Индиски потконтинент

Од Википедија — слободната енциклопедија
Прејди на: содржини, барај
Индиски потконтинент
Карта на индискиот потконтинент
Површина 4,4 милиони км2
Население ~1,6 милијарди

Индискиот потконтинент (или јужноазиски потконтинент) е регион во Азија сместен на индиската тектонска плоча од Хиндукуш (Хималаи) и ги опфаќа венците Кунлун и Каракорум, образувајќи копнена површина што се протега сè до Индискиот Океан. Напати се користи како синоним за јужна Азија.

Опфат[уреди]

Што сè влегува во индискиот потконтинент не е строго утврдено. Историски, ова е територијата на Голема Индија, која денес ги опфаќа земјите Индија, Пакистан и Бангладеш; пред 1947 биле дел од британска Индија. Во оваа дефиниција спаѓаат и Непал, Бутан и островската земја Шри Ланка, а понекогаш и Авганистан и Малдивите.

Регионот може да ја опфаќа и спорната територија Аксај Чин (дел од некогашното вазално кнежевство Џаму и Кашмир), денес во состав на кинескиот автономен регион Сјинџанг.[1] Кога се користи поимот „индиски потконтинент“ подразбирајќи ја јужна Азија, понекогаш се изземаат Шри Ланка и Малдивите како острови, а се вбројуваат Тибет и Непал[2] (или и тие се изземаат[3] intermittently, зависно од контекстот).

Географија[уреди]

Географски, индискиот потконтинент е полуостровски регион во јужна и средна азија, во облик на баклава ограничена со Хималаите на север, Хиндукуш на запад и Чинските Ридови (Аракански Планини) на исток, а на се протега до Индискиот Океан, до граничното подрачје со Арапското Море на југозапад и Бенгалскиот Залив на југоисток. Сметајќи ги сите седум земји, потконтинентот зафаќа површина од 4,4 милиони км², што претставува 10% од површината на Азија и 2,4% од целиот свет. На него живеат 34% од населението на Азија (16,5% од светското население) со најразлични народи и култури.

Геологија[уреди]

Најголемиот дел од регионот лежи на своја тектонска плоча наречена индиска плоча и е одделен од останатиот дел од Азија со планини.[4][5] Пред 250 милиони години индискиот потконтинент бил составен дел од суперконтинентот Пангеја. Во периодот Креда (пред 90 милиони години) се одделил од Гондвана, а потоа се поместил на север, судирајќи се со евроазиската плоча и така создавајќи ги Хималаите и Тибетската Висорамнина. Потконтинеотот продолжува да се движи кон севрозапад по 5 см годишно, со што Хималаите постепено растат во височина.

Поврзано[уреди]

Наводи[уреди]

  1. Dale Hoiberg and Indu Ramchandani, Students' Britannica India (том 1‎), стр. 45, Popular Prakashan, 2000, ISBN 9780852297605
  2. Harle, James C. (1994). „The art and architecture of the Indian subcontinent“. Yale University Press. стр. 214. ISBN 0300062176. 
  3. Hackin, Joseph; Couchoud, Paul Louis (1996). „The Mythologies of the East: Indian Subcontinent, Middle East, Nepal and Tibet, Indo-China and Java“. Aryan Books International. стр. 1. ISBN 817305018X. 
  4. Азија > Геологија и географија. The Columbia Electronic Encyclopedia, VI изд. Columbia University Press, 2003
  5. Азија > Геолошка историја - Тектонски рамки. Encyclopædia Britannica 2009