Прејди на содржината

Карлос Вела

Од Википедија — слободната енциклопедија
Карлос Вела
Лични податоци
Полно име Карлос Алберто Вела Гаридо[1]
Роден на 1 март 1989(1989-03-01) (36 г.)
Роден во Канкун, Мексико
Држава Мексико Мексико
Висина 1.78[2]
Позиција напаѓач
Клупски податоци
Сегашен клуб ФК Лос Анџелес ФК Лос Анџелес
Број 10
Младинска кариера
2002–2005 Гвадалахара Гвадалахара
2005–2006 Арсенал Арсенал
Кариера*
Години Клуб Наст. (Гол.)
2005-2012 Арсенал Арсенал 29 (3)
2006-2007 →Селта Селта Виго 0 (0)
2006-2007 →Саламанка Саламанка 31 (8)
2007-2008 →Осасуна Осасуна 33 (3)
2011 →Вест Бромвич Албион Вест Бромвич Албион 8 (2)
2012-2018 Реал Сосиедад Реал Сосиедад 219 (66)
2018-2023 ФК Лос Анџелес ФК Лос Анџелес 152 (78)
2024 ФК Лос Анџелес ФК Лос Анџелес 0 (0)
Репрезентација
2005 Мексико Мексико 17 8 (5)
2007 Мексико Мексико 20 8 (0)
2007–2018 Мексико Мексико 72 (19)

Карлос Алберто Вела Гаридо (роден на 1 март 1989 , во Канкун) — мексикански фудбалер, напаѓач на ФК Лос Анџелес.

Биографија

[уреди | уреди извор]

Карлос Алберто Вела Гаридо е роден на 1 март 1989 година во Канкун, Кинтана Ро, Мексико како дете на Енрике Вела, заварувач на железо од Кампече и Нела Гаридо, мајка-домаќинка од Табаско.[3] Неговиот татко играл полупрофесионален фудбал, но повредата предизвикана од скинати лигаменти го натерала да се пензионира. Токму таткото на Карлос го запишал во локалните фудбалски клубови. Неговиот прв клуб бил Ко Ча Волис,[4] што во превод значи „Шутни ја топката“ на мајански јазик. Тој научил многу и постигнал значителен развој и напредок во текот на времето поминато таму, според Феликс Алкала, неговиот тренер во тоа време.[3]

Во училиште, Вела играл и кошарка и фудбал истовремено, што предизвикало многу проблеми меѓу неговите тренери. Неговиот татко го натерал на 12-годишна возраст да одлучи и да се фокусира само на еден спорт, а Вела го избрал фудбалот. Енрике Вела бил фрустриран од фактот што неговиот син не бил скаутиран поради тоа што живеел во Канкун. Отприлика во исто време, Хосе Луис Реал од младинскиот систем на Гвадалахара испратил извидници во Канкун во 2001 година, на кои Вела им го привлекол вниманието. Тој бил повикан на младински турнир во Буенос Аирес со Гвадалахара како мал пробен период со неплатени трошоци.

Во 2003 година, за време на еден локален натпревар одржан во Сиудад Викторија, Вела бил виден и му биле претставени понуди од локални клубови од Примера Дивисион. Тој на крајот се приклучил за Гвадалахара во 2003 година, иако никогаш не добил повик во првиот тим на клубот, со што не можел да го направи своето професионално деби во Мексико.[3]

Клупска кариера

[уреди | уреди извор]

Гвадалахара

[уреди | уреди извор]

Кариерата на Вела започнала во Гвадалахара, каде играл заедно со неговиот брат Алехандро. Откако го освоил Светското првенство за играчи под 17 години со Мексико, на кое завршил и како најдобар стрелец со пет гола, Хорхе Вергара, сопственикот и претседател на Гвадалахара потпишал договор со него. Бидејќи семејството на Вела живеело тогаш во неодамна погодениот од бура Канкун,, тој побарал од клубот да им помогне на неговите да преселат како услов за неговиот потпис. Вела претходно ја покажал својата голема наклонетост кон својот татко, чиј роденден бил на денот кога Мексико го победил Бразил во финалето на СП У17, носејќи го пехарот на татко му на кого ја посветил и Златната копачка.[5]

По настапот на Светското првенство под 17 години, Вела го привлекол вниманието на неколку европски клубови, за на крајот Арсенал да излезе како победник во трката по него, обезбедувајќи го неговиот потпис во ноември 2005 година за обесштетување од 125.000 фунти, кои би се зголемиле на 550.000 фунти кога тој ќе одигра 50 натпревари за првиот тим.[6] Сепак, поради британските ограничувања за работна дозвола за личности кои не се граѓани на Европската Унија, тој не бил во можност да игра во Англија, па поради тоа, брзо бил испратен на заем во Селта Виго во февруари 2006 од каде се вратил подоцна без да одигра ниту еден натпревар.[7]

Саламанка и Осасуна

[уреди | уреди извор]

По завршувањето на сезоната со Селта, Вела потоа бил испратен на нов заем, овојпат кај Саламанка во шпанската втора лига, до крајот на сезоната 2006–2007.[8] Откако престојот таму се покажал како успешен, постигнувајќи осум гола, и учествувајќи во акциите за многу од 53-те постигнати голови на Саламанка,[9] голем број на клубови, од првата лига, како Леванте, Осасуна и Алмерија покажале интерес да го добијат Вела на заем од Арсенал, каде што тој сè уште не можел да игра бидејќи уште немал добиено работна дозвола.[10]

На крајот била договорена едногодишна позајмица во Осасуна, со опција за продолжување на уште една година, без опција трансферот да премине на трајна основа.[10][11][12] На 31 октомври 2007, тој го постигнал својот прв гол за Осасуна во натпреварот против Реал Бетис, изведба која му донела пофалби од шпанските медиуми.[13]

Враќање во Арсенал и заемот во Вест Бромвич Албион

[уреди | уреди извор]
Вела со Арсенал во сезоната 2008-2009

На 22 мај 2008 година, Вела конечно добил работна дозвола која му овозможила да игра во Англија. Менаџерот на Арсенал, Арсен Венгер, потврдил дека Вела ќе биде вклучен во првиот тим за наредната сезона и дека гледал на играчот како напаѓач од калапот на Едуардо.[14][15] Вела го направил своето деби за Арсенал на 30 август 2008 година, во натпреварот од Премиер лигата против Њукасл Јунајтед, влегувајќи како замена за Робин ван Перси во 63-тата минута.

