Нов Коулун

Нов Коулун

新九龍
Нов Коулун
Мапа на Хонгконг, истакнувајќи го Коулун во зелено), а Нов Коулун во црвено
Географија
Координати	22°15′52″N 114°11′14″E
Хонгконг

Нов Коулун е област во Коулун, Хонгконг, опколен на југ со Граничната улицата, на север со врвовите Лавовска карпа, Бикон Хил, Тејт Керн и Коулун Пик. Ги опфаќа денешните квартови Куун Тонг и округот Вонг Таи Син и дел од областа Шам Шуи По и округот Сити Коулун.

Историја

Пред Конвенцијата на Пекинг во 1860 година, територијата на Коулун првично беше дефинирана како област во полуостровот Коулун јужно од Граничната улицата (позната како Коулун и островот Каменосец), што им беше отстапено од Империјата Ќинг на Велика Британија според Конвенцијата.

Од друга страна, територијата северно од Граничната улицата (подоцна позната како Нов Коулун) остана дел од Ќинг империјата сè додека не се изнајми како дел од Новите територии на Велика Британија во 1898 година за 99 години според Втората конвенција на Пекинг. Областа на Нов Коулун беше дефинирана со закон во 1937 година за да се зголеми земјиштето достапно за урбан развој. Во пракса и областите на југ и на север од Граничната улицата (т.е. и Коулун и Нов Коулун), од теснецот Леи Јуе Мун на исток до заливот Меи Фу Сон Чуен и заливот Лаи Чи Кок на запад, колективно се познати како „Коулун“. На пример, поштенска адреса во Квун Тонг ќе го идентификува „Коулун“ како негово регионално одредиште, иако е технички во Нов Коулун.

Нов Коулун денес

Во секојдневните разговори, терминот „Нов Коулун“ сега ретко се слуша во Хонгконг. Нов Коулун повеќе не се смета како дел од Новите територии, туку како дел од урбаната област Коулун надвор од Граничната улицата. Како и да е, законските дефиниции за Коулун, Нов Коулун и Новите територии остануваат непроменети - Нов Коулун остана легално дел од Новите територии наместо Коулун. На 1 јули 1997 година, териториите од двете страни на Граничната улица (отстапени и изнајмени соодветно) беа пренесени во Кина, заедно со остатокот од Хонгконг.

Ознаката „Нов Коулун“ сепак има некои правни импликации. Бидејќи Нов Коулун технички останува дел од законите на Новите територии, приватното земјиште во Нов Коулун се чува по пат на закуп на земјиште од владата на Хонгконг, а со тоа е предмет на плаќање на закупнина.

Поврзано

• Хонгконг
• Управна поделба на Хонгконг
• Хонгконг (остров)
• Коулун
• Нови територии (Хонгконг)

Надворешни врски

• Водичи за патување Нов Коулун