Најмрачниот час (филм од 2017)

Од Википедија — слободната енциклопедија
Прејди на прегледникот Прејди на пребарувањето
„Најмрачниот час“
РежисерЏо Рајт
Продуцент
СценаристЕнтони Мекартен
Настапуваат
МузикаДарио Марианели
КинематографијаБруно Делбонел
МонтажаВалерио Бонели
Студио
ДистрибутерFocus Features
Премиера1 септември 2017 (2017-09-01) (Филмски фест. во Телјурајд)
12 јануари 2018 (2018-01-12) (Обединето Кралство)
Времетраење125 минути[1]
Држава Обединето Кралство
Јазиканглиски
Буџет30 милиони долари[2]
Бруто заработка136 милиони долари[3]

Најмрачниот час (англиски: Darkest Hour) — британски воен драма филм од 2017 година, во режија на Џо Рајт по сценарио на Ентони Мекартен. Главна улога во филмот игра Гери Олдмен кој го толкува ликот на Винстон Черчил. Филмот ги прикажува првите денови на владеење на Черчил како британски премиер во текот на втората светска војна кога Нацистичка Германија ја збришува Западна Европа и се заканува дека ќе го порази Обединетото Кралство, што доведува до судири на највисокото ниво на владеење помеѓу оние кои сакаат да склучат мировен договор со Адолф Хитлер и самиот Черчил кој тоа го одбива. Во споредните улоги се појавуваат: Кристин Скот Томас, Лили Џејмс, Бен Менделсон, Стивен Дилејн и Роналд Пикап.

Филмот премиерно бил прикажан на филмскиот фестивал во Телјурајд на 1 септември 2017 година,[4] а потоа бил прикажан и на филмскиот фестивал во Торонто.[5] Филмот започнал ограничено да се прикажува во САД на 22 ноември 2017 година, пред да биде нашироко издаден на 22 декември во САД и на 12 јануари 2018 година во Обединетото Кралство.[6] Филмот остварил заработка од 136 милиони долари во светски рамки и бил добро прифатен од критичарите.

Многу критичари ја истакнале изведбата на Гери Олдман како една од најдобрите во неговата кариера; тој добил номинација за Оскар за најдобар глумец, и ги добил наградите БАФТА за најдобар глумец, Златен глобус за најдобар глумец во драма, како и наградата за најдобар глумец во главна улога која ја доделува здружението на филмски глумци.[7] На 90. доделување на наградите Оскар, филмот добил шест номинации, вклучително и во категоријата најдобар филм, и ги добил наградите во категориите најдобар глумец и најдобра шминка и фризура. На 71. доделување на наградите БАФТА, Најмрачниот час добил девет номинации и бил награден во две категории.[8]

Заплет[уреди | уреди извор]

Дејството започнува во мај 1940 година. Опозициската Лабуристичка партија во Парламентот бара оставка од британскиот премиер Невин Чемберлен поради тоа што го смета за премногу слаб во пресрет на нацистичкиот јуриш. Чемберлен на своите советници од Конзервативната партија им вели дека го сака Лордот Халифакс за свој наследник, но тој одбива. Чемберлен мора да го одбере единствениот друг човек кого останатите партии ќе го подржат: Винстон Черчил, Првиот Лорд на Адмиралитетот.

Черчил сака да ја отпушти својата нова секретарка Елизабет Лејтон бидејќи таа погрешно ќе го слушне при диктирање на писмо, но за тоа тој добива прекор од својата сопруга Клементина. Кралот Џорџ VI против сопствената желба го поканува Черчил да состави влада во која ќе бидат членови и Чемберлен и Халифакс.

И покрај тоа што бил во право за опасноста од Адолф Хитлер, Черчил имал лошо реноме поради неговото досие во Адмиралитетот, Галиполската операција во првата светска војна, неговите ставови за Индија и неговата поддршка за Едвард VIII во текот на абдикацијската криза. Парламетот реагира ладно на првиот говор на Черчил во кој тој ветува „крв, труд, солзи и пот“, и за кој подоцна ќе биде казнет од Кралот. Черчил одбива да склучи мировен договор, сметајќи дека Германците се недоверливи, но францускиот премиер смета дека тој е во заблуда бидејќи не признава дека сојузниците ја губат битката за Франција. Халифакс и Чемберлен се согласуваат, подготвени да го искористат италијанскиот амбасадор Џузепе Бастијанини како посредник за преговори со Германија. Нивниот план е да дадат отказ од владата доколку Черчил одбие да преговара за мировен договор, и да изгласаат негова недоверба, која ќе овозможи Халифакс да стане нов британски премиер.

