Самбра

Од Википедија — слободната енциклопедија
Прејди на прегледникот Прејди на пребарувањето
Самбра
Namur JPG02.jpg
Самбра низ центарот на Намир, Белгија
Самбра is located in Белгија
извор
утока
Изворот и утоката на Самбра на карта на Белгија
ЗемјаБелгија, Франција
Слив
Главен изворЛе Нувион во Тјераш, Пикардија
199 м
50°01′49″ СГШ; 3°50′29″ ИГД / 50.0302° СГШ; 3.8413° ИГД / 50.0302; 3.8413
УстиеМеза во Намир
50°27′43″ СГШ; 4°52′15″ ИГД / 50.4619° СГШ; 4.8708° ИГД / 50.4619; 4.8708Координати: 50°27′43″ СГШ; 4°52′15″ ИГД / 50.4619° СГШ; 4.8708° ИГД / 50.4619; 4.8708
ТечениеМезаСеверно Море
Сливна повр.2.740 км2
Физички особености
Должина193 км

Самбра (француски: Sambre, Самбр) — река во северна Франција и Валонија, Белгија. Таа е лева притока на поголемат арека Меза, во која се влева во градот Намир.

Реката извира кај Ле Нувион во Тјераш во департманот Ена, Франција. Минува низ француско-белгиското јагленарско подрачје, кое некогаш било од голема индустриска важност. Пловноста почнува од Ландреси во раскрсницата со каналот кон Оаза, кој го поврзува со централната речна сообраќајна мрежа на Франција (барем пред структурните пореметувања во 2006 г.).[1] Тече во должина од 54 км и минува низ 9 преводници со димензии од 38,5 × 5,2 м сè до белгиската граница кај Жемон. Почнувајќи од границата, Самбра е канализирана во два посебни потега долж 88 км, и има 17 преводници. Потегот Горна Самбра е долг 39 км и има 10 преводници со иста големина како француските, и оди до индуструскиот град Шарлероа. Остатокот од течението во Белгија е надограден на европска класа IV (товарни пловила до 1.350 тони) непосредно по Втората светска војна. Лежи во западниот крај на Индустриската бразда (Sillon industriel), која и денес претставува срцевината на индустријата во Валонија, и покрај целосното замирање на јагленарството и челичарството. Го достигнува градот Намир и се влева во Меза, која пак самата завршува во Северното Море.

Пловните делови во Франција се под надлежност на управата Водни патишта на Франција, а со оние во Белгија раководи Јавната служба на Валонија во рамките на Генералната оперативна дирекција за внатрешни водни патишта[2]

Течение[уреди | уреди извор]

Самбра тече низ следниве градови и гратчиња во Франција и Белгија, наведени според матичните департмани и покраини:

Франција Ена: Барзи во Тјераш
Франција Север: Ландреси, Олноа-Емери, Отмон, Мобеж
Белгија Ено: Тиен, Монтињи ле Тијел, Шарлероа
БелгијаНамир: Флореф, Намир

Поважни притоки[уреди | уреди извор]

Реката Самбра ги има следниве поважни притоки:[3]

  • Мал Елп
  • Голем Елп
  • О Дер (кај истоим. езера)
  • Ант
  • Тира
  • Бјемел
  • Тирија
  • О Див
  • Пјетон, северна притока (кај Шарлероа).[4]
  • Анзин (кај Шатле)
  • Бјем Дезо
  • Орно
  • Лињ
  • О Депе
  • Фоски Поток
  • Солтра[5]

Занимливости[уреди | уреди извор]

Наводи[уреди | уреди извор]

  1. Edwards-May, David (2010). Inland Waterways of France. St Ives, Cambs., UK: Imray. стр. 246–249. ISBN 978-1-846230-14-1. 
  2. Edwards-May, David (2014). European Waterways Map and Concise Directory. Lambersart, France: Transmanche. стр. 11–12, 17–20 and fold-out map. ISBN 979-10-94429-00-6. 
  3. „Contrats de rivière en Wallonie - Sambre“. Environnement.wallonie.be. конс. 25 March 2018. 
  4. „Le Ruisseau "le Piéton" - Piéton, Village du Hainaut“. Pieton.eu. конс. 25 March 2018. 
  5. Податоци за течението на Солтра (француски)

Надворешни врски[уреди | уреди извор]