Балкански смок

Балкански смок
Заштитен статус
	; Незагрозен (МСЗП 3.1)
Научна класификација
Царство:	Животни
Колено:	Хордови
Класа:	Влекачи
Ред:	Лушпари
Подред:	Змии
Семејство:	Смокови
Потсемејство:	Смокови
Род:	Хиерофис
Вид:	Балкански смок
Научен назив
	Hierophis gemonensis; (Laurenti, 1768)
Синоними
	Coluber gemonensis Laurenti, 1768

Балкански смок (науч. Hierophis gemonensis, порано: Coluber gemonensis) — вид змија од семејството на смокови (Colubridae).

Живеалиште[уреди | уреди извор]

Овој смок се среќава во Македонија^[1], Албанија, Босна и Херцеговина, Грција, Италија, Кипар, Словенија, Србија, Хрватска и Црна Гора.

Природно живее во честак, на пасишта, во насади и селски бавчи.

Дистрибутивниот ареал на видот е ограничен на источниот крајбрежен појас на Јадранско Море. На планината Галичица, видот продрел најисточно и најдлабоко на копното, во рамките на целиот негов дистрибутивен ареал. Балканскиот смок се среќава на суви каменести места, отворени шумски подрачја, подрачја со жбунеста вегетација, покрај патишта. Оваа змија е дневен и терестричен вид, иако понегокаш се качува по грмушки. Жестоко каса кога ќе се фати со рака. На територијата на Национален парк Галичица, балканскиот смок е неодамна регистриран во дабовиот појас во близина на Отешево и Лескоец, од авторот на овој извештај (непублицирани податоци). Во рамките на теренските истражувања, присуството на балканскиот смок е потврдено на истите локалитети. ^[2]

Заштитен статус[уреди | уреди извор]

Балканскиот смок некогаш бил многу распространет, но денес му се заканува губиток на живеалиштето.

Од Европските документи видот е заштитен согласно Бернска Конвенција (BERN): Конвенција за заштита на европскиот див свет и природните живеалишта. Апендикс II: Строго заштитени фаунистички видови.^[3]