Британските експедициски сили се заробени кај Денкерк и Кале. Против советот на воениот кабинет, Черчил му наредува на командантот на бригада Клод Николсон во Кале да ја води 30. пешадиска бригада во самоубиствен напад да го одвлече вниманието на противникот додека војниците во Денкерк се евакуирани.

Поразот во Франција предизвикува воениот кабинет да поддржи мировни преговори со Германија. Кралот Џорџ VI неочекувано го посетува Черчил; тој, не сакајќи да владее во егзил доколку Обединетото Кралство е окупирано, го охрабрува премиерот да продолжи да војува. Сеуште несигурен што да направи, Черчил решава да ги праша патниците во лондонската подземна железница; граѓаните едногласно велат дека сакаат да продолжат да се борат. Черчил се среќава со дел од членовите на воениот кабинет и со други членови на Парламентот, кои исто така му ја даваат поддршката. Евакуацијата на воените трупи од Денкерк, операцијата Динамо е успешна.

Додека Черчил се подготвува да се обрати во Парламентот, Халифакс му вели на Чемберлен да продолжат со нивниот план и да дадат отказ во владата, но Чемблерлен одлучува прво да го слушне обраќањето на Черчил. На крајот на неговиот говор, Черчил прокламира „ќе се бориме на плажите“ доколку Германците извршат опсада. Чемберлен одлучува да го поддржи Черчил и Парламентот аплаудира на пркосењето на премиерот.

Улоги[уреди | уреди извор]

Продукција[уреди | уреди извор]

На 5 февруари 2015 година, било објавено дека продукциската компанија Working Title Films го стекнала Најмрачниот час, шпекулативно сценарио во кое се работи за Винстон Черчил во почетоците на втората светска војна, чиј автор е Ентони Мекартен, сценаристот на филмот Теорија на се.[9]

На 29 март 2016 година, било објавено дека Џо Рајт е во преговори за да го режира филмот.[10] Во април 2016 година, било објавено дека Гери Олдмен е во преговори за да го толкува ликот на Винстон Черчил.[11] На 6 септември 2016 година, било објавено дека Focus Features ќе го издаде филмот во САД на 24 ноември 2017 година, Бен Менделсон ќе го толкува ликот на Кралот Џорџ VI, а Кристин Скот Томас ќе ја толкува Клеметина Черчил.[6] На 8 ноември 2016 година, Стивен Делејн добил улога.[12]

Снимањето на филмот започнало во ноември 2016 година,[13] и било објавено дека Дарио Маријанели ќе биде автор на филмската музика.[14] За улогата како Черчил, Олдмен поминал околу 200 часови со шминка на себеси и испушил преку 400 пури (во вредност од 20,000 долари) во текот на снимањето.[15][2]

Џон Херт првично бил назначен да го толкува британскиот премиер Невил Чемберлен.[16] Сепак, според Олдмен, Херт бил подложен на третмани за рак на панкреасот и не бил во состојба да присуствува на читањата.[17] Наместо него, Роналд Пикап ја добил улогата. Херт починал од рак во јануари 2017 година.[18]

Прием[уреди | уреди извор]

Заработка[уреди | уреди извор]

До 2 март 2018 година, Најмрачниот час остварил заработка од 54.8 милиони долари во Северна Америка и 81.3 милиони долари во другите територии (вклучително и 28.8 милиони долари во Обединетото Кралство), за вкупна заработка од 136.1 милиони долари во светски рамки.[3]

Во САД и Канада, филмот започнал ограничено да се прикажува на 22 ноември 2017 година. Во првите пет дена на прикажување, Најмрачниот час остварил заработка од 246,761 долари од четири кина.[19] Филмот бил нашироко издаден на 22 декември 2017 година, заедно со филмовите Малиот голем живот, Совршен ритам 3, Се бара стариот и Обликот на водата, и заработил 3.9 милиони долари од 804 кина преку викендот, и 5.5 милиони долари во четиридневниот божиќен период.[20] 85% од публиката имала над 25 години, а 30% имале 50 години или биле постари.[21] Следниот викенд филмот заработил 5.5 милиони долари и вкупно 7 милиони долари во четиридневниот новогодишен период.[22] Во првиот викенд по објавувањето на шесте номинации за Оскар, филмот заработил 2.1 милиони долари.[23]

Наводи[уреди | уреди извор]

