Белоушка

Од Википедија — слободната енциклопедија
Белоушка
Научна класификација
Царство: Животни
Колено: Хордови
Потколено: ’Рбетници
Класа: Влекачи
Ред: Лушпари
Подред: Змии
Семејство: Смокови
Потсемејство: Барски змии
Род: Барски змии
Вид: Белоушка
Научен назив
Natrix natrix
(Linnaeus, 1758)
Синоними
  • Coluber natrix Linnaeus, 1758
  • Natrix vulgaris Laurenti, 1768
  • Tropidonotus natrix - F. Boie, 1827
  • Natrix natrix - Stejneger, 1907

Белоушка или „барска змија“ (науч. Natrix natrix) — змија од потсемејството на барските змии (Natricinae) во состав на семејството смокови (Colubridae). Овој вид на змија не е отровен. Присутна е во Македонија.

Опис[уреди | уреди извор]

Зад главата од двете страни има бело-жолти дамки во полумесечеста форма. Бојата на телото варира, но најчесто е сива со мали црни дамки, додека на долниот дел е бел и исто така е прекриен со црни дамки. Исто така, постои и целосно црн вид.

Максималната должина може да изнесува од 2-3 метри, но најчесто растат од 1-1,5 метри.

Исхрана[уреди | уреди извор]

Се хранат со мали риби, жаби, додека со глувци и помали птици се хранат откако најпрво ќе ги задават. Кога лови се прикрадува и набрзина го фаќа својот плен.

Размножување[уреди | уреди извор]

Женките во лето положуваат јајца на топло и влажно место. За таа цел може да послужи депонијата на зеленчук во фаза на распаѓање, бидејќи распаѓањето формира топлина која е потребна за развој на потомството. Јајцата се обвиткани со мека мембрана, и често меѓусебно се залепени заедно. Постои верување дека јајцата имаат чудотворни својства, и се нарекуваат петлови јајца.

Распространетост[уреди | уреди извор]

Белоушката е една од најраспространетите змии во Европа, исто така може да се сретне и во западна Азија и северна Африка. Живее во мирни и слатки барски води, а поретко може да се види и во човечки населби. Се брани од луѓето така што се свиткува во куп и напаѓа со заби или со изметот.

Подвидови[уреди | уреди извор]

  • N. n. cetti
  • N. n. helvetica
  • N. n. natrix
  • N. n. persa
  • N. n. schweizeri

Поврзано[уреди | уреди извор]

Наводи[уреди | уреди извор]

  1. European Reptile & Amphibian Specialist Group (1996). Natrix natrix. IUCN Red List. Version 2012.1. International Union for Conservation of Nature. Посетено на 16 август 2012.