На 17 септември, тој дебитирал во Лигата на шампионите во натпреварот на гости кај Динамо Киев (1-1), одново заменувајќи го ван Перси на седум минути пред крајот. Дебито во почетната постава го имал на 23 септември 2008, против Шефилд Јунајтед во Лига купот, постигнувајќи хет-трик во натпреварот кој завршил со победа на Арсенал од 6-0, а неговиот втор гол бил изгласан како еден од „најубавите 50 гола“ на Арсенал.[16] Натпреварот останал запомнет и по тоа што настапил најмладиот тим во историјата на Арсенал досега, со просечна возраст од 19 години.[17]

На 8 март 2009 година, во натпреварот петтото коло на ФА Купот против Барнли, Вела го постигнал првиот гол за топџиите во победата од 3–0 погодувајќи ја мрежата откако претходно ја префрлил топката преку голманот на гостите.[18] Својот прв гол во Премиер лигата за Арсенал, го постигнал во победата со 3-0 на гостувањето кај Портсмут на 2 мај 2009 година,[19] станувајќи само вториот мексикански играч кој постигнал гол во Премиер лигата, по Џаред Боргети. Првата сезона во Арсенал ја завршил со 29 настапи и 6 гола во сите натпреварувања.

Вела во акција со Арсенал во 2010 година

Вела го пропуштил претсезонскиот подготовителен период на Арсенал за сезоната 2009–2010 откако доживеал повреда на зглобот поради која бил надвор од терените до септември. Тој се вратил во акција на 22 септември 2009, влегувајќи од клупата за резерви во победата на Арсенал со 2–0 над Вест Бромвич Албион во Лига купот, асистирајќи за првиот и одбележувајќи го вториот гол на топџиите. На 21 ноември, тој го направил својот прв настап за сезоната во Премиер лигата на гостувањето кај Сандерленд, играјќи 21 минута, откако го заменил Едуардо. На 10 декември, Вела го обновил својот договор со Арсенал.[20] На 4 мај 2010 година, Вела го одбележал својот 50-ти натпревар во дресот на Арсенал, во дуелот против Блекбурн Роверс. На 9 мај, тој го постигнал четвртиот гол во победата со 4-0 над Фулам во Премиер лигата.

Сезоната 2010-2011, Вела ја започнал добро постигнувајќи го првиот гол за сезоната во победата со 4-1 на домашен терен над Болтон Вондерерс на 11 септември 2010.[21] Четири дена подоцна, повторно влегувајќи од клупата за резерви, тој посигнал два гола гола, негови први во кариерата во Лигата на шампионите, во победата со 6-0 над португалската екипа Брага.[22] Сепак, како сезоната одминувала тој добивал се помала минутажа, што ги засилило шпекулациите дека наскоро ќе си замине од Арсенал.

На 28 јануари 2011 година, Вела му се приклучил на Вест Бромвич Албион на позајмица до крајот на сезоната 2010-2011. Тој го направил своето деби на 1 февруари 2011 година, во ремито 2–2 против Виган Атлетик, играјќи 58 минути од натпреварот.[23] Тој го постигна својот прв гол за дроздовите во неговиот трет натпревар за клубот, на 20 февруари 2011 година, против локалниот соперник Вулверхемтпон Вондерерс во дербито на црната провинција, влегувајќи од клупата за да го постигне израмнувачкиот погодок во 92-рата минута од натпреварот кој завршил 1-1. До крајот на позајмицата, Вела постигна уште еден гол за Вест Бромвич и пак во последните минути, од натпреварот против Стоук Сити за уште едно реми со резултат 1-1.[24]

Реал Сосиедад

[уреди | уреди извор]
Вела го лобува голманот на Леванте, Густаво Мунуа во 2012

На 15 август 2011 година, Арсенал објави дека Вела ќе биде позајмен на шпанскиот клуб Реал Сосиедад.[25] Договорот бил потврден на 17 август 2011.[26] На 4 декември 2011 година, Вела постигнал гол со удар со ножички, негов втор за сезоната, за да го израмни резултатот во натпреварот против Малага пред соиграчот Диего Ифран да постигне доцен победнички гол за победа на Реал Сосиедад од 3–2. Вела, исто така, го постигнал единствениот гол за Реал Сосиедад во поразот со 2–1 од Барселона, што бил негов трет гол за сезоната.[27]

На почетокот на февруари 2012 година започнале да се појавуваат гласини за иднината на Вела во Арсенал, тврдејќи дека тој самиот дека сака да остане во Шпанија со Реал Сосиедад. Вела е цитиран како вели: „Не сакам да се вратам во Арсенал. Го замолив мојот агент да преговара со Арсенал за да останам тука“.[28] Откако забележал над 30 настапи во сите натпреварувања и постигна 12 гола, во сезоната на заем, Вела направил перманентен трансфер во Реал Сосиедад на 17 јули 2012 година, за необјавена сума.[29] За време на сезоната 2012-2013, играјќи главно како десно крило, Вела успеал дури да ги подобри постигнувањата од претходната сезона постигнувајќи 14 гола на 35 настапи во шпанската Примера Дивисион.

Сезоната 2013-2014, била неговата најдобра во Европа; тој постигнал 16 гола во првенството, вклучително и четирите во победата со 4-3 над Селта Виго на 23 ноември 2013.[30] Тој, исто така, играл и во Лигата на шампионите, каде го постигнал и својот прв гол после три години, во поразот со 2-1 на гости кај Бајер Леверкузен во групната фаза.

На 10 април 2017 година, Вела го одиграл својот 200-ти лигашки натпревар за Реал Сосиедад во победата со 3-1 над Спортинг Хихон, со што станал втор странски играч со најмногу настапи за клубот зад Дарко Ковачевиќ.[31]

На 8 август 2017 година, Реал Сосиедад објавил дека постигнале договор со клубот од МЛС, ФК Лос Анџелес, за трансфер на Вела во САД на почетокот на 2018 година.[32]

На 20 декември 2017 година, Вела го одиграл својот последен натпревар за Реал Сосиедад, постигнувајќи го последниот гол во победата со 3–1 над Севиља.[33]

ФК Лос Анџелес

[уреди | уреди извор]