  1. „Darkest Hour“. tiff. конс. 15 August 2017. 
  2. 2,0 2,1 Alex Ritman (12 December 2017). „How 'Darkest Hour's' Grand Transformation of Gary Oldman Into Winston Churchill Took $20,000 Worth of Cigars“. The Hollywood Reporter. конс. 16 December 2017. 
  3. 3,0 3,1 „Darkest Hour (2017)“. Box Office Mojo. конс. 26 February 2018. 
  4. Hammond, Pete (31 August 2017). 'Darkest Hour', 'Battle of the Sexes', 'Lady Bird' Among World Premieres in 2017 Lineup – Telluride Film Festival“. Deadline.com. конс. 31 August 2017. 
  5. „Toronto Film Festival 2017 Unveils Strong Slate“. Deadline. конс. 25 July 2017. 
  6. 6,0 6,1 Gary Oldman's Winston Churchill Film 'Darkest Hour' Gets Release Date, Rounds Out Cast“, „Variety“, 6 септември 2016 (посет. 4 ноември 2016 г).
  7. Rubin, Rebecca (11 December 2017). „Golden Globe Nominations: Complete List“. Variety. конс. 11 December 2017. 
  8. „The Shape of Water leads Bafta nominations“. BBC News. 9 January 2018. конс. 9 January 2018. 
  9. 'Theory of Everything's Anthony McCarten & Working Title Set Winston Churchill WWII Epic“, Deadline.com, 5 февруари 2015 (посет. 4 ноември 2016 г).
  10. Joe Wright in Talks To Direct Winston Churchill Pic For Working Title“, „Deadline“, 29 март 2016 (посет. 4 ноември 2016 г).
  11. Gary Oldman in Talks to Play Winston Churchill in 'Darkest Hour'“, „Variety“, 14 април 2016 (посет. 4 ноември 2016 г).
  12. Lodderhose, Diana (8 November 2016). „Stephen Dillane Joins Working Title's Churchill WWII Epic 'Darkest Hour' As Production Begins in UK“. Deadline. конс. 14 December 2016. 
  13. First Look: Gary Oldman Thoroughly Transforms into Winston Churchill in 'Darkest Hour'“, „The Film Stage“, 3 ноември 2016 (посет. 4 ноември 2016 г).
  14. „Dario Marianelli to Score Joe Wright's 'Darkest Hour'. конс. 15 May 2017. 
  15. „Gary Oldman Spent 200 Hours in Make-Up Chair To Become Winston Churchill In 'Darkest Hour'. Deadline.com. 29 March 2017. конс. 30 March 2017. 
  16. Barbage, Rachel (16 мај 2017 г). John Hurt won't appear in Darkest Hour, what was thought to be his final film. „Digital Spy. http://www.digitalspy.com/movies/news/a828492/john-hurt-not-in-darkest-hour-final-film/. посет. 20 мај 2017 г. 
  17. Dunn, James. „A terminally ill writer saying his final goodbyes and former Prime Minister Neville Chamberlain: John Hurt's last roles set for release from beyond the grave“, 28 јануари 2017.
  18. McNary, Dave (6 септември 2016 г). Gary Oldman’s Winston Churchill Film ‘Darkest Hour’ Gets Release Date, Rounds Out Cast. „Variety. https://variety.com/2016/film/news/gary-oldman-winston-churchill-darkest-hour-release-date-1201852817/. посет. 5 јануари 2018 г. 
  19. D'Alessandro, Anthony (26 November 2017). „Thanksgiving B.O. At $268M, +3% Over 2016 Spurred By 'Coco' & Holdovers – Sunday Update“. Deadline.com. конс. 26 November 2017. 
  20. Anthony D'Alessandro (24 December 2017). „Last Jedi' Lords Over Christmas Weekend B.O. With $100M+ As 'Jumanji' Roars $65M+ & 'Pitch Perfect 3' Sings $27M“. Deadline.com. конс. 24 December 2017. 
  21. Pamela McClintock (22 January 2018). „Box Office: 'Darkest Hour' Conquers U.S., Pulls Ahead of 'Lady Bird'. The Hollywood Reporter. конс. 30 January 2018. 
  22. Anthony D'Alessandro (31 December 2017). „‘Last Jedi’ Has Upper Hand Over ‘Jumanji’ In New Year’s Weekend Duel As 2017 B.O. Closes With $11.1B – Monday Update“. Deadline.com. конс. 1 January 2018. 
  23. D'Alessandro, Anthony (28 January 2018). „Fox Controls Close To 40% Of Weekend B.O. Led By ‘Maze Runner’ & Oscar Holdovers; ‘Hostiles’ Gallops Past $10M“. Deadline.com. конс. 28 January 2018. 

Надворешни врски[уреди | уреди извор]