Јелена Розга

Од Википедија — слободната енциклопедија
Прејди на прегледникот Прејди на пребарувањето
Јелена Розга
JelenaRozga-2011.jpg
Роден 23 август 1977(1977-08-23)
Сплит
Националност Хрватка
Занимање пејачка

Јелена Розга (23 август 1977 во Сплит) е хрватска пејачка која пее поп, фолк и електропоп музика. Родена е и израсната во Сплит каде уште како дете почнала да настапува како балерина. Се прославила како пејачка на хрватската група Магазин. Пеелa во групата од 1996 до 2005 година, а во 2006 година ја започнува својата соло кариера откако издала 5 студиски албуми со Магазин.

Солата кариера Розга ја започнала со албумот Oprosti mala кој доживеал голем комерцијален успех кој ја воспоставил како успешна соло пејачка. Албумот се искачил на врвот на табелата за хрватски албуми и на него се нашле неколку успешни синглови како што се „Gospe moja“, „Oprosti mala“ и „Ne zovi me Marija“. На вториот студиски албум на Розга, Bižuterija издаден во 2011, се нашле истоимената песна која е воедно најголемиот соло хит на пејачката како и сингловите „Rodit ću ti 'ćer i sina“ и „Ona ili ja“. Во промоција на албумот, Розга ја започнала својата прва соло турнеја која траела од 2010 до 2012; со распродадениот концерт во Спаладиум арената, Розга станала првата хрватска пејачка која успеала да ги продаде сите карти.

Во 2012, Розга го издала својот прв Best of албум на кој се нашле нејзините хитови со Магазин како и тие од нејзината соло кариера. Moderna žena, третиот студиски албум на пејачката бил издаден во 2016 и на него се нашле некои од најголемите хитови на пејачката во нејзината кариера, вклучувајќи ги „Nirvana“, „Kraljica“ и „Tsunami“. Албумот бил третиот кој успеал да го достигне врвот на хрватската табела на албуми и добил златен сертификат од страна на хрватската музичка асоцијација. Воедно бил и најпродаваниот албум на годината во Хрватска.

Покрај нејзината пејачка кариера, Розга исто така кратко време работела како глумица. Денеска се смета за една од најпознатите пејачки во Хрватска,[1] каде што има освоено златни сертификати за сите нејзини три албуми и голем број на награди, вклучувајќи ја и наградата Grand Prix на сплитскиот фестивал. Покрај познатоста во Хрватска, пејачката исто така има изградено успешна кариера во Македонија, Србија, Црна Гора, Босна и Херцеговина и Словенија.

Ран живот[уреди | уреди извор]

Во детството играла балет. По завршувањето на основно улилиште, се запишува во средна балетска школа и почнува да танцува во балетот на Хрватскиот Народен Театар. Балетната кариера ја напушила откако ѝ се укажала прилика да стане пејачка во популарната сплитска група Магазин. Музичката кариера ја започнува во 1996, кога на Дора ја изведе песната Аха (хрватски: Aha) и го освојува второто место. Во истата година Јелена станува пејачка на групата Магазин.

Наводи[уреди | уреди извор]

  1. Грешка во наводот: Погрешна ознака <ref>; нема зададено текст за наводите по име solo.

Надворешни врски[уреди | уреди извор]