На 8 август 2017 година, било објавено дека Вела потпишал за Лос Анџелес, со што станал првиот назначен играч на новиот клуб член на МЛС лигата.[34][35] Тој му се приклучил на клубот во јануари 2018. На 4 март 2018 година, Вела го направил своето деби со Лос Анџелес, давајќи асистенција за голот на Диего Роси во победата на тимот со 1–0 над Сиетл Саундерс.[36] На 10 март, Вела го постигнал својот прв гол за Лос Анџелес, последниот во победата со 5–1 над Реал Солт Лејк.[37] На 31 март, Вела станал првиот играч кој постигнал гол во дербито „Ел Трафико“ против ЛА Галакси; ги постигнал првите два гола на натпреварот во драматичниот пораз со 3–4.[38] На 13 април, тој го постигнал првиот гол во победата со 2–0 над Ванкувер Вајткепс.[39] На 26 јули 2018 година, откако било спроведено популарно гласање на Твитер, Вела бил изгласан за капитен на МЛС екипата во пресрет на МЛС Ол-стар натпреварот против Јувентус;[40] со оглед на тоа дека натпреварот бил од ревијален карактер, тој го одиграл само првото полувреме пред да бид заменет при резултат 1–1, што се испоставил и конечен исход од натпреварот во кој МЛС XI загубиле по изведување пенали со 5–3.[41] По заминувањето на капитенот на клубот Лорен Симан, Вела бил избран да го наследи како капитен.[42] На 22 септември 2018, Вела обезбедил две асистенции за соиграчот Вокер Цимерман во победата со 2–0 над Сан Хозе Ертквејкс.[43] На 12 октомври, во првенствениот натпревар против Хјустон Дајнамо, тој бил вклучен во сите голови на неговиот тим во победата од 4–2, бидејќи постигнал два гол и обезбедил две асистенции.[44] Регуларниот дел од сезоната, неговата прва со Лос Анџелес, Вела го завршил со двоцифрен број голови (14) и асистенции (13) помагајќи му на клубот да го освои третото место во Западната конференција и да се пласираат во плејофот на МЛС купот.[45] Сепак, таму биле елиминирани уште во нокаут рундата, откако загубиле на домашен терен од Реал Солт Лејк со 2-3.[46] Во ноември 2018, тој бил избран во Најдобрите XI на МЛС за 2018 година.[47]

Пред почетокот на сезоната 2019, било објавено од шпанскиот весник Mundo Deportivo дека постоел интерес шпанскиот клуб Барселона да го доведе Вела на позајмица,[48] при што самиот тој на крајот открил дека „било навистина блиску“ да се случи.[49] На 30 март 2019 година, Вела го постигнал својот прв хет-трик со Лос Анџелес во победата од 5–0 на гости против Сан Хозе Ертквејкс.[50] Вела ги постигнал двата гола во поразот со 2–3 од градскиот ривал ЛА Галакси на 19 јули; неговиот прв гол бил негов вкупно 20-ти гол во МЛС и тој станал најбрзиот играч во историјата на лигата кој стигнал до таа бројка.[51] Тој бил избран за капитен на тимот што го претставувал МЛС, втора година по ред, во МЛС Ол-стар натпреварот 2019 против Атлетико Мадрид.[52] Со неговиот гол против Атланта Јунајтед на 26 јули, Вела се израмнил со Ерик Торес како мексиканци со најмногу постигнати голови во историјата на МЛС со 36 гола.[53] На 17 август, Вела го постигнал својот 24-ти гол во МЛС 2019 од пенал во победата со 2–0 на гостински терен над Реал Солт Лејк, со што Лос Анџелес обезбедиле место во плејофот. Со овој гол, Вела го срушил рекордот на Себастијан Џовинко од 2015 година за најмногу комбинирани голови и асистенции во една МЛС сезона, стигајќи до 39 (24 гола и 15 асистенции), еден повеќе од Џовинко кој имал учинок од 38 (22 гола и 16 асистенции).[54][55][56] На 25 септември, Вела го постигнал воведниот гол во победата од 3–1 на домашен терен над Хјустон Дајнамо од пенал; победа со која Лос Анџелес го освоиле MLS Supporters' Shield трофејот за првпат во нивната историја.[57] На 29 септември, Вела го постигна својот 31-ви гол за сезоната во МЛС во ремито 1–1 на гости против Минесота Јунајтед, израмнувајќи го рекордот на Хосеф Мартинес за најмногу голови во една сезона во МЛС.[58] Тој го соборил рекордот на Мартинес на 6 октомври, кога постигнал хет-трик во победата од 3–1 на домашен терен над Колорадо Рапидс. Сезоната ја завршил со рекордни 34 гола и 15 асистенции, поставувајќи рекорд од комбинирано вкупно 49 голови+асистенции,[59] што му ја донело и наградата Златна копачка на МЛС за најдобар стрелец во лигата.[60]

Во плејоф, на 24 октомври, Вела постигнал два гола и асистирал еднаш во победата со 5–3 на домашен терен над ЛА Галакси во полуфиналето на Западната конференција.[61] Лос Анџелес бил елиминиран во финалето на Западната конференција, по поразот на домашен терен со 3–1 од Сиетл Саундерс на 29 октомври, во кој влијанието на Вела било силно задушено од противничкиот тим, кој ја држел топката подалеку од него; како таков, тој упатил само еден удар кон голот во текот на целиот натпревар.[62] Вела ја завршил сезоната 2019, добивајќи ја наградата за најкорисен играч во МЛС за неговите настапи,[63] победувајќи со значителна разлика над ривалот од Галакси Златан Ибрахимовиќ и напаѓачот на Атланта Јунајтед, Хосеф Мартинес.[64] Тој, исто така, завршил меѓу првите десет светски стрелци со 38 гола.[65]

Репрезентативна кариера

[уреди | уреди извор]

Млади репрезентации

[уреди | уреди извор]

Вела играл на Светското првенство за играчи под 17 години 2005, одржано во Перу, каде што му помогнал на Мексико да победи. Тој постигнал три гола во групната фаза, еден против Уругвај во победата од 2–0 и два против Австралија во победата од 3-0. Тој, исто така, го постигнал последниот гол на Мексико во победата од 3–1 по продолженија против Костарика во четвртфиналето, и откако стигнал до финалето против Бразил, тој го постигнал првиот гол на Мексико во нивната победа од 3–0. Последователно, тој завршил како најдобар стрелец со пет гола, освојувајќи ја Златната копачка.[5]

Вела бил дел од репрезентацијата на Мексико под 20 години која учествувала на Светското првенство во споменатата возраст.

Сениорска репрезентација

[уреди | уреди извор]

Вела го направил своето деби за сениорската репрезентација на Мексико додека играл на заем во Осасуна, на 12 септември 2007 година, во пријателски натпревар против Бразил, загубен со 3-1.[66] На 18 октомври 2007 година, тој го постигна својот прв репрезентативен гол за Мексико во друг пријателски натпревар против Гватемала во Лос Анџелес.[67] Тој, исто така, постигнал гол и во првиот квалификациски натпревар за репрезентацијата, победата со 2-0 над Белизе во јуни 2008, постигнувајќи уште еден гол против истиот противник два месеци подоцна во победата со 7-0; и двата натпревари биле во склоп на квалификациите за Светското првенство 2010.

