2Cellos

Од Википедија — слободната енциклопедија
Прејди на прегледникот Прејди на пребарувањето
2Cellos
Биографски податоци
Жанровирок, поп, класична музика
Инструментивиолончело
Период на активност2011 -
ИздавачиСони Мастерворкс
Мреж. место[1]

2Cellos (изговор: ту челос) е хрватско инструментално дуо составено од виолончелистите Лука Шулиќ и Стјепан Хаузер.

Почетоци[уреди | уреди извор]

Лука Шулиќ и Стјепан Хаузер се запознале во своите тинејџерски години како ученици на Загребската музичка академија. Шулиќ подоцна ги продолжува своите студии на лондонската Кралска музичка академија (англиски: Royal Music Academy), а Хаузер студира музика на Кралскиот универзитет во Манчестер (англиски: Royal Northern College of Music).[1] По долгогодишно искуство во класичната музика, тие се решаваат да направат преработка на хитотSmooth Criminal“ од Мајкл Џексон. Во јануари 2011 година снимката станува огромен хит на ЈуТјуб[2] со повеќе од три милиони прегледи во првите две седмици. Понатаму се одлучуваат да снимаат преработки на поп-рок песни, после долго размислување и желба за да направат нешто ново и оригинално во музиката, што инаку не би го постигнале само со свирење на класична музика.[3]

Кариера[уреди | уреди извор]

Како членови на продукциската куќа Сони Мастерворкс (англиски: Sony Masterworks[4] го снимаат својот прв албум во јуни 2011 година. Истиот вклучува обработки на песни од ѕвезди како ЈуТу, Ганс`ен`Роузис, Најн Инч Неилс, Стинг, Колдплеј, Нирвана и други. Први синглови кои беа издадени од овој албум се „Smooth Criminal“ и „Welcome to the Jungle“.[5][6]

Почнувајќи од летото 2011 година, учествуваат на повеќе турнеи со англискиот пејач Елтон Џон, по негова лична покана, откако тој ја слушнал нивната снимка и им предложил соработка. Досега имаат учествувано на повеќе од сто концерти низ целиот свет заедно со Елтон Џон.[7]

Имаат гостувано во бројни разговорни емисии, меѓу кои и на „Елен Диџенерес Шоу“ (англиски: The Ellen DeGeneres Show) и „Перез ТВ.“[8] Настапувале и на iTunes фестивалот во Лондон во јули 2011 година.[9]

Дискографија[уреди | уреди извор]

Студиски албуми
Концертни албуми

Библиографија[уреди | уреди извор]

  1. http://www.repubblica.it/spettacoli-e-cultura/2011/06/06/news/il_violoncello_da_sogno_di_luka_e_stjepan_da_youtube_ai_concerti_di_elton_john-17259661/ Преземено 28ми јуни 2012.
  2. http://www.sta.si/en/vest.php?s=a&id=1637981 Архивирано на 7 април 2012 г. Преземено 28ми јуни 2012.
  3. http://globus.jutarnji.hr/zivot/telefonski-poziv-koji-im-je-promijenio-zivot?onepage=1 Преземено 28ми јуни 2012.
  4. http://tunes.broadwayworld.com/article/Sony-MASTERWORKS-Signs-Viral-Internet-Sensation-2CELLOS-20110419 Преземено 28ми јуни 2012.
  5. http://www.2cellos.com/us/music/welcome-jungle Архивирано на 7 август 2011 г. Преземено 28ми јуни 2012.
  6. http://www.2cellos.com/us/music/smooth-criminal Архивирано на 15 август 2011 г. Преземено 28ми јуни 2012.
  7. http://www.2cellos.com/us/events/past Архивирано на 31 мај 2012 г. Преземено 28ми јуни 2012.
  8. http://dubrovacki.hr/clanak/28301/vatreni-duet-nastupio-u-showu-ellen-degeneres-stjepan-od-zestine-slomio-gudalo Архивирано на 15 август 2011 г. Преземено 28ми јуни 2012.
  9. http://www.tportal.hr/showtime/glazba/122131/2CELLOS-snimaju-za-Sony-i-sviraju-s-Eltonom-Johnom.html Преземено 28ми јуни 2012.
  10. http://www.2cellos.com/us/node/165 Архивирано на 24 август 2014 г. Преземено 28ми јуни 2012.