. 15 мај 2023. Посетено на 13 февруари 2024.
  36. ↑ „Ulaznice za Veliki Koncert Jelene Rozge, 26.08.2023 u 20:00 (hr)“ [Влезниците за големиот концерт на Јелена Розга, 26.08.2023 во 20:00]. Моје Карте. 15 август 2023. Посетено на 13 февруари 2024.
  37. ↑ Јанева, Ана (јануари 2024). „Јелена Розга за „Слободен печат": Едвај чекам да застанам пред македонската публика и да го „оставам" срцето пред неа“. Слободен печат. Посетено на 13 февруари 2024.
  38. ↑ Кроло, Хрвоје (22 јули 2022). „Tonči Huljić dao rijetku izjavu o sinu Ivanu te otvoreno dao do znanja što misli o svom nasljedniku“ [Тончи Хуљиќ даде ретка изјава за синот Иван и отворено даде до знаење што мисли за својот наследник]. Дневник (хрватски). Посетено на 13 февруари 2024.
  39. ↑ „Rozga o otkazanom koncertu u Spaladium Areni: 'Dobili smo udarac, šamar. Tužna sam'“ [Розга за откажаниот концерт во Спаладиум Арената: ‚Добивме удар, шлаканица. Тажна сум‘] (хрватски). Gloria.hr. 17 јануарѕ 2023. Посетено на 13 февруари 2024. Проверете ги датумските вредности во: |date= (help)

Надворешни врски[уреди | уреди извор]

Јелена Розга
Студиски албуми
Компилациски албуми
Синглови
Заеднички синглови
Концертни турнеи
Поврзани статии


Грешка во наводот: Има ознаки <ref> за група именувана како „б“, но нема соодветна ознака <references group="б"/>.

Преземено од „https://mk.wikipedia.org/w/index.php?title=Турнеја_„Minut_Srca_Mog“&oldid=5196648“