Во јули 2009 година, Вела бил повикан да го претставува Мексико на КОНКАКАФ Голд купот 2009. Тој го започнал првиот натпревар на мексиканците против Никарагва, но по пет минути од натпреварот бил фаулиран од противнички играч, по што тој незгодно паднал на десната нога. Сепак, рендгенските снимки покажале дека тој не скршил ништо и дека ќе може да продолжи да игра на турнирот.[68] Мексико се пласирале во полуфиналето против Костарика, и тоа бил натпреварот во кој Вела го направил своето враќање на терен, влегувајќи како замена во 81-вата минута. Натпреварот завршил нерешено 1-1 и отишол во продолженија, па потоа и на пенали, каде откако мексиканскиот голман Гиљермо Очоа му го одбранил пеналот на Фројлан Ледесма, Вела го постигнал петтиот пенал за Мексико и ги однел во финалето. Во финалето против САД, Вела влегол на полувремето на местото на Алберто Медина при резултат 0–0. Во продолжение, мексиканците го "прегазиле" САД со 5-0, а влијанието на Вела било огромно; тој му додал на Џовани дос Сантос, кој бил фаулиран за пенал од кој паднал првиот гол, потоа бил креатор на акцијата за вториот гол, успеал да го постигне третиот и да асистира за четвртиот.[69]

Следното лето, тој бил повикан во составот на Мексико за Светското првенство 2010 во Јужна Африка, неговото прво во кариерата. Во воведниот натпревар на турнирот против домаќинот Јужна Африка, тој започнал како лево крило, и играл до 69-тата минута кога бил заменет од Куаутемок Бланко во ремито 1-1. Во следниот натпревар од групата против Франција, Вела бил заменет од Пабло Барера во 31-вата минута поради повреда и ги пропуштил следните натпревари против Уругвај, како и против Аргентина во осминафиналето, после кој мексиканците биле елиминирани.[70][71]

По период од повеќе од три години (2011-2014) во кои не играл за репрезентацијата, пропуштајќи го и Светското првенство 2014 за кое самиот тој рекол дека „не бил „100 проценти ментално подготвен за да го игра“, Вела конечно го направил своето враќање во мексиканскиот дрес на 12 ноември 2014, постигнувајќи два гола во победата со 3-2 над Холандија во пријателски натпревар одигран во Амстердам.[72]

Потоа, Вела бил повикан да учествува на КОНКАКАФ Голд купот 2015,[73] постигнувајќи гол на воведниот натпревар на тимот против Куба на 9 јули.[74] На 15 јули, Вела го постигнал својот втор гол во натпреварувањето во ремито 4-4 против Тринидад и Тобаго. Во четвртфиналните и полуфиналните натпревари против Костарика и Панама, соодветно, Вела добил два жолти картони, што значело дека ќе го пропушти финалето против Јамајка,[75] во кое мексиканците и без него оствариле победа од 3-1.[76] Тој потоа бил повикан од Рикардо Ферети за КОНКАКАФ купот - плејоф натпревар за да се одреди репрезентација на КОНКАКАФ зоната која ќе ја претставува конфедерацијата на Купот на конфедерации 2017 - против САД, каде што бил неискористена замена во победата на Мексико од 3-2.[77]

Вела постигнувајќи гол од пенал против Јужна Кореја на Светското првенство 2018

Во мај 2017 година, тој бил повикан од Хуан Карлос Осорио во списокот со играчи за учество на Купот на конфедерации во Русија.[78] Започнувајќи како стартер во првиот натпревар на Мексико во групната фаза против Португалија, тој обезбедил асистенција за Хавиер Ернандес кој го постигнал првиот гол во натпревар кој на крајот завршил нерешено 2-2.[79] Во продолжение на турнирот, тој се појавил во игра уште во последниот натпревар од групната фаза против Русија и во натпреварот за третото место, загубен со 2-1 по продолженија од Португалија.[80]

Во јуни 2018 година, Вела бил вклучен во конечниот список со 23 играчи на мексиканската репрезентација за Светското првенство 2018, неговото второ во кариерата.[81] На 23 јуни, во вториот натпревар од групната фаза против Јужна Кореја, тој од пенал го постигнал првиот гол за својата репрезентација во победата од 2-1; тоа, исто така, бил и неговиот прв гол на Светско првенство.[82] Тој ги одиграл сите натпревари од групната фаза како и осминафиналниот пораз од Бразил, со кој завршил патот на Мексико на овој турнир.[83]

Настапот против Бразил во осминафиналето се покажал и негов последен натпревар за репрезентацијата. По селекторската смена во Мексико, заминувањето на Осорио и враќањето на Ферети на кормилото, вториот најавил дека нема повеќе да смета на Вела, а овој изјавил дека ќе ја почитува неговата одлука и им посакал среќа.[84]

