Џорџ Орвел

Од Википедија — слободната енциклопедија
Прејди на прегледникот Прејди на пребарувањето
Џорџ Орвел
George Orwell press photo.jpg
Роден/а Ерик Артур Блер
25 јуни 1903(1903-06-25)
Мотихари, Бенгал, Индија
Починат/а 21 јануари 1950(1950-01-21) (воз. 46 г.)
Псевдоним Џорџ Орвел
Универзитет Итон, Англија.
Жанр Сатира, фантастика, дистопија
Значајни дела „Животинска фарма“, „1984“
Години на активност 1928–1950

Џорџ Орвел (англиски George Orwell) е псевдоним на британскиот писател Ерик Артур Блер (25 јуни 1903 - 21 јануари 1950). Познат како политички и културен коментатор, Орвел е еден од најпочитуваните англиски есеисти од 20. век, иако тој е најпознат по двата романи напишани во доцните 1940-ти, политичката алегоријаЖивотинска фарма“ и „1984“. Втората книга ја опишува тоталитаристичка дистопија толку живо, што поимот „орвелизам“ денес често се користи во описот на различните видови контрола на мислата.

Биографија[уреди | уреди извор]

Џорџ Орвел е роден во 1903 година, во Мотихари, во Бенгал, каде татко му работел како државен службеник. Во 1907 година, неговото семејство се преселило во Англија, а во 1917 година Орвел се запишал на престижниот колеџ во Итон, каде соработувал со неколку списанија на колеџот. По завршувањето на школувањето, во 1922 година се вратил во Индија и до 1927 годин работел во Индиската империјална полиција во Бурма, но откако ги запознал нејзините методи, огорчен, набргу дал оставка. Во следниот период живеел тешко, а одредено време работел и како пристанишен работник во Бурма. Подоцна живеел две години во Париз, а потоа се вратил во Лондон, каде работел како учител и како продавач во книжарница. Кон крајот на 1936 година заминал во Шпанија, каде учествувал во граѓанската војна, на страната на републиканците (редовите на Работничката партија за марксистичко единство, ПОУМ) при што бил ранет. Во 1938 година бил примен во еден санаториум, но никогаш повеќе не закрепнал целосно, а шест месеци престојувал во Мароко. Во текот на Втората светска војна служел во Домашната гарда (Home Guard), а од 1941 до 1943 година работел во источната програма на BBC. Истовремено, Орвел објавувал и бројни статии во повеќе весници и списанија (Observer и Manchester Evening News), а бил литературен уредник во Tribune, каде пишувал политички и книжевни коментари. Орвел умрел во јануари 1950 година, во Лондон.[1] [2]

Литературно творештво[уреди | уреди извор]

Орвел почнал да пишува во Индија, а првото дело, автобиографската проза „Без скршена пара во Париз и во Лондон“, го објавил во 1933 година во Европа. Следната година ја објавил книгата „Бурманските денови“, а во 1935 година и романотЌерката на свештеникот“. Во 1938 година ги објавил своите забелешки од Граѓанската војна во Шпанија, со наслов „Во чест на Каталонија“. Во 1940 се појавила збирката со есеи, „Во внатрешноста на китот“, во 1945 излегла сатиричната бајкаЖивотинска фарма“, а потоа и неговото најпознато дело, романот „1984“.[3] Неколку дена пред смртта, Орвел примил порака од Дезмонд Мек Карти (Desmond MacCarthy) со зборовите: „Ти остави трајна трага во англиската книжевност... ти си еден од ретките писатели на својата генерација кои ќе се паметат.“[4]

Романи[уреди | уреди извор]

Есеи[уреди | уреди извор]

Поезија[уреди | уреди извор]

Надворешни врски[уреди | уреди извор]

Наводи[уреди | уреди извор]

  1. Džordž Orvel, Životinjska farma. Beograd; BIGZ, 1985, стр. 101.
  2. George Orwell, Animal Farm. London: Penguin Books, 2008, стр. 1-2.
  3. Džordž Orvel, Životinjska farma. Beograd; BIGZ, 1985, стр. 101.
  4. George Orwell, Animal Farm. London: Penguin Books, 2008, стр. 2.