Татлии

Од Википедија — слободната енциклопедија
(Пренасочено од Татлија)
Прејди на прегледникот Прејди на пребарувањето
Татлија
Татлии.jpg
Татлии
Дел од оброкотдесерт
Место на потеклоОтоманска Империја
РегионБалкан
Главни состојкимасло, млеко, брашно, ореви и шербет
Варијантиповеќе

Татлија — вид ориентална слатка, од пченичен гриз, попарена со шербет[1]. Вкусот на татлијата е сличен со оној на баклавата. Татлиите имаат повеќе варијанти и вообичаено содржат: брашно, млеко, масло, сечкани ореви и суво грозје, прелив од сируп од шеќер.

Татлиите се слатки, кои во нашите краеви дошле од Турција и се составен дел на, македонската, српската и бугарската кујна.

Приготвување[уреди | уреди извор]

Чаша масло и чаша млеко се ставаат во сад кој се грее додека не проврие, а потоа се трга од огнот. Во оваа течност со постепено мешање се додава: пола килограм брашно, прашок за печиво, сечкани ореви и суво грозје. Добиената смеса се разлева во претходно подмачканите садови. Во суровата состојба оваа смеса во тепсијата се сече на еднакви коцки и се пече во рерна додека не добие кафена боја. Додека се с уште жешки, татлиите се прелеваат со ладен шербет.

Татлиите се служат ладни така што исечените коцки се ставаат на тацна и се служат на гостите.

Види уште[уреди | уреди извор]

Наводи[уреди | уреди извор]

  1. „Татлија“ — Дигитален речник на македонскиот јазик