Хронологија на репрезентативните настапи

[уреди | уреди извор]
Хронологија на настапи и постигнати голови за националната селекција ― Мексико
Дата Град Домашни Резултат Гости Натпреварување Голови Инфо Детали
12-9-2007БостонМексико Мексико1 – 3Бразил БразилПријателска-влегол во игра 73'
17-10-2007Лос АнџелесМексико Мексико2 – 3Гватемала ГватемалаПријателска1заменет 46'
6-2-2008ХјустонСАД САД2 – 2Мексико МексикоПријателска-заменет 71'
5-6-2008Сан ДиегоМексико Мексико1 – 4Аргентина АргентинаПријателска-
9-6-2008ЧикагоМексико Мексико4 – 0Перу ПеруПријателска1заменет 68'
15-6-2008ХјустонБелиз Белиз0 – 2Мексико МексикоКвал. за СП 20101заменет 77'
22-6-2008МонтерејМексико Мексико7 – 0Белиз БелизКвал. за СП 20101
20-8-2008МексикоМексико Мексико2 – 1Хондурас ХондурасКвал. за СП 2010-заменет 61'
6-9-2008МексикоМексико Мексико3 – 0Јамајка ЈамајкаКвал. за СП 2010-заменет 78'
10-9-2008Тустла ГутиересМексико Мексико2 – 1Канада КанадаКвал. за СП 2010-заменет 78'
11-10-2008КингстонЈамајка Јамајка1 – 0Мексико МексикоКвал. за СП 2010-добил жолт картон во 90-тата минута 90'
15-10-2008ЕдмонтонКанада Канада2 – 2Мексико МексикоКвал. за СП 2010-заменет 67'
19-11-2008Сан Педро СулаХондурас Хондурас3 – 1Мексико МексикоКвал. за СП 2010-влегол во игра 57' Red card 90+1'
1-4-2009Сан Педро СулаХондурас Хондурас3 – 1Мексико МексикоКвал. за СП 2010-добил жолт картон во 87-мата минута 87'
25-6-2009АтлантаМексико Мексико4 – 0Венецуела ВенецуелаПријателска1заменет 62'
29-6-2009Сан ДиегоМексико Мексико0 – 0Гватемала ГватемалаПријателска-влегол во игра 84'
6-7-2009ОуклендМексико Мексико2 – 0Никарагва НикарагваГолд куп 2009 - Прва фаза-заменет 10'
24-7-2009ЧикагоКостарика Костарика1 – 1 прод.
(3–5 пен.)		Мексико МексикоГолд куп 2009 - Полуфинале-влегол во игра 81'
26-7-2009ХарисонСАД САД0 – 5Мексико МексикоГолд куп 2009 - Финале1влегол во игра 46'
12-8-2009МонтерејМексико Мексико2 – 1САД САДКвал. за СП 2010-влегол во игра 65'
10-10-2009МексикоМексико Мексико4 – 1Ел Салвадор Ел СалвадорКвал. за СП 20101
14-10-2009Порт оф СпејнТринидад и Тобаго Тринидад и Тобаго2 – 2Мексико МексикоКвал. за СП 2010-
3-3-2010ПасаденаМексико Мексико2 – 0Нов Зеланд Нов ЗеландПријателска1влегол во игра 46'
16-5-2010МексикоМексико Мексико1 – 0Чиле ЧилеПријателска-влегол во игра 66'
24-5-2010ЛондонАнглија Англија3 – 1Мексико МексикоПријателска-влегол во игра 64'
26-5-2010ФрајбургХоландија Холандија2 – 1Мексико МексикоПријателска-влегол во игра 54'
30-5-2010БајројтГамбија Гамбија1 – 5Мексико МексикоПријателска-заменет 55'
3-6-2010БриселМексико Мексико2 – 1Италија ИталијаПријателска1заменет 82'
11-6-2010ЈоханесбургЈужна Африка Јужна Африка1 – 1Мексико МексикоСП 2010 - Прва фаза-заменет 69'
17-6-2010ПолокванеФранција Франција0 – 2Мексико МексикоСП 2010 - Прва фаза-влегол во игра 69'
11-8-2010МексикоМексико Мексико1 – 1Шпанија ШпанијаПријателска-заменет 57'
4-9-2010ГвадалахараМексико Мексико1 – 2Еквадор ЕквадорПријателска-заменет 64'
7-9-2010МонтерејМексико Мексико1 – 0Колумбија КолумбијаПријателска-влегол во игра 73'
26-3-2011ОуклендМексико Мексико3 – 1Парагвај ПарагвајПријателска-влегол во игра 75'
29-3-2011Сан ДиегоВенецуела Венецуела1 – 1Мексико МексикоПријателска-влегол во игра 46'
12-11-2014АмстердамХоландија Холандија2 – 3Мексико МексикоПријателска2заменет 76'
18-11-2014БорисовБелорусија Белорусија3 – 2Мексико МексикоПријателска-влегол во игра 70'
27-6-2015ОрландоКостарика Костарика2 – 2Мексико МексикоПријателска-заменет 46'
1-7-2015ХјустонМексико Мексико0 – 0Хондурас ХондурасПријателска-заменет 57'
9-7-2015ЧикагоМексико Мексико6 – 0Куба КубаГолд куп 2015 - Прва фаза1заменет 72'
12-7-2015ГлендејлГватемала Гватемала0 – 0Мексико МексикоГолд куп 2015 - Прва фаза-
15-7-2015ШарлотМексико Мексико4 – 4Тринидад и Тобаго Тринидад и ТобагоГолд куп 2015 - Прва фаза1
19-7-2015Ист РатерфордМексико Мексико1 – 0 прод.Костарика КостарикаГолд куп 2015 - Четвртфинале-добил жолт картон во 84-тата минута 84' заменет 86'
22-7-2015АтлантаПанама Панама1 – 2 прод.Мексико МексикоГолд куп 2015 - Полуфинале-добил жолт картон во 3-тата минута 3'
5-9-2015СандиМексико Мексико3 – 3Тринидад и Тобаго Тринидад и ТобагоПријателска-
9-9-2015ДаласМексико Мексико2 – 2Аргентина АргентинаПријателска-влегол во игра 77'
13-10-2015ТолукаМексико Мексико1 – 0Панама ПанамаПријателска1
14-11-2015МексикоМексико Мексико3 – 0Ел Салвадор Ел СалвадорКвал. за СП 20181
12-11-2016КолумбусСАД САД1 – 2Мексико МексикоКвал. за СП 2018-добил жолт картон во 64-тата минута 64' заменет 73'
25-3-2017МексикоМексико Мексико2 – 0Костарика КостарикаКвал. за СП 2018-
29-3-2017Порт оф СпејнТринидад и Тобаго Тринидад и Тобаго0 – 1Мексико МексикоКвал. за СП 2018-влегол во игра 67'
28-5-2017Лос АнџелесМексико Мексико1 – 2Хрватска ХрватскаПријателска-влегол во игра 64'
2-6-2017Ист РатерфордИрска Ирска1 – 3Мексико МексикоПријателска1заменет 68'
8-6-2017МексикоМексико Мексико3 – 0Хондурас ХондурасКвал. за СП 2018-
11-6-2017МексикоМексико Мексико1 – 1САД САДКвал. за СП 20181
18-6-2017КазањПортугалија Португалија2 – 2Мексико МексикоКуп на конф. 2017 - Прва фаза-заменет 57'
24-6-2017КазањМексико Мексико2 – 1Русија РусијаКуп на конф. 2017 - Прва фаза-заменет 46'
2-7-2017МоскваПортугалија Португалија2 – 1 прод.Мексико МексикоКуп на конф. 2017 - натп. за 3. место-
2-9-2017МексикоМексико Мексико1 – 0Панама ПанамаКвал. за СП 2018-заменет 83'
5-9-2017Сан ХосеКостарика Костарика1 – 1Мексико МексикоКвал. за СП 2018-влегол во игра 72'
6-10-2017Сан Луис ПотосиМексико Мексико3 – 1Тринидад и Тобаго Тринидад и ТобагоКвал. за СП 2018-влегол во игра 61'
10-10-2017Сан Педро СулаХондурас Хондурас3 – 2Мексико МексикоКвал. за СП 20181заменет 58'
10-11-2017БриселБелгија Белгија3 – 3Мексико МексикоПријателска-заменет 59'
13-11-2017ГдањскПолска Полска0 – 1Мексико МексикоПријателска-влегол во игра 63'
1-2-2018Сан АнтониоМексико Мексико1 – 0Босна и Херцеговина Босна и ХерцеговинаПријателска-
23-3-2018Санта КлараМексико Мексико3 – 0Исланд ИсландПријателска-влегол во игра 59'
27-3-2018АрлингтонМексико Мексико0 – 1Хрватска ХрватскаПријателска-
3-6-2018МексикоМексико Мексико1 – 0Шкотска ШкотскаПријателска-заменет 63'
17-6-2018МоскваГерманија Германија0 – 1Мексико МексикоСП 2018 - Прва фаза-заменет 58'
23-6-2018Ростов на ДонЈужна Кореја Јужна Кореја1 – 2Мексико МексикоСП 2018 - Прва фаза1заменет 77'
27-6-2018ЕкатеринбургМексико Мексико0 – 3Шведска ШведскаСП 2018 - Прва фаза-
2-7-2018СамараБразил Бразил2 – 0Мексико МексикоСП 2018 - Осминафинале-
Вкупно Настапи 72 Голови 19

