Нова Мудања

Нова Мудања
Нова Мудања; Νέα Μουδανιά
	Црквата „Св. Ѓорѓи“ во Нова Мудања
	Нова Мудања
	Местоположба во областа Нова Мудања Местоположба на Нова Мудања во Нова Пропонтида и областа Централна Македонија
	Координати: 40°14.19′N 23°16.53′E / 40.23650° СГШ; 23.27550° ИГД
Земја	Грција
Област	Централна Македонија
Округ	Халкидик
Општина	Нова Пропонтида
Општ. единица	Мудања
Надм. вис.	20 м
Население (2011)
• Вкупно	9.342
Часовен појас	EET (UTC+2)
• Лете (ЛСВ)	EEST (UTC+3)

Нова Мудања или само Мудања (грчки: Νέα Μουδανιά, Неја Мудања) — гратче во Касандриско, Егејска Македонија, денес седиште на општината Нова Пропонтида на Халкидичкиот округ во областа Западна Македонија, Грција. Населението брои 9.342 жители (2011). Основано е од грчки дојденци во 1920-тите.

Географија[уреди | уреди извор]

Нова Мудања е сместена на источниот брег од Солунскиот Залив, југозападно од Полигеро, на влезот од полуостровот Касандра.^[2]

Историја[уреди | уреди извор]

Ова неселено место за првпат е забележано во пописот од 1920 г. како Карги Лимани (Чавкино Пристаниште) со 168 жители, од кои 100 мажи, што значи дека се работело за место на пристанишни работници и рибари.^[2] Официјално е прогласено за село во 1922 г. кога почнале да се носат грчки доселеници од Мудања во Мала Азија. Во 1928 г. местото веќе имало 1.238 жители.^[2] Селото било уредено, заменувајќи ги поранешните неуредни пристанишни постројки со уредено пристаниште и туристички капацитети, поради што доживеало поголем раст од сите други крајбрежни населби во околината. Во 1940 г. во Нова Мудања се попишани 2.296 жители. Во 1980-тите веќе станало гратче, надминувајќи 4.000 жители и продолжило да се развива. Во 2000-тите надминало 6.000 жители, а во 2011 населението пораснало на 9.342 лица.

Население[уреди | уреди извор]

Еве преглед на населението во сите пописни години, од 1940 г. до денес:

Година	1940	1951	1961	1971	1981	1991	2001	2011	2021
Население	2.296	2.600	2.600	3.146	4.124	4.403	6.475	9.342

Извор за 1940-1991 г.: Т. Симовски, Населените места во Егејска Македонија

Стопанство[уреди | уреди извор]

Население се занимава со риболов, трговија, земјоделство и свиларство — занает кој бегалците го довеле со себе од Мала Азија. Денес Нова Мудања е најдинамичниот град во западниот дел на полуостровот и е важно одморалиште со бројни туристи. Во средината на јули се одржува Фестивал на сардината.

Поврзано[уреди | уреди извор]

Халкидик

Наводи[уреди | уреди извор]

↑ „Попис на населението од 2011 г. Трајно население“. Државен завод за статистика на Грција.
↑ ^2,0 ^2,1 ^2,2 Симовски, Тодор (1998). Населените места во Егејска Македонија : географски, етнички и стопански одлики. I дел. Скопје: Институт за национална историја. стр. 374.

Надворешни врски[уреди | уреди извор]

Нова Мудања на Ризницата ^?

[census11-1] „Попис на населението од 2011 г. Трајно население“. Државен завод за статистика на Грција.

[НМЕМ-2] 2,0 ^2,1 ^2,2 Симовски, Тодор (1998). Населените места во Егејска Македонија : географски, етнички и стопански одлики. I дел. Скопје: Институт за национална историја. стр. 374.

[1]

[2]