Тумба (Долно Палчиште)

Од Википедија — слободната енциклопедија
Прејди на прегледникот Прејди на пребарувањето
Тумба
археолошко наоѓалиште
Тумба is located in Археолошки локалитет во Македонија
Тумба
Тумба
(Грешка во скриптата: Нема модул наречен „Location map/old“.)
Местоположба 41°58′5″N 20°55′33″E / 41.96806° СГШ; 20.92583° ИГД / 41.96806; 20.92583Координати: 41°58′5″N 20°55′33″E / 41.96806° СГШ; 20.92583° ИГД / 41.96806; 20.92583
Основни податоци
Име Тумба
Место Долно Палчиште
Општина Боговиње
Тип

Археомак 2.0 графички знак (населба).svg населба

Период неолитско време
среден век
Портал „Археологија“  • Проект „Археомак“

Тумба е археолошки локалитет во тетовското село Долно Палчиште[1]. Локалитетот претставува населба од неолитското време и средниот век. Се наоѓа во северниот дел на Полошката Котлина, на 1,5 km западно од патот Тетово-Гостивар. Димензиите на тумбата се 140 х 100 m во основата и височина 3 m над околната рамнина. Земјата е извонредно богата со бујна вегетација поради плодноста и изобилството на вода од многуте поточиња што се слеваат од Шар Планина. Во 1987 година Музејот на Македонија извршил сондажно ископување со кое се констатирани остатоци од повеќеслојна населба. Културниот слој на населбата е 3,50 m, со шест наслојувања од кои првите четири се од неолитското време. Подвижниот археолошки материјал го карактеризира добро познатиот керамички фонд од скопскиот неолитски круг на културната група Анзабегово-Вршник. Тоа се, пред сè пехари со кафеаво сликани вертикални дебели и тенки линии и спирали што алтернираат, црвената и сивата мазнета канелирана керамика и секако жртвениците од типот на Големата Мајка. Неолитскиот слој културно и хронолошки се вклопува во периодизацијата на Анзабегово-вршничката културна група, во фазите II-IV. Последните два слоја се од енеолитското време, на што укажува присуството на шнур-орнаментика со бела инкрустација и керамиката со црвена боја. Поради преорувањата, што се доста длабоки, овие слоеви не се интактни и тешко се следат[2].

Поврзано[уреди | уреди извор]

  • Кале - утврдена населба од доцната антика и средниот век;
  • Дрмник - средновековна црква и некропола.

Наводи[уреди | уреди извор]

  1. Коцо, Димче(1996). „Археолошка карта на Република Македонија“. Скопје: МАНУ. ISBN 9789989101069
  2. Здравковски Д., Саржоски С., Тумба-Палчиште, неолитска, енеолитска и бронзенодобска населба, АП 1987, Љублана 1989