Комбајн

Од Википедија — слободната енциклопедија
Прејди на: содржини, барај
Современ комбајн од марката „Змај“ во с. Драчево
Стар комбајн во Хенти, Англија

Комбајн е земјоделска машина која служи за собирање, односно жнеење на житото. Современиот комбајн, е разноврсна машина дизајнирана за ефикасно жнеење (собирање) на различни житни култури. Името произлегува од неговото комбинирање на три одделни операции кои опфаќаат: жнеење, вршење и веење - во еден процес, односно косење на житариците, раздвојување на класот со зрната од стракот слама и плевелот, а поголемиот дел современи комбајни прават и балирање на сламата од ожнеаното и извршеното жито. Меѓу житариците кои што се собираат со комбајн се пченицата, овесот, 'ржта, јачменот, пченката, сорго, соја, лен, сончогледи и канола. Отпадна слама оставена на теренот се преостанатите исушени стебла и лисја на културата со ограничени хранливи материи што е или сецкани и се шират на теренот или бали за добиточна храна и постелнина за добиток.

Современ комбајн од марката „Змај“ во с. Драчево

Со потребата на комбајните во земјоделството е забележано значително е зголемена брзината и резултатите при жетвата: од неколку kg/hа при рачно жнеење до 50 t/hа со современите трактори. Покрај квалитетот и квантитетот на жетвата игра голема улога во развојот на модерните комбајни и земјоделската механизација. Употребата на комбајните во жетвата влијае на зголемување на квалитетот што значи минимизирање на загубите и кршење на зрната жито и, исто така, висока чистота на житото. Моќноста на моторот и на модерните комбинајни достигнува околу 400 коњски сили. Погонот за возење на комбајнот е на хидраулична основа, додека погонот на косилката и уредот за вршење и прочистување на зрната жито се остварува механички.