Аостинска Долина

Од Википедија — слободната енциклопедија
Прејди на: содржини, барај

Аостинска Долина (италијански: Valle d'Aosta) е еден од дваесетте региони во Италија. Се наоѓа во северозападниот дел на државата и е претежно планински. Зафаќа површина од 3.263 km² и население од 120.909 жители. Главен град е Аоста.

Географија[уреди | уреди извор]

Аостинската Долина на запад се граничи со Франција, на север со Швајцарија, а на југ со регионот Пиемонт. Регионот има посебен автономен статус во Италија и сочинува посебна покраина во Италија. Главен град е Аоста.

Регионот го добил името по градот Аоста, а воедно е најмала и најретко населена покраина во Италија.

Покраината е алпска долина, највисок врв e Гран Парадизо, кој се наоѓа во истоимениот национален парк, oснован во 1922 година. Голем и познат центар е за зимски спортови. Во регионот постојат повеќе од 1000 села и 100 дворци. Поделен е на 74 општини.


Историја[уреди | уреди извор]

Оваа стара римска колонија прво стана дел од Бургундиското Кралство, потоа дел од Савоја, па во 1860 година се интегрира кон Италија. Во периодот 1800-1814 била дел од Француското царство и имала статус на арондисман во департментот Доир. Долго време се наоѓала на важен воен и трговски крстопат помеѓу Франција, Швајцарија и Италија. Аоста или Малиот Рим е град во Алпите во кој се наоѓаат многу важни споменици од неговата богата историја, како што се:

  • Некрополот Свети Мартин од Корлеанс
  • Aвгустовиот споменик на победата
  • Преторијанската Порта
  • Театар кој може да себере и до 4.000 гледачи.

Население[уреди | уреди извор]

Жителите на покраината сами себе се нарекуваат "Valdôtains". Регионот е двојазичен, францускиот се користи како административен јазик, додека пак мнозинството од населението говори арпитански (франко-провенсалски јазик). Тој јазик се користел отсекогаш во ова савојско подрачје, како и во Јура и ретороманскиот дел на Швајцарија. Денес, овој јазик е прилично загрозен и овој регион има најмногу говорници од истиот. Локалниот дијалект се вика "Valdôtain". Исто така, овде постои мал град Гресонеј чии жители говорат на еден германски дијалект. Во 1900 година, на мнозинството од населението мајчин јазик им бил францускиот. За време на Бенито Мусолини во регионот е спроведена присилна италијанизација, за после војната ситуацијата да се подобри. Денес со франко-провенсалскиот дијалект се служи мнозинството од руралното население.

Стопанство[уреди | уреди извор]

Главни стопански гранки на овој регион се полјоделството и туризмот. Меѓу главните производи кои се познати овде се сирењето, овошјето и виното. Додека пак од типовите на туризмот, најистакнат е селскиот туризам.

  • Термални извори: Се повторно откриени во 18 век, а претходно беа познати во ремето на Римјаните.

Надворешни врски[уреди | уреди извор]