Георги Прванов
| Георги Прванов Георги Първанов | |
|---|---|
 | |
| Прванов во 2008 | |
| 3. претседател на Бугарија | |
| На должноста 22 јануари 2002 – 22 јануари 2012 | |
| Премиер | Симеон Сакскобургготски Сергеј Станишев Бојко Борисов |
| Потпретседател | Ангел Марин |
| Претходник | Петар Стојанов |
| Наследник | Росен Плевнелиев |
| Лични податоци | |
| Роден(а) | 28 јуни 1957 Сириштник, Бугарија |
| Партија | Алтернатива за бугарска преродба (2014) |
| Други припадности | БКП (1981–1990) БСП (1990–2002; 2012–2014) независен (2002–2012) |
| Сопружник |
Зорка Прванова (в. 1983) |
| Деца | Владимир, Ивајло |
| Установа | Софиски универзитет |
| Награди | Орден на Јужниот крст |
| Потпис |  |
Георги Седефчов Прванов (бугарски: Георги Седефчов Първанов) е политичар од Бугарија и претседател на Република Бугарија, избран е на 18 ноември 2001 г. Пред тоа бил претседател на Бугарската социјалистичка партија.
Прванов е роден во селото Сириштник, Перничко на 28 јуни 1957 . Пораснал во соседното село Косача. Георги Прванов е оженет и има два сина. (2005 г.)
Образование и квалификации
[уреди | уреди извор]Во 1975 Прванов завршил математичката гимназија во Перник. Во 1981 г. дипломирал на Историскиот факултет на СУ „Св. Климент Охридски“ - Софија. Во 1988 г. докторирал во областа на историјата со тема „Димитар Благоев и бугарскиот национален проблем 1879-1917“.
Научна кариера
[уреди | уреди извор]Во 1981 г. се вработува во Институтот за историја на БКП како научен соработник. Од 1989 година е виш научен соработник. Во периодот 1992 — 1996 е директор на Центарот за историски и политиколошки истражувања кон Вишиот Совет на БСП.
Политичка кариера
[уреди | уреди извор]Член е на БСП од 1981 до 2001 г. На 41-от конгрес на БСП (3-6 јуни 1994 г.) е избран за заменик-претседател на ВС на БСП. На 42-от вонреден конгрес на БСП (21-23 декември 1996 г.) е избран за претседател на ВС на БСП. На 43-от (1 и 2 мај 1998г.) и на 44-от конгрес на БСП (6 и 7 мај 2000г.) е реизбран за претседател на ВС на БСП.
Народен пратеник е во 37-то Народно собрание (1994-1997 г.), 38-то Народно собрание (1997-2001 г.) и 39-то Народно собрание. Претседател е на парламентарната група за соработка со Грција и член е на парламентарната Комисија за радио и телевизија (1994-1997 г.), претседател на Парламентарната група на Демократската левица (1997-2001 г.) и на Парламентарната група на Коалицијата за Бугарија во 39-то Народно собрание.
Избран е за претседател на Република Бугарија на изборите во ноември 2001 г. Стапува на должност на 22 јануари 2002 г.
Се сметаа, дека владината коалиција БСП-НДСВ-ДПС, која што е на власт во Бугарија по парламентарните избори во 2005 г., е не само поткрепена, но и создадена од него.
Бил таен соработник на Државна сигурност во сектор РИК (Разузнаване "История и култура") пред 1990 година. Работел по “македонското прашање” под името “Гоце” како уредник на книгата “Габерот” од Методи Димов, емигрант од Македонија, соработник на бугарските агенти.
Извори
[уреди | уреди извор]- Биографија на Георги Прванов од мрежното место на претседателот на Р. Бугарија (на бугарски јазик). (архив март 2005 на archive.org)
- Архивирано на 29 септември 2007 г. “Гоце” беше секретен сътрудник
|