Туризам во Албанија

Од Википедија — слободната енциклопедија
Прејди на: содржини, барај

Туризмот во Албанија се карактеризира со археолошкото наследство уште од времето на старите Илири, Грци, Римјани и Отоманци, потоа со преубавите плажи на албанското крајбрежје, огромните и прекрасни планини, вкусната албанска кујна, бункерите од светските војни, гостопримството, традицијата, ниските цени и преубавата селска средина. Списанието Lonely Planet ја рангира Албанија на место број 1 кое треба да се посети во 2011 година.[1] The New York Times ја рангира Албанија 4-та помеѓу 52 дестинации кои треба да бидат посетени во 2014.[2] Иако сеуште неоткриена, Албанија полека го зазема заслуженото место во туризмот, после цел еден век од независноста.[3] Huffington Post наведе 10 причини за посета на Албанија во 2013 година.[4] Неодамна, Албанија беше официјално наречена "Go Your Own Way". Претходно, беше условена како "A New Mediterranean Love" и "Europe's Last Secret".[5]

Албанската ривиера гледана од преминот Логора
Еден од градовите на УНЕСКО, Берат
Античкиот амфитеатар во Бутринт
Ѓирокастро, камениот град

Најголемиот дел од туристите во Албанија доаѓаат од соседните земји: Косово, Македонија, Црна Гора, Грција, Италија и албанската дијаспора.[6] Странските туристи најчесто доаѓаат од Средна и Источна Европа, поточно од Полска, Чешка, Словачка и Унгарија, потоа Германија, Белгија, Холандија, Франција, Британија и Скандинавија, и на крај од САД, Турција и некои азиски земји.[7]

Спротивно од некои шпекулации, Албанија е безбедна земја за патување[8] со топли луѓе кои помагаат придржувајќи се на познатата реченица Buke, Kripe e Zemer (Леб, Сол и Срце). За подобро уживање и покорисни информации, гостите кои доаѓаат за првпат во Албанија се консултираат и охрабруваат преку интернет страници и форуми, или просто резервираат билет преку некој локален тур-оператор. Oрганизираните групи кои доаѓаат ги посетуваат археолошките наоѓалишта, историските градови, или се одмараат во Драч и Шенѓин. Во последно време, голема заинтерсираност има за рафтингот, набљудувањето на птици, велосипедизам, планинарење, пешачење и тури низ руралните средини. Исто така, популарен е и "дентал" туризмот, поради многу ниските цени за изведување на стоматолошки услуги. Локалната традиционална кујна може да се проба во агрикултурните подрачја, покрај туристички атракции и убави места секаде низ државата.

Meѓутоа, лошата страна што се заканува на туризмот е слабата патна мрежа и инфраструктура, нерегулирани соодветни места за отпад, нелегална изградба на објекти, нерешена сопственост на земјиште и неквалификуваниот сектор за гостопримство. Сево ова е резултат на долгата изолација на Албанија, но во последните години се докажува спротивното. Поголемиот дел на главни патишта, некои планински се изградени преку европските ИПА фондови. Приватниот сектор и странските донатори инвестираат во сместувачки капацитети и во реновирање на историски наоѓалишта.[9]


Наводи[уреди | уреди извор]