Прејди на содржината

Raye

Од Википедија — слободната енциклопедија
Raye
Raye на настап во 2023
Животописни податоци
Родено имеРејчел Агата Кин
Роден(а)24 октомври 1997(1997-10-24) (27 г.)
Тутинг, Лондон, Англија
Жанрови
Занимања
  • Пејачка
  • текстописец
  • музички продуцент
Инструменти
  • Глас
  • клавијатури
Период на активност2014–денес
Издавачи
Соработници
Мреж. местоrayeofficial.com
Raye на настап во 2023

Рејчел Агата Кин [2] (англ. Rachel Agatha Keen; родена на 24 октомври 1997 во Лондон), професионално позната како Raye ― англиска пејачка, текстописец и раперка.[3] Станала позната по нејзините соработки во песните „By Your Side“ со Џонас Блу, „You Don't Know Me“ со Џекс Џонс, „Secrets“ со Regard и „Bed“ со Џоел Кори и Дејвид Гета. Исто така, привлекла внимание од медиумите по нејзиното заминување од Polydor Records, откако издавачката куќа наводно одбила да го издаде нејзиниот прв албум.[4][5]

Во февруари 2023 година, го издала нејзиниот прв студиски албум, My 21st Century Blues, и добила позитивни критики. За албумот, во 2024 година освоила шест Британски музички награди меѓу кои и награда за „Британски албум на годината“. Синглот од албумот, „Escapism“, станал вирален на TikTok и била нејзина прва песна која се искачила на прво место на британската топ-листа за синглови и прва нејзина песна која се пласирала на Billboard Hot 100.

Raye напишала песни и за други изведувачи, како: Бијонсе, Little Mix, Давид Гета, Џон Леџенд и Ели Голдинг.

Живот и кариера

[уреди | уреди извор]

Рејчел Агата Кин била родена на 24 октомври 1997 година[6] во лондонската населба Тутинг.[7] Нејзината мајка е Швајцарка по потекло од Гана, а татко ѝ е Англичанец. Како дете присуствувала и пеела госпел-песни во црквата во која татко ѝ бил музички директор, а мајка ѝ пеела во хорот. [8] Подоцна, се преселила во Кројдон, каде посетувала средно училиште и го посетувала училиштето БРИТ. [9] Кин, во студиски сесии за време на викендите во своите тинејџерски години учела како професионално да пишува песни.[10]

2014–2019: Почетоци на кариерата и пробив

[уреди | уреди извор]

Во декември 2014 година Raye го објавила нејзиното прво EP, Welcome to the Winter. [11] Raye ги објавила песните „Flowers“ и „Alien“ во февруари и април 2015 година, соодветно, а втората била соработка со лондонскиот рапер Авелино.[12] [13]

Во август 2016 година, Raye го издала својот втор EP, Second.[14] Raye пеела во песната на Џонас Блу „By Your Side“ која била објавена во октомври 2016 година и се искачила на 15-то место на UK Singles Chart. Таа, исто така, се појавила на синглот на Џекс Џонс „You Don't Know Me“ во декември 2016 година. Песната, ко-напишана од самата Raye, се искачиla на третото место на топ-листата за синглови во Обединетото Кралство и е сертифицирана како двојно платинеста од страна на BPI.

Во февруари 2018 година, Raye ја издала песната насловена како „Cigarette“ (со Мејбел и Стефлон Дон). Песната се искачила на 41-то место на топ-листата за синглови во Обединетото Кралство. Во мај 2018 година, Raye го објавила својот трет EP насловен како Side Tape.[15] Во октомври 2018 година, Raye ја започнала својата турнеја, и посетила низа градови низ ОК и Ирска.[16]

Raye соработувала со Дејвид Гета за синглот „Stay (Don't Go Away)“, објавен во мај 2019 година и се искачил на 41-то место на топ-листата за синглови во Велика Британија. Било објавено дека Raye е ко-текстописец на песната „Bigger“ од американската пејачка Бијонсе, која била вклучена на саундтрак албумот The Lion King: The Gift, објавен во јули 2019 година.

