Еден ден (роман)

Од Википедија — слободната енциклопедија
Прејди на прегледникот Прејди на пребарувањето

Еден ден (англиски: One day) - роман на англискиот писател Дејвид Николс од 2009 година. Врз основа на книгата, во 2011 година бил снимен истоимениот филм.[1]

Содржина[уреди | уреди извор]

Романот се состои од 23 глави, групирани во пет дела:[2]

  • Прв дел: 1988-1992 Во почетокот на дваесеттите
    • Прва глава: Иднината
    • Втора глава: Назад во живот
    • Трета глава: Таџ Махал
    • Четврта глава: Можности 53
    • Петта глава: Правила на игра
  • Втор дел: 1993-1995 Доцните дваесетти
    • Шеста глава: Хемија
    • Седма глава: Добра смисла за хумор
    • Осма глава: Шоу-бизнис
    • Деветта глава: Цигари и алкохол
  • Трет дел: 1996-2001 Во почетокот на триесеттите
    • Десетта глава: Карпе дием
    • Единаесетта глава: Две средби
    • Дванаесетта глава: Да се каже „те сакам“
    • Тринаесетта глава: Третиот бран
    • Четиринаесетта глава: Татковство
    • Петнаесетта глава: Џин Себерг
  • Четврти дел: 2002-2005 Доцните триесетти
    • Шеснаесетта глава: Понеделник наутро
    • Седумнаесетта глава: Важенговор.док
    • Осумнаесетта глава: Насреде
  • Петти дел: Три годишнини
    • Деветнаесетта глава: Утрото потоа
    • Дваесетта глава: Првата годишнина - Прослава
    • Дваесет и прва глава: Артуровиот трон
    • Дваесет и втора глава: Втората годишнина - Распакување
    • Дваесет и трета глава: Третата годишнина - Лани летоска

Дејството во романот започнува на 15 јули 1988 година, кога Декстер Мејхју и Ема Морли, студенти на Универзитетот во Единбург, се запознаваат по свеченото доделување на дипломите. Тие поминуваат заедно една убава ноќ и утредента секој треба да тргне по својот пат. Декстер прераснува во телевизиска ѕвезда, работејќи како водител на глупави емисии, а Ема работи во мексикански ресторан, сонувајќи да постане писателка. И покрај спротивните карактери, тие стануваат најдобри пријатели. Потоа, во книгата се прикажува нивниот однос во следните 20 години, и тоа секогаш на истиот ден - 15 јули. Притоа, тие созреваат и се помируваат со природата на нивната љубов и со самиот живот.[3]

Изданија на македонски јазик[уреди | уреди извор]

Романот „Еден ден“ е објавен на македонски јазик во 2012 година, од страна на издавачката куќа „Три“, а во превод на Мирјана Буразер. Книгата е со обем од 396 страници, со димензии од 21 сантиметар, во мек повез. Лектурата ја извршила Васка Кочовска, а книгата е отпечатена во печатницата „Стеда графика“. Таа е каталогизирана во НУБ „Св. Климент Охридски“, Скопје и ја носи меѓународната ознака ISBN 978-608-230-051-1.[4]

Наводи[уреди | уреди извор]

  1. IMDb, One Day (2011) (пристапено на 3.1.2016)
  2. Дејвид Николс, Еден ден. Скопје: Три, 2012.
  3. Дејвид Николс, Еден ден. Скопје: Три, 2012.
  4. Дејвид Николс, Еден ден. Скопје: Три, 2012.