Статистика

[уреди | уреди извор]

Клупска статистика

[уреди | уреди извор]

Статистиката е ажурирана на 17 јануари 2025.

Сезона Клуб Првенство Национален куп Континентален куп Останати купови Вкупно
Лига Наст Гол Лига Наст Гол Лига Наст Гол Лига Наст Гол Наст Гол
2006-2007Шпанија СаламанкаСД318КШ10----328
2007-2008Шпанија ОсасунаПД333КШ00----333
2008-2009Англија АрсеналПЛ141ФАКуп+ЛК4+31+4ЛШ80--296
2009-2010ПЛ111ФАКуп+ЛК2+20+1ЛШ50--202
2010-јан. 2011ПЛ41ФАКуп+ЛК1+40ЛШ42--133
Вкупно Арсенал2931661726211
јан.-јун. 2011Англија Вест БромвичПЛ82ФАКуп+ЛК00----82
2011-2012Шпанија Реал СосиедадПД3512КШ20----3712
2012-2013ПД3514КШ20----3714
2013-2014ПД3716КШ72ЛШ8[85]3[86]--5221
2014-2015ПД299КШ11ЛЕ20--3210
2015-2016ПД355КШ10----365
2016-2017ПД359КШ41----3910
јул.-дек. 2017ПД131КШ20ЛЕ20--171
Вкупно Реал Сосиедад2196619412325073
2018САД ФК Лос АнџелесМЛС28+1[87]14+0[87]УСКуп21----3115
2019МЛС31+2[87]34+2[87]УСКуп32----3638
2020МЛС7+1[87]4+0[87]--КЛШ55--139
2021МЛС205------205
2022МЛС32+3[87]12+0[87]УСКуп30----3812
2023МЛС34+4[87]9УСКуп00КЛШ83КЛ+КК1+12+04814
сеп.-дек. 2024МЛС--УСКуп-----КЛ----
Вкупно ФК Лос Анџелес152+1178+2831382218693
Вкупно во кариерата4831624413421322571190

Репрезентативна статистика

[уреди | уреди извор]

Статистиката е ажурирана на 17 јануари 2025.

РепрезентацијаГодинаНастапиГолови
Мексико Мексико 200721
2008113
200993
2010112
201120
2012—
2013—
201422
2015114
201610
2017153
201881
Вкупно7219

Хет-трикови

[уреди | уреди извор]