2020–2021: Заминување од Полидор

[уреди | уреди извор]

Нејзината соработката со диџејот Regard во песната под наслов „Secrets“ била објавена во април 2020 година.[17] Песната се искачила на шесто место на топ-листата за синглови во Обединетото Кралство и на прво место на денс листата во Велика Британија.[18] [19] Песната, исто така, се нашла меѓу првите десет во Ирска и Шкотска, како и на американската листа за денс/електронски песни од Билборд. „Secrets“ се нашла на топ листите во многу други земји како Холандија, Франција и Германија.

Во ноември 2020 година, Raye го издала мини-албумот Euphoric Sad Songs, во кој биле вклучени и некои претходни песни „Love Me Again“, „Please Don't Touch“, „Secrets“ и „Natalie Don't“ како и новите песни „Love of Your Life“ и „Regardless“ (со Rudimental). [20] Последната песна се нашла на топ 40 во Обединетото Кралство, како и на листата за денс/електронски песни во САД.[21] [22]

Песната „Bed “во соработка со Џоел Кори и Давид Гета, била објавена во февруари 2021 година.[23] Во јуни 2021, Raye открила дека нејзината издавачка куќа, Polydor Records, неколку години го одложува нејзиниот прв студиски албум [24] и во јули 2021 година објавила дека се разделила со Polydor и дека ќе работи како независен уметник.[25]

2022–денес: Прв студиски албум и меѓународен успех

[уреди | уреди извор]

Во јуни 2022 година, Raye ја издала песната „Hard Out Here“, нејзино прво издание како независен уметник.[26] Втората песна, „Black Mascara“, била објавена во август 2022 година [27] по која во октомври 2022 година следувале песните „Escapism“ (со 070 Shake) и „The Thrill is Gone“. [28] Сите тие песни се нашле на првиот студиски албум од Raye, My 21st Century Blues, кој бил објавен во февруари 2023 година. Песната „Escapism“ се пласирала во првите десет на UK Singles Chart, а во првата недела од 2023 година се искачила на прво место.[29] Во Соединетите Американски Држави, „Escapism“ станала прва песна на Raye која се пласирала на топ-листата Billboard Hot 100.[30]

Во јануари 2023 година, Raye била воведен изведувач на турнејата од Луис Капалди, Broken by Desire to Be Heavenly Sent. Во април 2023 година настапила на фестивалот Гластонбери. Во октомври 2023 година, Raye го издала My 21st Century Symphony, изведба во живо на песните од нејзиниот прв албум снимен во Ројал Алберт хол со Heritage Orchestra и со Flames Collective, госпел-хор со 30 члена.[31]

Во март 2024 година, Raye извела микс од неколку нејзини хитови на Британските музички награди, каде што освоила шест награди од седумте номинации, вклучително и за „Музичар на годината“, при што го соборила рекордот за најмногу награди доделени на музичар во една вечер во историјата на BRIT наградите.[32] Таа била котекстописец на песната „Riiverdance“ од Бијонсе.[33]

Raye била најавена како воведен изведувач за Тејлор Свифт на последниот концерт од The Eras Tour на стадионот Вембли.[34] На 13 септември Raye го издала нејзиниот втор албум во живо, „Live at Montreux Jazz Festival“.[35] Raye била номинирана за нејзините први Греми награди во ноември 2024 година: за најдобар нов изведувач и за некласичен текстописец на годината.[36]

Уметност

[уреди | уреди извор]

Raye во детството била под влијание на R&B, нео-соул,[37] и инди рок-групи како Alt-J и Bombay Bicycle Club.[38] Рекла дека се восхитува на Бијонсе,[39] Адел, Лејди Гага,[40] Ела Фицџералд и Нина Симон.[41]

Дискографија

[уреди | уреди извор]
  • My 21st Century Blues (2023)

