Чарлс Дикенс

Од Википедија — слободната енциклопедија
Прејди на: содржини, барај
Чарлс Дикенс
Чарлс Дикенс
Дикенс во Њујорк, 1867-1868
Роден Чарлс Џон Хафем Дикенс
7 февруари 1812(1812-02-07)
Ландпорт, Хемпшир, Англија
Починал 9 јуни 1870(1870-06-09) (воз. 58 г.)
Хајем, Кент, Англија
Почивалиште Агол на поетите, Вестминстерска катедрала
Занимање писател
Националност Британец
Значајни дела
Сопружник Кејтрин Дикенс
Деца

Потпис

Чарлс Џон Хафем Дикенс (англиски: Charles John Huffam Dickens; 7 февруари 1812 – 9 јуни 1870) — англиски писател и социјален критичар. Дикенс е автор на едни од најпознатите светски ликови и дела и тој се смета за еден од најголемите писатели во Викторијанската ера.[1] Неговите дела уживале голема популарност своевремено, а веќе во 20 век научниците и книжевните критичари го признале како книжевен гениј.[2][3]

Дикенс бил роден во Портсмут. Тој го напуштил училиштето за да работи во фабрика во период кога неговиот татко бил затворен. И покрај недостатокот на образование, тој бил уредник на неделник цели 20 години, напишал 15 романи, пет новели, стотици кратки раскази и статии, држел предавања, борец за правата на децата, образованието и социјалните реформи.

Успехот на Дикенс започнал во 1836 година со издавањето на Посмртните записи на Пиквичкиот клуб. За неколку години тој станал светска книжевна ѕвезда, познат по својот хумор, сатира и детален приказ на ликовите и општеството. Неговите романи, повеќето објавени во месечни списанија или неделници, биле пионери на сериското издавање на еден расказ, што пак станало доминатен начин за издавање еден роман во Викторијанската ера.[4][5] Овој начин на издавање му дало можност на Дикенс да ја испита реакцијата на публиката за претходното објавено дело и така често ги поправал своите ликови или приказни во согласност со реакцијата на публиката.[5]

Дикенс се сметал за книжевен големник во неговото доба..[6] Неговата новела од 1843, Божиќна приказна, се уште е популарна и инспирира секакви други адаптации. Оливер Твист и Големите исчекувања исто така се предмет на адаптаци, но тие се исто така важни за деталниот преглед на Лондон и Викторијанска Англија. Дикенс добил пофални критики од голем број светски книжевни џинови, почнувајќи од Лав Толстој па се до Џорџ Орвел на пример.

Рани години[уреди | уреди извор]

Чарлс Џон Хафем Дикенс бил роден на 7 февруари 1812 година, Ландпорт на островот Портси, во близина на Портсмут. Чарлс е второ од осумте дека на Џон Дикенс (1785–1851) и Елизабет Дикенс (родена Бароу; 1789–1863). Неговиот татко бил службеник во Нејви Пеј Офис и привремено бил назначен во округот.

Во јануари 1815 година Џон Дикенс бил повикан во Лондон и семејството се преселило на улица Норфолк во Фицровија.[7] Кога Дикенс имал само 4 години, тие се преселиле во Ширнес, а потоа во Чатам, Кент каде живееле до неговата 11 годишна возраст. Навидум имал идилично рано детство, иако самиот Дикенс рекол дека било „момче врз кое немало особено обрнато внимание“.[8]

Чарлс своето време воглавно го поминувал надвор, но исто така многу читал. Така тој растел со книгите на Тобијас Смолет и Хенри Филдинг, но и со Робинзон Крусо. Тој особено ги читал 1001 ноќ и Елизабет Инчбалд.[9] Тој имал голема меморија за своето детство, запамтувајќи голем број луѓе и настани, кои пак ги користел во своето пишување.[10] Поради работата на татко му во Нејви Пеј Офис, тој имал можност и на приватно школување за краток период во Чатам.[11]

Овој период привршувал во јуни 1822 година, кога Џон Дикенс бил повикан во централата на Нејви Пеј Офис и така целото семејство, освен Чарлс, се преселиле во Камден Таун во Лондон.[12] Семејството го напуштило Кент поради долгови,[13] па така Џон Дикенс бил приморан од страна на кредиторите да оди во затвор во Лондон во 1824. Чарлс живеел со Елизабет Ројланс, кога имал 12 години, која всушност бил семеен пријател.[14]

Позначајни дела[уреди | уреди извор]

Crystal Clear app xmag.svg Главна статија: „Библиографија на Чарлс Дикенс.

Дикенс имал објавено повеќе од 12 романи, голем број на кратки раскази и статии, неколку драми и слично. Некои од позначајните дела на Дикенс се:

Наводи[уреди | уреди извор]

  1. Black 2007, стр. 735.
  2. Mazzeno 2008, стр. 76.
  3. Chesterton 2005, стр. 100–126.
  4. Grossman 2012, стр. 54
  5. 5,0 5,1 Lodge 2002, стр. 118.
  6. Cain 2008, стр. 1.
  7. Charles Dickens and the Great Theatre of the World, Simon Callow, p.5
  8. Forster 2006, стр. 13.
  9. Simon Callow, Charles Dickens and the Great Theatre of the World, p.7
  10. Ackroyd 1990, стр. 22–24:29–30.
  11. Ackroyd 1990, стр. 41.
  12. Simon Callow, p.13
  13. Ackroyd 1990, стр. 76:'recklessly improvident'.
  14. Pope-Hennessy 1945, стр. 11.

Дополнителна литература[уреди | уреди извор]

Надворешни врски[уреди | уреди извор]

Дела[уреди | уреди извор]

Портали[уреди | уреди извор]

Музеи[уреди | уреди извор]