ФК Лос Анџелес

[уреди | уреди извор]
2022
2019, 2022

Репрезентативни

[уреди | уреди извор]
Мексико под 17 години
2005
Мексико
2009, 2015

Поединечни

[уреди | уреди извор]
  1. ↑ „FIFA U-20 World Cup Canada 2007 – List of Players“ (PDF). FIFA. 5 July 2007. стр. 14. Архивирано од изворникот (PDF) на 31 December 2013.
  2. ↑ „Carlos Vela Profile“. Архивирано од изворникот на 2010-08-05. Посетено на 2012-07-21.
  3. 1 2 3 „La Historia en Verde“. Televisa. 27 June 2010. Архивирано од изворникот на 2023-04-26. Посетено на 1 February 2014.CS1-одржување: бот: непознат статус на изворната URL (link)
  4. ↑ „Vela, una perla mexicana en la Concha“. Liga BBVA. 10 September 2013. Посетено на 1 February 2014.
  5. 1 2 „Ramirez: "I didn't expect such a resounding victory"“. FIFA. 3 October 2005. Архивирано од изворникот на 25 July 2008. Посетено на 3 July 2008. I dedicate my goal tonight, and the trophy, to my father, because it's his birthday this evening.
  6. ↑ Northcroft, Jonathan (28 September 2008). „walter mazzari's generation game“. The Sunday Times. London. Архивирано од изворникот на 2020-01-26. Посетено на 28 September 2008. Contrary to reports that he cost £2.5m, Vela arrived for a £125,000 fee that will rise to £550,000 if he plays 50 first-team games.
  7. ↑ Vela poised for European stage, Fifa.com, via the Wayback Machine, 27 април 2006
  8. ↑ „El mexicano Carlos Vela, a un paso de llegar cedido al Salamanca“ [Mexican Carlos Vela, a step away from being transferred to Salamanca]. Diario Marca (шпански). 5 August 2006. Посетено на 1 August 2009.
  9. ↑ Darren Lewis (2007-07-13). „Jolly good Vela“. The Mirror. Архивирано од изворникот на 2008-07-26. Посетено на 2007-07-20. …setting up around half of their 53 goals last season and scoring eight in 31 appearances himself. Проверете ги датумските вредности во: |date= (help)
  10. 1 2 Fraser, Peter (5 August 2007). „Vela looks forward to loan“. Sky Sports. Посетено на 1 August 2009.
  11. ↑ „Jugará Carlos Vela con el Osasuna“ [Carlos Vela will play for Osasuna]. El Universal (шпански). 19 July 2007. Архивирано од изворникот на 22 August 2009. Посетено на 1 August 2009.
  12. ↑ Symcox, Jonathan (20 July 2007). „Premiership – Wenger denies Anelka interest“. Eurosport. Архивирано од изворникот на 13 August 2007. Посетено на 22 July 2007. Wenger has allowed Mexican teenager Carlos Vela, previously on loan at Celta Vigo and Salamanca, to join Liga club Osasuna on a season-long loan.
  13. ↑ Clark, Richard (16 ноември 2007). „Loan star Vela starts to sparkle in Spain“. Arsenal F.C. Архивирано од изворникот на 25 август 2010. Посетено на 1 август 2009.
  14. ↑ „Mexican striker Vela granted a work permit“. Arsenal F.C. 22 мај 2008. Архивирано од изворникот на 10 јули 2009. Посетено на 22 мај 2008. Arsène Wenger said: "Vela will be involved with the first-team next season. He has played the whole season at Osasuna on the left wing and he had to work hard there. But for me it is not his position, he is a central striker, an Eduardo type.
  15. ↑ Clark, Richard (23 септември 2008). „Wenger – Vela is so cool it makes me smile“. Arsenal F.C. Архивирано од изворникот на 19 април 2009. Посетено на 1 август 2009. Carlos can play central and wide as well. He's an Eduardo basically.
  16. ↑ „GGG29: Carlos Vela v Sheffield United, 2008“. Arsenal F.C. 23 јуни 2009. Архивирано од изворникот на 21 јули 2009. Посетено на 1 август 2009. Vela was at the forefront of the onslaught with a hat-trick on his first start for the Club. All three were fine strikes but his second was really special.
  17. ↑ Harris, Chris (23 September 2008). „Arsenal 6–0 Sheffield United – Match Report“. Arsenal F.C. Посетено на 1 August 2009. Nonetheless, with an average age of 19, this was still the youngest ever side to represent Arsenal.
  18. ↑ Clark, Richard (8 March 2009). „FA Cup: Arsenal 3–0 Burnley – Match Report“. Arsenal F.C. Посетено на 1 August 2009.
  19. ↑ Ornstein, David (2 May 2009). „Portsmouth 0–3 Arsenal“. BBC. Посетено на 16 August 2009.
  20. ↑ „Carlos Vela signs new long-term contract“. Arsenal F.C. 10 December 2011. Архивирано од изворникот на 13 December 2009.
  21. ↑ „Arsenal 4–1 Bolton“. BBC Sport. 11 September 2010. Посетено на 28 September 2010.
  22. ↑ „Arsenal 6 – 0 Braga“. BBC Sport. 15 September 2010. Посетено на 28 September 2010.
  23. ↑ „Arsenal's Vela agrees West Brom loan deal“. 29 January 2011. Посетено на 29 January 2011.
  24. ↑ „Carlos Vela strikes late to salvage point for West Brom“. 20 February 2011. Посетено на 20 February 2011.[мртва врска]
  25. ↑ „Vela Loaned Out“. BBC Sport. 15 August 2011. Посетено на 16 August 2011.
  26. ↑ "Vela: "Lo daré todo por la Real"". Real Sociedad Official Website. Retrieved 17 August 2011.
  27. ↑ „Carlos Vela“. Arsenal F.C. Архивирано од изворникот на 7 December 2011. Посетено на 2 November 2011.
  28. ↑ „Vela: Don't make me go back to Arsenal!“. Daily Mirror. 7 February 2012. Архивирано од изворникот на 10 February 2012. Посетено на 14 February 2012.
  29. ↑ „Arsenal's Vela signs for Sociedad“. BBC Sport.
  30. ↑ „Mexico's Carlos Vela nets four goals in Real Sociedad comeback victory“. Sports Illustrated. 23 November 2013. Архивирано од изворникот на 20 May 2014. Посетено на 23 April 2014.
  31. ↑ „200 Velas para Carlos en Anoeta“ [200 "Candles" for Carlos at Anoeta]. Mundo Deportivo (шпански). 9 April 2017. Посетено на 11 April 2017.
  32. ↑ „Principio de acuerdo para el transpaso de Carlos Vela a la MLS“ [Beginning of agreement for the transfer of Carlos Vela to MLS] (шпански). Real Sociedad. October 2016. Посетено на 8 August 2017.
  33. ↑ „Despedida feliz“ [A happy farewell] (шпански). Real Sociedad. October 2016. Посетено на 21 December 2017.
  34. ↑ Baxter, Kevin (11 August 2017). „Carlos Vela happy – but lonely – as LAFC's first designated player“. Los Angeles Times. Посетено на 5 March 2018.
  35. ↑ Abnos, Alexanders. „Carlos Vela Signs With LAFC as Club's First Designated Player“. Sports Illustrated. Посетено на 16 July 2018.
  36. ↑ „Valley News - Soccer Roundup: Expansion LAFC Wins MLS Debut“.
  37. ↑ Quillen, Ian. „Real Salt Lake 1, Los Angeles Football Club 5 2018 MLS Match Recap“. MLS Soccer. Посетено на 11 July 2018.
  38. ↑ Baxter, Kevin (April 2018). „Zlatan Ibrahimovic scores two late goals to lift Galaxy over LAFC 4–3“. Los Angeles Times. Посетено на 6 July 2018.
  39. ↑ Olsen, Emily. „Vancouver Whitecaps FC 0, LAFC 2 2018 MLS Match Recap“. MLS Soccer. Посетено на 11 July 2018.