Наводи

[уреди | уреди извор]
  1. ↑ Martin, Liam. „Raye Biography“. AllMusic. Архивирано од изворникот 11 December 2020. Посетено на 26 January 2021.
  2. ↑ Levine, Nick (5 July 2022). „RAYE: "I became a 'rent-a-verse'. People knew my songs, but they didn't know me"“. NME. Архивирано од изворникот на 12 January 2023. Посетено на 12 January 2023.
  3. ↑ Krol, Charlotte (2023-02-01). „RAYE speaks out on past "dangerous" drug use“. NME (англиски). Архивирано од изворникот на 8 February 2023. Посетено на 2023-02-08.
  4. ↑ „Raye and Polydor split after claims record label wouldn't release debut album“. 20 July 2021. Архивирано од изворникот на 28 January 2024. Посетено на 28 January 2024.
  5. ↑ Clarke, Patrick (30 June 2021). „Polydor records respond after RAYE says she hasn't "been allowed" to release her debut album“. NME. Архивирано од изворникот на 27 November 2023. Посетено на 28 January 2024.
  6. ↑ Raye [@raye] (24 October 2022). „Today is my 25th birthday ...“ (Tweet). Посетено на 8 October 2023 – преку Twitter.
  7. ↑ „RAYE“. Simonjonespr.com. Архивирано од изворникот на 28 May 2016. Посетено на 12 January 2023.
  8. ↑ „Raye: 'My drug use got pretty deep and really dangerous'“. BBC News (англиски). 2023-02-01. Архивирано од изворникот на 7 February 2023. Посетено на 2023-02-08.
  9. ↑ Savage, Mark (4 January 2017). „BBC Sound of 2017: Raye interview“. BBC News. Архивирано од изворникот на 24 March 2022. Посетено на 18 July 2020.
  10. ↑ Cliff, Aimee. „RAYE is going to be a star on her own terms“. The Fader. Архивирано од изворникот на 13 January 2023. Посетено на 13 January 2023.
  11. ↑ „Raye (3) - Welcome To The Winter“. Discogs.com. Архивирано од изворникот на 29 December 2019. Посетено на 18 July 2020.
  12. ↑ „Raye (3) - Flowers“. Discogs.com. Архивирано од изворникот на 29 December 2019. Посетено на 18 July 2020.
  13. ↑ „Raye (3) - Alien“. Discogs.com. Архивирано од изворникот на 29 December 2019. Посетено на 18 July 2020.
  14. ↑ „Second - EP by RAYE“. Music.apple.com. Архивирано од изворникот на 24 March 2022. Посетено на 18 July 2020.
  15. ↑ „Side Tape - EP by RAYE“. Music.apple.com (англиски). Архивирано од изворникот на 24 March 2022. Посетено на 2020-07-12.
  16. ↑ „RAYE ANNOUNCES DEBUT UK HEADLINE TOUR FOR AUTUMN 2018“. Gigs and Tours (англиски). Архивирано од изворникот на 4 December 2022. Посетено на 2018-07-18.
  17. ↑ „Secrets - Single by Regard & RAYE“. Music.apple.com. Архивирано од изворникот на 4 December 2021. Посетено на 18 July 2020.
  18. ↑ „Official Singles Chart Top 100 | Official Charts Company“. Officialcharts.com (англиски). Архивирано од изворникот на 4 July 2020. Посетено на 2020-06-12.
  19. ↑ „Official Dance Singles Chart Top 40 | Official Charts Company“. Officialcharts.com (англиски). Архивирано од изворникот на 5 July 2020. Посетено на 2020-06-12.
  20. ↑ Savage, Mark (2020-07-15). „How updating Dolly Parton helped Raye find her voice“. BBC News (англиски). Архивирано од изворникот на 17 July 2020. Посетено на 2020-07-16.
