Прејди на содржината

Алан Силвестри

Од Википедија — слободната енциклопедија
Алан Силвестри
Алан Силвестри во 2009
Животописни податоци
Родено имеАлан Ентони Силвестри
Роден(а)26 март 1950(1950-03-26) (74 г.)
Њујорк, Њујорк, САД
ЖанровиФилмска музика, современа класика, џез, амбиент
ЗанимањаКомпозитор, диригент, музички продуцент
Период на активност1972–денес
Мреж. местоalansilvestri.com Уредете го ова на Википодатоците

Алан Ентони Силвестри (англ. Alan Anthony Silvestri; роден на 26 март 1950) ― американски композитор и диригент најпознат по неговите дела од областа на филмската музика. Од 1984 година почнал да соработува со режисерот Роберт Земекис и ја компонирал музиката за речиси сите негови филмови, вклучувајќи ги: филмскиот серијал „Враќање во иднината“, Форест Гамп, „Бродолом на животот“ и „Поларен експрес“. Силвестри компонирал музика и за други популарни филмови, меѓу кои се: Предатор, Бездна, Таткото на невестата, Телохранител, трилогијата Ноќ во музејот и неколку филмови со суперхерои, вклучувајќи ги и филмовите Одмазници.

Двапати бил номиниран за Оскар и за Златен глобус, трипати ја добил наградата Сатурн и двапати наградата Еми за серија во ударен термин.

Живот и кариера

[уреди | уреди извор]

Алан Силвестри е роден на 26 март 1950 година.[1] Има италијанско потекло.[2] Детството го поминал во Тинек во сојузната држава Њу Џерси, каде што матурирал во 1968 година.[3] Две години учел на музичкиот колеџот „Беркли“.

Во 1970 година, Силвестри се преселил во Лос Анџелес.[4] Кариерата како композитор на музика за филм ја започнал во 1972 година на нискобуџетниот акционен филм Бандата на доберманот (The Doberman Gang).[4] Од 1977 до 1983 година, Силвестри бил главен композитор за ТВ-серијата ЧИПС и напишал музика за вкупно 95 епизоди.

Силвестри се запознал со филмскиот режисер Роберт Земекис додека соработувале на филмот од Земекис Лов на зелениот дијамант (1984). Оттогаш, тој ја компонирал музиката за сите филмови од Земекис, вклучително и трилогијата „Враќање во иднината“ (1985–1990), Кој го намести зајакот Роџер (1988), Смртта ѝ прилега (1992), Форест Гамп (1994), Контакт (1997), Бродолом на животот (2000), Поларен експрес (2004), Беовулф (2007), Божиќна приказна (2009), Лет (2012) и Прошетка (2015).

Во 1989 година, Силвестри ја компонирал музиката за филмот Бездна во режија од Џејмс Камерон. Од 2001 година, редовно соработувал и со режисерот Стивен Сомерс, компонирајќи музика за филмовите „Враќање на мумијата“ (2001), „Ван Хелсинг“ (2004) и „Џи Ај Џо: Подемот на Кобра“ (2009).

Силвестри компонирал музика за четири Марвелови филмови: Капетан Америка: Првиот одмаздник (2011), Одмаздници (2012), Одмаздници: Војна на бесконечноста (2018) и Одмаздници: Завршница (2019).

Силвестри, исто така, компонирал музика и за телевизиски серии, вклучувајќи ги Ти Џеј Хукер (една епизода), Старски и Хач (три епизоди) и Приказни од криптата (седум епизоди). Во 2014 година, ја компонирал наградуваната музика за научно-документарната серија Cosmos: A Spacetime Odyssey. Заедно со Глен Балард напишал песни за филмската адаптација на Пинокио од Дизни.[5]

Награди

[уреди | уреди извор]

Силвестри двапати бил номиниран за Оскар: Најдобра оригинална музика за Форест Гамп (1994) и за Најдобра оригинална песна за „Believe“ од саундтракот за Поларен експрес. Исто така, двапати бил номиниран за Златен глобус: најдобра музика за Форест Гамп и најдобра песна за Поларен експрес .

Во 1995 година, Силвестри добил почесен докторат по музика од музичкиот колеџ „Беркли“.[6]

Девет пати бил номиниран за Греми награди, а освоил две награди: Најдобра песна напишана за филм, телевизија или други визуелни медиуми за „Believe“ од „Поларен експрес“ во 2004 година; и најдобра инструментална композиција за одјавната шпица од филмот Бродолом на животот во 2002 година.

Добитник е на две Еми награди, и двете за Cosmos: A Spacetime Odyssey – Извонредна музика за главна тема и извонредна музичка композиција за серија за епизодата „Standing Up in the Milky Way“.

Трипати добил награда „Сатурн“ за најдобра музика, за неговите композиции за Предатор (1987), Враќање во иднината 3 (1989/90) и Ван Хелсинг (2004).

Наводи

[уреди | уреди извор]
  1. ↑ Rose, Mike (March 26, 2020). „Today's famous birthdays list for March 26, 2020 includes celebrities Keira Knightley, Martin Short“. The Plain Dealer. Посетено на March 26, 2023.
  2. ↑ Meredith May, "Alan Silvestri pairs music with wine", SFGate (June 7, 2013).
  3. ↑ Coutros, Evonne. "The Drummer Whom Gump Marches To", The Record (Bergen County), March 26, 1995. Accessed October 21, 2008. "Nearly three decades after Alan Silvestri drummed out beats for the Teaneck High School band, he's hoping to march to the podium Monday night to collect an Oscar."
  4. ↑ 4,0 4,1 Stanley, John (November 9, 1986). „Composer Hits a High Note 'Overnight'“. The San Francisco Examiner. стр. Datebook 21.
  5. ↑ „Pinocchio 2022 soundtrack: All the new and old songs in the Disney remake“. Radio Times (англиски). Посетено на 2024-06-16.
  6. ↑ „Clint Eastwood Honored by Berklee for Contributions to Jazz - Soundtrack.Net“. Soundtrack.net.

Надворешни врски

[уреди | уреди извор]
Нормативна контрола
Преземено од „https://mk.wikipedia.org/w/index.php?title=Алан_Силвестри&oldid=5284752“