Понеделник

Понеделник е денот во седмицата помеѓу недела и вторник.

Според ISO 8601, понеделник е првиот ден од седмицата. Во многу јазици, името означува „прв ден“, иако во други јазици како грчки или хебрејски означува „втор ден“.

Понеделник, најчесто во модерното западно општество е и првиот ден од работната недела бидејќи понеделник најчесто е денот кога вработените се враќаат на работа, а децата во училиште по неработниот викенд.

И во македонската традиција понеделник е т.н. делник, еден од деновите за работа.

Понеделник во уметноста и во популарната култура

Понеделник се јавува како инспирација за голем број автори од областа на уметноста и популарната култура:

• „Понеделник наутро“ - 16. глава во романот „Еден ден“ на Дејвид Николс.
• „Понеделнички приказни“ - книга на францускиот писател Алфонс Доде од 1873 година.
• „Среќни понеделници“ (англиски: Happy Mondays) - англиска рок-група.
• „Бурен понеделник“ (Stormy Monday) - песна на американскиот блуз-музичар Т-Боун Вокер (T-Bone Walker) од 1947 година.
• „Понеделник, понеделник“ - песна на американската група „Мамас енд папас“ (The Mamas & The Papas) од 1966 година.
• „Не ги сакам понеделниците“ (I don't Like Mondays)- песна на британската рок-група „Бумтаун ретс“ (The Boom town Rats) од 1979 година.
• „Понеделник никогаш нема да биде ист“ (Monday Will Never Be The Same) - песна на американската хардкор панк група „Хускер Ду“ (Hüsker Dü) од 1984 година.
• „Понеделничка ноќ од сателит“ (Monday Night by Satellite) - песна на австралискиот поп-пејач Мајкл Хачинс (Michael Hutchence) од 1989 година.
• „Не ги сакам понеделниците“ - песна на пејачката „Тори Амос“ (Tori Amos) од 2001 година.

Наводи

• Редовна година, која започнува во понеделник
• Престапна година, која започнува во понеделник