Градешница (река)

Од Википедија — слободната енциклопедија
Прејди на прегледникот Прејди на пребарувањето
Градешница
Местоположба
МестоПетричко, Пиринска Македонија
Физички особености
Извор 
 • местоБилска Чука, Огражден
 • координати41°30′26″ N; 23°00′40″ E / 41.5071° СГШ; 23.0110° ИГД / 41.5071; 23.0110
 • надм. вис.1.550 м
Устие 
 • местоположба
р. Струмица кај с. Струмешница, Општина Петрич
 • координати
41°23′34″ N; 23°03′15″ E / 41.3928° СГШ; 23.0542° ИГД / 41.3928; 23.0542Координати: 41°23′34″ N; 23°03′15″ E / 41.3928° СГШ; 23.0542° ИГД / 41.3928; 23.0542
 • надморска височина
170 м
Должина13,5 км
Големина на сливот62 км2
Проток 
 • просечен0,375 м3
Особености на сливот
ТечениеСтрумицаСтрумаЕгејско Море

Градешницарека во Петричко, Пиринска Македонија, лева притока на Струмица. Долга е околу 13,5 км. Ги одводнува јужните делови на планината Огражден.

Реката извира од источното подножје на врвот Билска Чука на Огражден, близу границата со Р. Македонија, на надморска височина од 1.550 м. Почнува под името Билски Дол, а завршува влевајќи се во Струмица кај петричкото село Струмешница, каде образува наносен конус.

Најголемата (лева) притока на Градешница е Баскалска (Ливадска) Река, која извира од месноста Хаџиица западно од Муратов Врв. Други притоки се Доленска Река (лева) и Чуриловска Река (десна). Сливот зафаќа површина од 62 км2, а средната надморска височина му изнесува 670 м. Реката претежно се напојува од дождови; најполноводна е во зима и напролет, а најслабоводна во лето и наесен. Средниот годишен истек во устието изнесува 0,375 м3. Речната долина е длабоко врежана во метаморфни карпи — претежно со гнајсеви и амфиболити. Падините се стрмни, наместа обраснати со бука и даб, а на други места делумно покриени со бор. Обесшумените падини над реката се подложени на силна ерозија.

Во сливот на Градешница се наоѓаат селата Робово (Волно), Баскалци, Кукурахцево, Чурилово, Зојчене, Гега, Горчево, Долени, Масли Чифлик (Кладенци) и Струмешница.[1]

Поврзано[уреди | уреди извор]

Наводи[уреди | уреди извор]

  1. Енциклопедия „Пирински край“, том I. Благоевград: Редакция „Енциклопедия“. 1995. стр. 235. ISBN 954-90006-103 Проверете ја вредноста |isbn=: length (help).