Свети Георги

Од Википедија — слободната енциклопедија
(Пренасочено од Св. Ѓорѓија)
Свети Георгиј
Икона на Св. Георги во византиски стил. Вообичаено се прикажува како војник со копје или меч и со оклоп или панцир.
Великомаченик
Роден(а) околу 275/281., Кападокија
Починал(а) 6 мај 303
Почитуван(а) во православие
Римокатоличка црква
Канонизација 494 од папата Геласиј I
Слава 6 мај и 16 ноември

Свети Георги (Ѓорѓи или Ѓорѓија) — важен христијански светец и великомаченик од Кападокија.

Животопис[уреди | уреди извор]

Георги во својата дваесетта година го стекнал чинот трибун и како таков служел при царот Диоклецијан. Кога овој цар започнал гонење на христијаните, Георги истапил пред него и одважно изјавил дека е христијанин, поради што царот го затворил, наредил нозете да му ги стават во клади, а на градите да му положат тежок камен. Потоа наредил да го врзар на тркало под кое имало штици со големи клинци и така го вртеле. По ова го закопале во ров, така што надвор од земјата му била само главата и го оставиле во ровот три дена и три ноќи. Но при сите овие маки Георги непрестајно Го молел Бога и Бог веднаш го исцелувал и на големо одушевување на народот, го спасувал Својот маченик од смртта.

Свети Георги, фреска од 12ти век во Стараја Ладога

Кога Св. Георги воскреснал и еден мртовец, тогаш многумина ја примиле верата во Христа. Меѓу овие биле и царевата жена Александра и главниот жрец Атанасиј, земјоделецот Гликериј, и Балериј, Донат и Терин. Најпосле царот ги осудил Свети Георги и својата жена Александра на смрт со меч. Блажената Александра издивнала на губилиштето пред да ја убијат, а Свети Георги го убиле во 303 година.

Крстот на Свети Георги, на знамето на Англија

Безбројни се чудата што се јавиле на неговиот гроб. Многубројни се и неговите јавувања во сон и на јаве на многумина коишто го спомнуваат и ја бараат неговата помош до денешен ден. Од љубов кон Господ Христос, Свети Георги без тешкотии оставил се заради својата љубов: чин, богатство, царски почести, пријатели и сиот свет. За оваа љубов Господ го наградил со венец на невенлива слава на небото и на земјата и со живот вечен во Своето Царство. Го дарувал со сила и власт да им помага на оние што го слават и призиваат неговото име во бедите и неволјите.

Поврзано[уреди | уреди извор]