  40. ↑ „LAFC forward Carlos Vela voted MLS All-Star captain“. Fox Sports. 26 July 2018. Посетено на 27 July 2018.
  41. ↑ Rodriguez, Alicia. „MLS All-Stars 1 (3), Juventus 1 (5) 2018 MLS All-Star Game Recap“. MLS Soccer. Архивирано од изворникот на 2018-08-25. Посетено на 24 August 2018.
  42. ↑ Poe, Julia (4 September 2018). „Five things from LAFC's 4-2 Toronto win“. ProSoccerUSA.com.[мртва врска]
  43. ↑ „VELA SE LUCE CON ASISTENCIAS EN VICTORIA DE LAFC“. Record. 22 September 2018. Посетено на 24 September 2018.
  44. ↑ „Carlos Vela stars as LAFC beats Houston Dynamo to go second in West“. ESPN. 13 October 2018. Посетено на 15 October 2018.
  45. ↑ „Vela closing in on MLS scoring record after latest stunner“. goal.com. 22 август 2019. Посетено на 15 јануари 2025.
  46. ↑ „Real Salt Lake Ousts LAFC 3-2 to Advance in MLS Cup Playoffs“. Real Salt Lake. 2 ноември 2018. Посетено на 15 јануари 2025.
  47. ↑ „2018 MLS Best XI“. MLS Soccer. 11 November 2018.
  48. ↑ Sans, Gabriel (17 January 2019). „El delantero 'tapado' es Carlos Vela“. Mundo Deportivo.
  49. ↑ Bogert, Tom (27 August 2019). „LAFC's Carlos Vela: I was really close to joining Barcelona on loan“. MLSSoccer.com.
  50. ↑ Quillen, Ian (30 March 2019). „San Jose Earthquakes 0, Los Angeles Football Club 5 | 2019 MLS Match Recap“. MLS Soccer. Посетено на 3 May 2019.
  51. ↑ „PK GOAL: Carlos Vela bags a record-setting 20th goal in 20 games“. MLS. 19 July 2019. Посетено на 19 July 2019.[мртва врска]
  52. ↑ Baxter, Kevin (25 July 2019). „LAFC's Carlos Vela chosen as MLS All-Star team captain“. LA Times.
  53. ↑ „Carlos Vela levels Erick "Cubo" Torres as highest Mexican goalscorer in MLS history“. SB Nation. 26 July 2019. Посетено на 27 July 2019.
  54. ↑ „Carlos Vela, Tyler Miller help LAFC beat Real Salt Lake to clinch playoff berth“. Los Angeles Times. 17 August 2019. Посетено на 25 August 2019.
  55. ↑ Bogert, Tom (18 August 2019). „Real Salt Lake 0, Los Angeles FC 2 – 2019 MLS Match Recap“. mlssoccer.com. Посетено на 25 August 2019.
  56. ↑ Sigal, Jonathan (17 August 2019). „Carlos Vela breaks Giovinco's goals, assists record in MLS“. mlssoccer.com. Посетено на 25 August 2019.
  57. ↑ „Los Angeles FC clinches Supporters' Shield“. USA Today. 26 September 2019. Посетено на 13 October 2019.
  58. ↑ Bogert, Tom (29 September 2019). „Carlos Vela ties Josef Martinez's MLS single-season goals record of 31“. www.mlssoccer.com. Посетено на 13 October 2019.
  59. ↑ Reineking, Jim (6 October 2019). „LAFC's Carlos Vela sets new Major League Soccer single-season goals scored record“. USA Today. Посетено на 13 October 2019.
  60. 1 2 Bogert, Tim (6 October 2019). „LAFC forward Carlos Vela wins 2019 MLS Golden Boot presented by Audi“. Major League Soccer. Посетено на 6 October 2019.
  61. ↑ Dwyer, Alex (25 October 2019). „Carlos Vela, LAFC not satisfied with LA Galaxy triumph: "I want to win MLS"“. MLS Soccer. Посетено на 30 October 2019.
  62. ↑ „Seattle Sounders upset MLS-best Los Angeles FC to earn third trip to MLS Cup in four years“. USA Today. 30 October 2019. Посетено на 30 October 2019.
  63. 1 2 Rodriguez, Alicia (4 November 2019). „Carlos Vela is 2019 Landon Donovan MLS Most Valuable Player“. Major League Soccer. Посетено на 4 November 2019.
  64. ↑ Wallerson, Ryan (4 November 2019). „LAFC's Carlos Vela named MLS MVP for 2019“. Los Angeles Daily News. Посетено на 9 March 2020.
  65. ↑ „Lewandowski finishes 2019 as football's top scorer“. 24 December 2019.
  66. ↑ „Goal.com Profile: Carlos Vela“. Goal.com. 21 July 2008.
  67. ↑ „Los 11 datos que no sabías de Carlos Vela“ (шпански). March 2018. Архивирано од изворникот на 2023-04-04. Посетено на 2025-01-15.
  68. ↑ „Misfortune Hits Vela But Youngster's Spirits High“. Goal.com. 7 July 2009. Архивирано од изворникот на 2021-05-07. Посетено на 1 August 2009. ...initial fears were that he would not be able to participate in the tournament any longer. But x-rays proved negative to a feared fracture and team doctors said the injury was a sprain. Vela may be able to participate in Thursday's game in Houston despite the setback.
  69. ↑ Longman, Jeré (26 July 2009). „Mexico Thumps U.S. to Win Gold Cup“. The New York Times. Посетено на 1 August 2009. Sunday, all of Mexico's goals came during a furiously counterattacking second half. The first four were delivered or facilitated by a pair of 20-year-old forwards, Giovani dos Santos and Carlos Vela.
  70. ↑ Dawkes, Phil (17 June 2010). „France 0–2 Mexico“. BBC Sport. Посетено на 17 June 2010.
  71. ↑ „Carlos Vela a observación por lesión muscular“. ESPNdeportes.com. 18 June 2010. Архивирано од изворникот на 2020-07-27. Посетено на 2025-01-16.
  72. ↑ „Netherlands 2–3 Mexico“. BBC Sport. 12 November 2014. Посетено на 13 November 2014.
  73. ↑ „Plan A de México para la Copa de Oro con Chicharito y Vela“ [Mexico plan A for the Gold Cup with Chicharito and Vela]. Marca (шпански). 13 June 2015. Посетено на 14 December 2019.
  74. ↑ „Peralta nets hat-trick in Mexico's rout of Cuba“. SBS. 10 July 2015.
  75. ↑ „Vela se perdería Final de la Copa Oro“. ESPN Deportes. 22 July 2015.
  76. ↑ „Gold Cup 2015 final: Mexico roll to seventh title with easy win over Jamaica“. The Guardian. 27 July 2015. Посетено на 27 July 2015.
  77. ↑ „Mexico claim CONCACAF's spot at Confederations Cup“. FIFA. 11 October 2015. Архивирано од изворникот на 12 October 2015. Посетено на 28 November 2016.
  78. ↑ Hernández, Israel (12 May 2017). „EXCLUSIVA: Las convocatorias de Osorio para la Confederaciones y Copa Oro“. Marca Claro (шпански).
  79. ↑ „Portugal 2–2 Mexico“. BBC Sport. Посетено на 18 June 2017.
  80. ↑ „Carlos VELA (Confederations Cup)“. FIFA. Архивирано од изворникот на 16 June 2017.
  81. ↑ „Convocatoria de la Selección Nacional de México“. MiSeleccion.mx (шпански). Посетено на 4 June 2018.
  82. ↑ „South Korea vs Mexico, World Cup 2018: Carlos Vela and Javier Hernández strike to strengthen grip on Group F“. The Independent. 23 June 2018. Посетено на 25 June 2018.
  83. ↑ „Carlos VELA (World Cup)“. FIFA. Архивирано од изворникот на 23 June 2018.
  84. ↑ López, Jonathan Dilan (3 September 2018). „El mensaje de Carlos Vela tras quedar fuera de la lista del Tuca“. Us.as.com. Архивирано од изворникот на 2021-11-29. Посетено на 2025-01-17.
  85. ↑ 2 настапи во плејофот за Лигата на шампионите
  86. ↑ 2 гола во плејофот за Лигата на шампионите
  87. 1 2 3 4 5 6 7 8 9 Регуларна сезона+Плејоф.

Надворешни врски

[уреди | уреди извор]
Преземено од „https://mk.wikipedia.org/w/index.php?title=Карлос_Вела&oldid=5489127“