Боза

Од Википедија — слободната енциклопедија
Прејди на прегледникот Прејди на пребарувањето
Боза

Бозата — освежителен практично безалкохолен (1%) пијалак кој се добива со ферментација на брашно од пченица или просо, шеќер и квасец. Овој пијалак може да се најде во повеќето македонски слаткарници, и постана традиционален македонски пијалак. Луѓето кои го прават овој пијалак ги нарекуваат бозаџии. Рецептот за овој пијалак е стар стотици години а кај нас е пренесен со поробувањето од страна на Отоманската Империја.

Покрај Македонија, овој пијалак стана традиционален и во другите балкански земји во состав на Отоманската империја како Србија, Бугарија, Црна Гора, Босна и Херцеговина а посебно во Албанија и Турција. Македонската боза се разликува од останатите по тоа што е посветла и има посладок вкус.

Историја[уреди | уреди извор]

Бозаџија на улица продава боза, XIX век

За почетоците на бозата се верува дека датираат од пред неколку илјади години во времето на Месопотамија, но сигурни податоци добиваме од времето на Отоманската Империја каде што достигнува голема популарност. Бидејќи бил сметан за алкохолен пијалак тој понекогаш бил забрануван од султаните.

Наводи[уреди | уреди извор]

Надворешни врски[уреди | уреди извор]