  21. ↑ „Raye Shares New Disco Anthem "Love of Your Life"“. The Line of Best Fit. 6 November 2020. Архивирано од изворникот на 25 November 2021. Посетено на 19 March 2021.
  22. ↑ „Raye Releases The Stunning Video To "Love of Your Life"“. Press Party. 12 November 2020. Архивирано од изворникот на 18 November 2020. Посетено на 19 March 2021.
  23. ↑ „iTunes - Music - BED - Single by Joel Corry, RAYE & David Guetta“. iTunes Store. Архивирано од изворникот на 24 March 2022. Посетено на 19 February 2021.
  24. ↑ „'Tears and pain' as Polydor holds Raye debut album“. BBC News (англиски). 2021-06-30. Архивирано од изворникот на 24 March 2022. Посетено на 2021-06-30.
  25. ↑ Предлошка:Cite instagram
  26. ↑ Magnocavallo, Fabio (2022-07-01). „RAYE - Hard Out Here“. EUPHORIA. (англиски). Архивирано од изворникот на 26 August 2022. Посетено на 2022-08-26.
  27. ↑ „RAYE unveils new single "Black Mascara"“. The Line of Best Fit (англиски). Архивирано од изворникот на 26 August 2022. Посетено на 2022-08-26.
  28. ↑ „RAYE delivers new tracks "Escapism." featuring 070 Shake and "The Thrill Is Gone."“. The Line of Best Fit (англиски). Архивирано од изворникот на 13 October 2022. Посетено на 2022-10-13.
  29. ↑ „RAYE celebrates her first-ever Top 10 single as a solo artist with Escapism.: "It's such a blessing"“. Official Charts Company (англиски). 2022-12-02. Архивирано од изворникот на 5 December 2022. Посетено на 2022-12-02.
  30. ↑ Празен навод (help)
  31. ↑ Празен навод (help)
  32. ↑ „Raye: Singer-songwriter makes history winning six Brit Awards“. BBC. 3 March 2024. Архивирано од изворникот на 3 March 2024. Посетено на 3 March 2024.
  33. ↑ Празен навод (help)
  34. ↑ „Taylor Swift Adds 5 Opening Acts to London Eras Tour Dates: 'Love Their Music'“. People (англиски). Архивирано од изворникот на 5 August 2024. Посетено на 5 August 2024.
  35. ↑ „RAYE releases "Live at Montreux" album!“. Montreux Jazz Festival. 12 September 2024. Посетено на 13 October 2024.
  36. ↑ Mamo, Heran (8 November 2024). „RAYE Shares Her 2025 'Grammy Nominated Tears' After Earning First Three Nods“. Billboard. Посетено на 9 November 2024.
  37. ↑ Mezzi, Cecilia. „Dance-Pop Singer RAYE on Gospel Inspirations, New Releases and Ending Girl Hate“. Phoenix Magazine. Архивирано од изворникот на 12 January 2023. Посетено на 12 January 2023.
  38. ↑ „Raye of Light: Raye“. Notion. 12 April 2019. Архивирано од изворникот на 12 January 2023. Посетено на 12 January 2023.
  39. ↑ „'Radio City Hits Live artist RAYE opens up about working with Beyoncé on The Lion King'“. Planet radio. 30 September 2019. Архивирано од изворникот на 4 March 2024. Посетено на 4 March 2024.
  40. ↑ „'RAYE Shares Exclusive BTS Look at 'Hard Out Here'“. Paper magazine. 1 July 2022. Архивирано од изворникот на 3 March 2023. Посетено на 11 February 2023.
  41. ↑ Beaumont-Thomas, Ben (12 June 2020). „Raye's lockdown listening: 'Nina Simone tears your skin and burns your eardrums'“. The Guardian. Архивирано од изворникот на 12 January 2023. Посетено на 12 January 2023.

Надворешни врски

[уреди | уреди извор]
Нормативна контрола
Преземено од „https://mk.wikipedia.org/w/index.php?title=Raye&oldid=5294555“